JINGPYNPAW 2

Ka khubor sha ka Balang ha Ephesos

1 “Ha uta u angel jong ka balang ha Ephesos to thoh: Ïa kine kiei kiei ruh u ong uta uba bat ïa kita ki hynñiew ki khlur ha ka kti kamon jong u, uta uba ïaid hapdeng kita ki hynñiew ki dieng pynïeng sharak ksiar:

2 “ ‘Nga ithuh ïa ki jingleh jong pha, bad ïa ka jingleh minot bad ka jingïaishah jong pha, bad ba pham lah ban shah shuh ïa ki basniew: bad pha la tynjuh ïit ïa kita kiba ong ba ki long ki apostol, bad kim long, te pha la shem ïa ki, kiba lamler; 3bad pha don ka jingïaishah bad pha la shah na ka bynta ka kyrteng jong nga, bad pham shym la sngewthait ïan. 4Hynrei, nga don kane kaba pyrshah ïa pha, ba pha la iehnoh noh ïa ka jingieit jong pha ka banyngkong. 5To kynmaw, namar kata, nangno pha la hap noh, bad to kylla-ka-bamut, bad to leh ïa kita ki jingleh ki banyngkong; lymda kumta, nga wan kloi ha pha, bad ngan pynkynriah noh ïa ka dieng pynïeng sharak jong pha na ka jaka jong ka, lada pham kylla-ka-bamut. 6Hynrei, kane pha don, ba pha shun ïa ki jingleh jong kita ki Nikolaita, ïa kiba nga ruh nga shun. 7#Jen. 2:9; Jpw. 22:2.Jar uba don ka shkor, to un sngew ïa kaei ba U Mynsiem u ong ha kita ki balang. Ha uta uba jop, ngan ai ha u ban bam na u dieng jong ka jingim, uba long ha ka paradais U Blei.’ ”

Ka khubor sha ka Balang ha Smyrna

8 # Isa. 44:6; 48:12; Jpw. 1:17; 22:13. “Bad ha uta u angel jong ka balang ha Smyrna to thoh: Ïa kine kiei kiei ruh u ong uta u banyngkong bad u bakhatduh, uba la jia long u baïap, bad u la im pat:

9 “ ‘Nga ithuh ïa ka jingshahshitom jong pha, bad ïa ka jingduk jong pha (hynrei, pha long ka bariewspah), bad ïa ka jingkrenbeiñ jong kita kiba ong ba ki long ki Jiw, bad kim long, hynrei, ki long ka synagog jong u Soitan. 10#Dan. 1:12.To wat sheptieng ïa kita kiei kiei ruh kiba phan sa shah: ha khmih, uta u Soitan un sa bred ïa kiba na phi ha ka ïing byndi, ba yn ïoh tynjuh ïa phi; te phin ïoh ïa ka jingshahshitom shiphew sngi. To long pha kaba ïaineh haduh ka jingïap, bad ngan ai ha pha ïa kata ka pansngiat jong ka jingim. 11#Jpw. 20:14; 21:8.Jar uba don ka shkor, to un sngew ïa kaei ba U Mynsiem u ong ha kita ki balang. Ïa uta uba jop, yn ym pynsniew na kata ka jingïap ka ba-ar.’ ”

Ka khubor sha ka Balang ha Pergamos

12 “Bad ha uta u angel jong ka balang kaba ha Pergamos to thoh: Ïa kine kiei kiei ruh u ong uta uba don kata ka waitlam kaba ar liang syrti banep:

13 “ ‘Nga ithuh hangno pha shong, wat ha kaba don keiñ ka khet u Soitan: bad pha bat skhem ïa ka kyrteng jong nga, bad pham shym la len noh ïa kata ka jingngeit ha nga, wat shisha ha kita ki sngi ha kiba u Antipas u la long u nongphla uba ïaineh jong nga, ïa uba la pynïap noh hapdeng jong phi, ha kaba u Soitan u shong. 14#Jkñ. 25:1-3; 31:16.Hynrei, nga don khyndiat kiei kiei ruh pyrshah ïa pha, naba pha don hangta kiba bat ïa kata ka jinghikai u Balaam, uba la hikai ïa u Balak ban buh ïa ka jingjynthut ha khmat kita ki khun Israel, ban bam ïa kiei kiei ruh ba la kñia ïa ki bleithaw, bad ban klim sih. 15Kumta, pha don ma pha ruh kiba bat kumjuh ïa kata ka jinghikai jong kita ki Nikolaita. 16Namar kata, to kylla-ka-bamut; lymda kumta, nga wan kloi ha pha, bad ngan ïaleh thma ïa ki da ka waitlam ka shyntur jong nga. 17#Eks. 16:14,15; Salm. 78:24; Isa. 62:2.Jar uba don ka shkor, to un sngew ïa kaei ba U Mynsiem u ong ha kita ki balang. Ha uta uba jop, ngan ai ha u ban bam na kata ka manna ïa kaba la buhrieh noh, bad ngan ai ha u ïa u maw balieh, bad ha uta u maw ïa ka kyrteng bathymmai ïa kaba la thoh, ïa kaba uno uno ruh um ithuh, hynrei, tang uta uba pdiang ïa ka.’ ”

Ka khubor sha ka Balang ha Thiateira

18 # Dan. 10:6. “Bad ha uta u angel jong ka balang kaba ha Thiateira to thoh: Ïa kine kiei kiei ruh u ong U Khun U Blei, uba don la ki khmat kum ka thylliej ka ding, bad ki kjat jong u kiba kum ka rnong baphyrnai:

19 “ ‘Nga ithuh ïa ki jingleh jong pha, bad ïa ka jingieit bad ïa ka jingngeit bad ïa ka jingshakri bad ïa ka jingïaishah jong pha; bad ba kita ki jingleh ki bakhatduh jong pha ki long kiba kham bun ïa kita ki banyngkong. 20#Jkñ. 25:1; 1 Syiem. 16:31; 2 Syiem. 9:22,30.Hynrei, nga don kane kaba pyrshah ïa pha, naba pha shah ïa kata ka briew ka Jesabel, kaba khot ïa lade “ka nongïathuhlypa”, bad ka hikai bad ka shukor ïa kita ki shakri jong nga ban klim sih, bad ban bam ïa kiei kiei ruh ba la kñia ïa ki bleithaw. 21Bad nga la ai ha ka, ïa ka Ïa babiang ba kan ïoh kylla-ka-bamut; te kam mon ban kylla-ka-bamut na kata kaba klim jong ka. 22Ha khmih, ngan bred ïa ka ha ka jingthiah, bad ïa kita kiba ïaklim bad ka ha ka jingshitom bakhraw, lada kin ym kylla-ka-bamut na kita ki jingleh jong ki. 23#Jer. 17:10; Salm. 7:9; 62:12.Bad ngan pynïap noh ïa ki khun jong ka da ka jingïap; te kita ki balang baroh kin ïatip ba long ma nga uta uba ïit thuh ïa ki khyllai bad ïa ki dohnud; te ngan ai ha phi uwei pa uwei baroh katba kum ki jingleh jong phi. 24Hynrei, ha phi nga ong, kata, ha kita kiwei keiñ kiba ha Thiateira, kat ki bymdon kane ka jinghikai, ki bymtip ïa kita ki jingjylliew jong u Soitan, kumba ki ong: “Ngam buh ha phi ïa kawei pat ka jingkit.” 25Hynrei, ïa kata kaba phi don, to ïabat skhem tad ynda nga wan. 26#Salm. 2:8-9.Bad uta uba jop, bad uba sumar haduh ka bakut ïa ki jingleh jong nga, ngan ai ha u ka bor halor kita ki kynja bynriew; 27bad un synshar ïa ki da u dieng synshar nar, kumba pynlwet jin ïa ki khiew jong u nongthaw khiew, kumba nga ruh nga la pdiang na U Kpa jong nga. 28Bad ngan ai ha u ïa u khlur-step. 29Jar uba don ka shkor, to un sngew ïa kaei ba U Mynsiem u ong ha kita ki balang.’ ”

Currently Selected:

JINGPYNPAW 2: KHB

Highlight

Copy