Malaki 2

1Ta kulo koanejin, ŋilo saret a saraki ta. 2Ko ta ti ’bon yiŋga, a ta gwe ti tin kasu i toilyet, anyen bu ’ya karin kwe, nan MATAT lo kurumi lo kulya adi nan mo sunyukiŋdyo ta lomit, a nan mo lombi ’boriesi kasu; iŋkoi nan aje lom lepeŋat, kogwon ta a ko tikin ŋilo saret kasu i toilyet. 3Meddi ta, nan mo ririŋ riŋit na gwon kasu i konisi, a nan mo ratakiŋdye moyok kasu i komorsikan, moyok ti kijakwa ti roriot kasu, a nan mo rikoddi ta kaŋo koyo i komor. 4#Ken 3.11-13Nyena a ta mo deŋdi adi nan lo sunyukiŋdyo ta ŋilo saret, anyen tomoret nio ko kotumit na Lewi boŋo gwo ’dan go, nan MATAT lo kurumi lo kulya. 5#Ken 25.12Tomoret nio ko lepeŋat gwon a ru se ko taliŋ, kine ŋo nan a tikin lepeŋat anyen se boŋo kukujono; a se iŋge kugga nan, a se iŋge böŋdu ko karin kwe. 6Saresi ti tugwakan gwon kase i kutusen, a toron gwe a ko rye kase i ŋedepa. A se woroni ko nan i taliŋ ko i torigwo, a se iŋge lopukun ŋutu jore kaŋo i kulya nakwolorok. 7Kogwon ŋutu yiyio jamesi ti koanejin, a se ga ’yi todinesi ko saresi lo jam lepeŋat kilo, kogwon se a luyökie kwe nan MATAT lo kurumi.

8Ama nan MATAT lo kurumi lo kulya adi ta aje girara kaŋo i ŋilo kiko; a ta aje tukopuggo ŋutu jore i kulya ti saresi kasu; ta aje koŋu tomoret nio ko Lewijin, 9nyena a nan koti mo tiŋdi ta i lawe ko i to ’dita ko ŋutu lio i komor, gwoso nagon ta a ko ’debba kikolin kwe na, ama ta aje nyunyumbo ŋutu i kulya ti saresi.

ŋutu ti Yisaraele a ririŋa kogwon se a kamumulukak

10Yi liŋ ti gwon a ti monye geleŋ le? Ti gwon a ŋun geleŋ lo gweja yi le? Ko nyo nagon a yi mumuluŋge ’borik i koŋu na tomoret na komonye kaŋ?

11ŋutu ti Yuda a kamumulukak, a ŋo na mamana iŋge kona Yisaraele se ko Yerusalema; kogwon ŋutu ti Yuda a toluddya pirit nake na rurwan na MATAT na nyar nye na, se aje yemba ŋutu kakwakwasak ti ŋunyen lepelok.

12Ti MATAT ’duŋöro ŋutu lio lo koŋdya sona kilo kaŋo i kemialan ti Yakobo, ma ’di nagon se a jakiŋdya MATAT lo kurumi ’dokesi kase.

13A ta koti koŋdi sona. Ta muggo pirit ’yuret na rubaŋgajin ti MATAT ko politan, se ko gwien ko wiwinya kogwon lepeŋ tine yeyeju ’dokesi kasu, koti a nye tine nyar wuju se kasu i konisi.

14A ta pipije adi, Ko nyo? Adi kogwon MATAT a kametanit i kiden nasu ko wate kasu ti toteton, ama ta a mumu-lugga se, ma ’di nagon se gwolor ko ta, ma ’di nagon ta a torukökin i toyem.

15Ti gwon a nye ŋun togeleŋ logon a gweja se ko mugun ko kodudwo? A nye ’deke nyo? Nye ’de ’dekan nyomot kanyit ti ŋun. Nyenagon tini ta ti ’borik, ko ti lele ŋuto gwe ti mumulugga narakwan nanyit na toteton. 16Kogwon MATAT ŋun lo Yisaraele lo kulya adi, Nan maman yaŋdu, a nan maŋdi nye logon ’dumuŋdya moro a muket nanyit, MATAT lo kurumi lo kulya. Nyenagon tini ta ti ’borik ko an ta ko mumulugga ta.

Lor ’duŋet lo putet gwe nyona ko po

17Ta aje tudaraju MATAT ko kulyaesi kasu. A ta pipije adi, Yi tudaraju lepeŋ ada? Ta a tudaraju lepeŋ kogwon ta a kulya adi, ŋutu liŋ lo koŋdya arabat kilo a lo ’but ko MATAT i komor, a nye lyoni lyoŋon ko lepeŋat. Koti kogwon ta a pija adi, Liya ŋun lo ’duŋgo putesi gwogwo?

Currently Selected:

Malaki 2: BBE

Highlight

Copy