TITOS 3
3
Ka rukom im kiba ngeit
1To pynkynmaw ïa ki ban pynhapoh ïa lade ha ki nongsynshar bad kiba don bor, ban kohnguh, bad ban long kiba la kloi ïa ka jingleh babha baroh, 2ban ym kren sniew ïano ïano ruh, ban ym long kiba ïania, hynrei, kiba ïaishah da kaba pyni ka jingjemnud baroh sha ki briew baroh. 3Namar ngi ruh, ngi la long mynno mynno ki babieit, ki bymkohnguh, kiba la shah shukor, kiba shong mraw ha ki bun jaid ki jingkwah brai bad ki jingsngewbha, kiba im ha ka jingsniew bad ka jingbishni, kiba isih, kiba ïashun paralok. 4Hynrei, haba la paw ka jinglehsbun U Blei U Nongpynim jong ngi bad ka jingieit jong u sha u bynriew, 5u la pynim ïa ngi, ym na ki jingleh ka hok kiba ngi hi, ngi la leh, hynrei, katba kum ka jingisynei jong u, da ka jingsait ka jingkha ar sien, bad ka jingpynthymmai U Mynsiem Bakhuid, 6ïa uba u la theh noh kyrhai ha ngi, da U Jisu Khrist U Nongpynim jong ngi; 7ba, haba la pynksan ïa ngi da kata ka jingaiei jong u, yn ïoh pynlong ïa ngi ki nongïoh pateng, katba kum kata ka jingkyrmen ka jingim bymjukut. 8Kaba shisha long kata ka ktien.
Te shaphang kine kiei kiei ruh, nga kwah ba men ïathuh skhem, khnang ba kita kiba la ngeit ha U Blei kin ïoh sumar ban ïaiminot ha ki jingleh babha. Kine kiei kiei ruh, ki long ki babha bad bamyntoi ïa ki briew. 9Hynrei, to kiar noh na ki jingïasaid babieit, bad na ki jingkheiñ jinghiar pateng, bad na ki jingïamai, bad na ki jingïania shaphang ka hukum; namar ki long ki bymmyntoi bad kiba thala. 10Na u briew uba long u nongpynkhlad niam, hadien kaba shi sien bad ka ba-ar sien ka jingsneng, to kiar noh; 11haba tip ba uba kat uta u la kylla dien, bad u la leh pop, u da pynrem noh ïa lade.
Ka jingwai noh
12 #
Ki Kam. 20:4; Eph. 6:21,22; Kol. 4:7,8; 2 Tim. 4:12. Ynda ngan phah ïa u Artemas ha me, lane ïa u Tukhikos, to pynkloi ban wan sha nga sha Nikopolis; namar hangta nga la thmu ban rieh tlang. 13#Ki Kam. 18:24; 1 Kor. 16:12.To leit on lynti ïa u Senas uba u riewsaid, bad ïa u Apollos, da kaba khreh bha ba kin ym kyrduh ei ei ruh. 14To ai ba ki briew jong ngi ruh kin ïaiminot ha ki kam babha, na ka bynta kiei kiei kiba donkam, ba kin ym long ki bymsei soh.
15Kita baroh kiba don lem bad nga ki ïakhublei ïa me. To khublei ïa kita kiba ieit ïa ngi ha ka jingngeit.
To long ka jingaiei lem bad phi baroh: Amen.
Currently Selected:
TITOS 3: KHB
Highlight
Share
Copy
Want to have your highlights saved across all your devices? Sign up or sign in
The Bible Society of India
