JINGPYNPAW 6

Ki jingpyndait

1Bad nga la khmih mynba uta U Khun langbrot u la plie ïa kawei na kita ki hynñiew ki jingpyndait, bad nga la ïohsngew ïa uwei na kita ki saw tylli ki jingthaw ba-im ba u da kren kum ka jingriew u pyrthat, “To ale, bad to khmih.” 2#Sekh. 1:8; 6:3.Te nga la khmih keiñ, bad ha khmih, ka kulai balieh, bad uta uba shong halor jong ka u la don ka ryntieh; bad la ai ha u ïa ka pansngiat, bad u la leit mih noh da kaba jop thiaw, bad ïa ka ban jop thiaw.

3Bad mynba u la plie ïa ka jingpyndait ka ba-ar, nga la ïohsngew ïa uta u jingthaw ba-im u ba-ar ba u ong, “To ale, bad to khmih.” 4#Sekh. 1:8; 6:2.Te ka la leit mih noh kawei pat ka kulai basaw: bad ha uta uba shong halor jong ka, la ai bor ban shim noh ïa ka jingsuk na kata ka khyndew, khnang ba kin da ïoh ïa-pynïap noh paralok hi; te la ai ha u ka waitlam bakhraw.

5 # Sekh. 6:2,6. Bad mynba u la plie ïa ka jingpyndait ka balai, nga la ïohsngew ïa uta u jingthaw ba-im u balai ba u ong, “To ale, bad to khmih.” Te nga la khmih, bad ha khmih, ka kulai baïong; bad uta uba shong halor jong ka u da bat ïa ka tarajur ha ka kti jong u. 6#2 Syiem. 6:25.Bad nga la ïohsngew ïa ka ktien hapdeng kita ki jingthaw ba-im, kaba ong, “Ka shi ser u Kew ïa ka shi suka, bad lai ser u Kew Barli ïa ka shi suka; bad to me wat pynsniew ïa ka umphniang bad ïa ka Waiñ!”

7Bad mynba u la plie ïa ka jingpyndait ka basaw, nga la ïohsngew ïa ka ktien jong uta u jingthaw ba-im u basaw, ka da ong, “To ale, bad to khmih.” 8#Jer. 15:3; Ese. 5:12,17; 14:21; Hos. 13:14.Te nga la khmih, bad ha khmih ka kulai balieh bthuh, bad uta uba shong halor jong ka uba kyrteng “u Jingïap”; bad kata ka Jaka shong riewïap ka bud lem bad u. Bad la ai ka bor ha ki, halor ka shi pawa kata ka khyndew, ban pynïap noh da ka waitlam, bad da ka 'nemsniew, bad da ka jingïapthem, bad da kita ki mrad khlaw jong kata ka khyndew.

9Bad mynba u la plie ïa ka jingpyndait ka basan, nga la ïohi hapoh ka duwan ïa ki mynsiem ki jong kita ïa kiba la pynïap noh na ka bynta ka ktien U Blei, bad na ka bynta kata ka jingphla ïa kaba ki la ju ïabat skhem. 10#Sekh. 1:12; Salm. 79:5; Jen. 4:10.Te ki la pyrta da ka ktien bajam, ki da ïa-ong, “Tad lano, ko Trai Kynrad, U Bakhuid bad U Bashisha, mem bishar kut bad pynhiar kput na ka bynta kata ka snam jong ngi halor kita kiba shong ha kata ka khyndew?” 11Bad la ai ha uwei pa uwei baroh ïa ka jaiñkup balieh; bad la ong ha ki, ba kin da ïashong thait shuh sa shibit ar bit, tad ynda yn pyndep noh ïa kita ki para shakri jong ki ruh bad kita ki parabangeit jong ki, ïa ki ban sa pynïap noh kumba ïa ki ruh.

12 # Isa. 13:10; Ese. 32:7; Jol. 2:31; Mat. 24:29; Mrk. 13:24,25; Luk. 21:25; Ki Kam. 2:20. # Jpw. 11:13; 16:18. Bad nga la ïohi mynba u la plie ïa ka jingpyndait ka bahynriew, bad la long ka jingkhynñiuh jumai bakhraw; bad ka sngi ka la kylla ïong kum ka jaiñ shñiuh bakhain, bad u bnai pyllun u la kylla kum ka snam; 13#Isa. 34:4.bad ki khlur ka bneng ki la hap sha ka khyndew, kumba ki khlur noh ki soh ki bym-ih na u dieng Dumbur, haba la pynkhih ïa u da ka lyer bakhraw. 14#Jpw. 16:20.Bad ïa ka bneng la pynkynran noh kum ka kitab haba la kli noh; bad ïa u lum bad ka 'dewlynnong baroh la pynkynriah noh na ki jaka jong ki. 15#Isa. 2:10.Te kita ki syiem jong ka khyndew, bad kita ki bakhraw batri, bad kita ki rangbah shihajar, bad kita ki bariewspah, bad kita ki bakhlaiñ, bad u mraw baroh bad uba laitluid baroh, ki la ïabuhrieh ïa lade ha ki krem bad hapdeng ki mawsiang jong ki lum bah; 16#Hos. 10:8; Luk. 23:30.bad ki ïa-ong ha kita ki lum bah bad ha kita ki mawsiang, “To hap ha ngi, bad to buhrieh noh ïa ngi na ka khmat uta u bashong halor kata ka khet, bad na ka jingbitar jong uta U Khun langbrot; 17#Jol. 2:11; Mal. 3:2.naba kata ka sngi kaba khraw ka jingbitar jong u ka la wan keiñ; te uei uba lah ban ïeng?”

Currently Selected:

JINGPYNPAW 6: KHB

Highlight

Copy