Matayo 11
11
Yoane Kabatisanit a soŋdu luyökie ko Yesu yu
(Koti Luka 7.18-35)
1A Yesu ko tutuŋge saŋu na ŋutu kanyit kajujumuk puök wot murek kulo, a nye kö ’yi ŋinu pirit, a iti ŋerot i totodinöddu ko i totokuöddu i köjinö kase ka ’de ka ’de.
2Nyena a Yoane iŋge yio i kadi rereket ŋo nagon Masia kökon kunu, a nye soŋdi kulye ŋutu kanyit kajujumuk ko lepeŋ yu, 3a se pije lepeŋ adi, Do a nye lo popo lo kode yi möŋdu lele?
4A Yesu waddi lepepat adi, Iti ta ko taki ta Yoane po na yio ta ko na met ta kine, 5#Yis 35.5, 6; Yis 61.1adi ŋutu mo ’dokeno meddi meddya, ŋodeki wöröni wörö, ŋutu ti rimajin aje tokela, miŋeki yiŋge yioga, ŋutu lo twatwa aje toŋiyu i twan, ŋutu lomerika aje tokuki Loŋe Lo ’but.
6Nyena ŋuto logon a ko köpukö ko kulya kwe lo a kalyöŋi.
7A nagon ŋutu lo sonyo kulo iti tu nu, a Yesu suluje pija lodir lo ŋutu i kulya ti Yoane adi, Ta a tu i yöbu i meddya na nyo? Ta a tu i meddya na pa ’duŋi lo wiŋö ko köbuŋöt le? 8Nyena ta a tu kaŋo i meddya na nyo? Ta a tu i meddya na ŋuto lo jupu boŋgo naparere na gwöröge? le? ’Diri ŋutu logon jupu boŋgwat naparere kilo si ’da i kadijik ti moran. 9Nyena ta a tu kaŋo i meddya na nyo? Ta a tu i meddya na nebi? Iŋkoi, nan takiŋdya ta adi ta ’diri a met ŋuto logon Iwolwoŋ nebi. 10#Mal 3.1Ŋilo ŋuto a nye logon kulya kanyit a wurö adi,
Mete, nan soson luyökie liŋ konut ŋerot
logon mo tetenaddu kiko ilot konut ŋerot.
11’Diri nan takiŋdya ta adi, i kiden na ŋutu logon a yuŋweki i na kak kilo lele geleŋ a ko pukun kwoŋ logon a duma lwölwöŋ Yoane Kabatisanit; ama ŋuto logon a lo ’dit bia parik i Tumatyan na Ki lo a duma lwölwöŋ lepeŋ. 12#Luk 16.16Suluja i pö na Yoane Kabatisanit tojo ko soŋinana. Tumatyan na Ki ri ’di ’e ko riŋit, a ŋutu ri ’diaddi ’börik i riŋuŋdya na nye.
13Kogwon nebijin liŋ se ko Saresi ti Mose keju ŋo na popo tojo ko po na Yoane; 14#Mal 4.5; Mat 17.10-13; Mar 9.11-13nyena ko ta a ruk yiŋga kine kulya, Yoane a ŋilu Eliya logon mo popo. 15ŋuto lo gwon ko swö yiŋesi ti nye yiŋge kine kulya.
16Ama nan de töjukin ŋutu ti na toberon i nyo? Se gwon gwoso ŋwajik logon sisi ’datu i piriton gwöriesi, a luŋgi ŋwajik lo birye ko se kulo adi,
17Yi a kutakiŋdya ta kili ’bajin, ama a ta tine gwoja,
yi a yo ’yu köli lo twan, ama a ta tine gwien.
18Kogwon Yoane aje po a gwe a ko nyesu a gwe a ko möju, nyena a se kulyani adi, Lepeŋ ko mulökötyo loron;ama nan Ŋuro lo ŋuto aje po nyenyesu ko mömöju, a se kulyani adi, Meddi ta, ŋilo kanyöönit ko a kamere, lepeŋ a ju lo kapepenak ti usur ko a ju lo katoronyak!
19Ama Koŋon na Ŋun a kurwe a gwak ko konesi kanyit.
Köjinö nagon ŋutu kase ti ’bön löpuggö töilyet
(Köti Luka 10.13-15)
20A kirut Yesu suluje yuyuggö köjino nagon nye aje koŋdya kitajin kanyit sörösi najore kata kune, kogwon ŋutu kase ti ’bön löpuggö töilyet.
21 #
Yis 23.1-18; Ejk 26.1—28.26; Yoe 3.4-8; Amo 1.9, 10; Jak 9.2-4 Adi, Wöidiö Korajina! Woidio Betesaida! Ko ködyö kitajin sörösi nagon a kona kasu kiden kune köju ködyö a kona Turo se ko Sidona, a ŋutu kase ködyö aje ’beron löpuggö töilyet, dedelya ko a jupu boŋgwat terekesi ko a we ’ya ’börik ko kurök. 22Ama nan takiŋdya ta adi, Turo se ko Sidona mo ’duŋöki putet pölilyö i lor ’duŋet lwölwöŋ ’duŋöki nasu. 23#Yis 14.13-15; Sul 19.24-28Ama do Kaperanauma, do yeyeju adi do ŋona mo totodumala tojo i ’diko le? ’Bayin, ama do mo jojoŋa kak tojo i pirit na mulökö. Kogwon ko kodyö kitajin sörösi nagon a kona konut kiden kune köju ködyö a kona Sodoma, a ŋinu köji ködyö yeŋe yeŋon tojo ko lo lor.
24 #
Mat 10.15; Luk 10.12 Ama nan takiŋdya ta adi Sodoma mo ’duŋöki putet pölilyö i lor ’duŋet lwölwöŋ ’duŋöki nasu.
Po ta köyö ni i yukan
(Köti Luka 10.21-22)
25A i nu diŋit gwak a Yesu kulyani adi, Tinate pon Baba, MATAT lo ki ko lo kak, kogwon do aje ’de ’ya kine kulya i ŋutu lokoŋ ko i ŋutu lo kukurun kulya, a do iŋge kwekin se i lupudiet; 26iŋkoi, Baba, do aje koŋdya sona kogwon meta a na ’but konut. 27#Yoa 3.35; Yoa 1.18; 10.15Baba aje ’burukin nan ŋo liŋ; lele ŋuto a ko den nan Ŋuro ama Baba ka ’de lo deŋdya; köti ŋuto a ko den Baba ama nan Ŋuro ka ’de lo deŋdya, se ko ŋutu logon nan Ŋuro a wakun kwekiŋdya se Baba kulo.
28Po ta köyö ni, ta ŋutu liŋ logon kikita ko a sopa pömöni, a nan de tiŋdi ta yukan. 29#Yer 6.16’Dumuŋdye ta gwuluŋi liŋ kasu i murutö ko jujumbi ta köyö, kogwon nan a lolik pele ko a lokoyok i töili, a ta de ryeji yukan kasu i töilyet;
30kogwon gwuluŋi liŋ a loliliŋ i ’doko, a ŋo na sop nan anyen ’do ’doko kune gwe pa ’de ’de.
Currently Selected:
Matayo 11: BBE
Highlight
Share
Copy
Want to have your highlights saved across all your devices? Sign up or sign in
Bari Bible © United Bible Societies, 1979.
