JINGPYNPAW 1

Ka jinglamphrang

1Ka jingpynpaw U Jisu Khrist, ïa kaba U Blei u la ai ha u, ban pyni ha ki shakri jong u ïa kiei kiei ruh kiba dei ban jia long shen; bad haba u la phah da u angel jong u, u la pyntip ïa ka ha u Ïoannis u shakri jong u, 2uba la phla ïa ka ktien U Blei, bad ïa ka jingphla U Jisu Khrist, ïa kita kiei kiei baroh keiñ kiba u la ïohi. 3Suk uta uba pule, bad kita kiba ïohsngew ïa ki ktien jong kane ka jingïathuhlypa, bad kiba sumar ïa kita kiei kiei ruh ïa kiba la thoh ha ka; namar kata ka Ïa ka la jan.

Ki jingkhublei sha ki hynñiew Balang

4 # Eks. 3:14; Jpw. 4:5. U Ïoannis, ha kita ki hynñiew balang kiba ha Asia:

To long ka jingaiei ha phi bad ka jingsuk, na uta uba long bad uba la ju long bad u ban sa wan; bad na kita ki hynñiew ki mynsiem kiba long ha khmat ka khet jong u; 5#Salm. 89:27.bad na U Jisu Khrist, uba long U Nongphla ïa uba lah ban shaniah, ïa uba la kha nyngkong na ki baïap, bad U Nongsynshar ki syiem ka pyrthei.

Ha uta uba la ieit ïa ngi, bad uba la sait ïa ngi na ki pop jong ngi ha ka snam jong u hi; 6#Eks. 19:6; Isa. 61:6; Jpw. 5:10.bad u la pynlong ïa ngi ki syiem bad ki lyngdoh ha U Blei bad U Kpa jong u; ha u to long ka burom bad ka jingsynshar sha ki bymjukut ki bymjukut: Amen. 7#Dan. 7:13; Mat. 24:30; Mrk. 13:26; 14:62; Luk. 21:27; 1 Thes. 4:17; Sekh. 12:10; Ïoan. 19:34,37; Sekh. 12:10-14; Mat. 24:30.Ha khmih, u wan bad ki lyoh, bad ka khmat baroh kan ïohi ïa u, bad kita ruh kiba la sum ïa u; bad ki jaid bynriew baroh jong ka pyrthei kin ïalynñiar lympat namar jong u. Kumta shisha: Amen.

8 # Jpw. 22:13; Eks. 3:14. “Nga long ma nga U Alpha bad U Omega,” ong U Trai uba U Blei, uta uba long bad uba ju long bad uta u ban sa wan, uta U Badonbor Baroh.

Ka jingïohipaw ïa U Khun u Briew

9Ma nga u Ïoannis, uba u parabangeit jong phi, bad u nongïaïoh bynta lem ha ka jingjynjar, bad ha ka hima bad ka jingïaishah U Jisu Khrist, nga la don ha kata ka 'dewlynnong ïa kaba la khot “Patmos”, na ka bynta ka ktien U Blei bad na ka bynta ka jingphla ïa U Jisu Khrist. 10Nga la long ha U Mynsiem ha ka sngi U Trai, bad nga la ïohsngew na shadien jong nga ïa ka ktien bajam kum ka turoi, 11ka da ong, “Nga long ma nga U Alpha bad U Omega, u banyngkong bad u bakhatduh: ïa kaba me ïohi, to thoh ha ka kitab, bad to phah ha kita ki hynñiew balang; sha Ephesos, bad sha Smyrna, bad sha Pergamos, bad sha Thiateira, bad sha Sardis, bad sha Philadelphia, bad sha Laodikaïa.”

12Te nga la phai ban ïoh khmih thuh ïa kata ka ktien kaba la kren ha nga; te haba nga la phai, nga la ïohi hynñiew ki dieng pynïeng sharak ksiar; 13#Dan. 7:13; 10:5.bad hapdeng kita ki hynñiew ki dieng pynïeng sharak, ïa uwei uba kum U Khun u briew, uba la kup jaiñkup haduh ki kjat, bad uba la panpoh ka jingpanpoh ksiar ha ki jymbuiñ. 14#Dan. 10:6.#Dan. 7:9.Bad ka khlieh jong u bad u shñiuh jong u kiba lieh kum u 'ñiuh langbrot balieh kat ka ïor keiñ; bad ki khmat jong u kum ka thylliej ding; 15#Ese. 1:24.bad ki kjat jong u kum ka rnong baphyrnai, kum haba la thang ïa ki ha ka lawar ding; bad ka ktien jong u kum ka jingsawa shibun ki um. 16#Eks. 34:29.Bad u la don ha ka kti kamon jong u hynñiew ki khlur; bad na ka shyntur jong u, ka da mih noh ka waitlam ba ar liang syrti banep; bad ka khmat jong u, ka la long kum haba ka sngi ka tyngshaiñ ha ka borbah jong ka.

17 # Isa. 44:2,6; 48:12; Jpw. 2:8; 22:13. Bad haba nga la ïohi ïa u, nga la kyllon sbak ha ki kjat jong u kum uba ïap. U te u la buh ïa ka kti kamon jong u ha nga, u da ong, “To wat sheptieng; nga long ma nga u banyngkong bad u bakhatduh, bad uta U Ba-im; 18bad nga la jia long u baïap, te ha khmih, nga long u ba-im sha ki bymjukut ki bymjukut, bad nga don keiñ ki shabi ka dujok bad ka jingïap. 19Namar kata, to thoh ïa kiei kiei ruh ïa kiba me la ïohi, bad ïa kiei kiei ruh kiba long, bad ïa kiei kiei ruh ki ban sa long hadien kine; 20ïa ka jingmaïan shaphang kita ki hynñiew ki khlur ïa kiba me la ïohi ha ka kti kamon jong nga, bad ïa kita ki hynñiew ki dieng pynïeng sharak ksiar. Kita ki hynñiew ki khlur ki long ki angel jong kita ki hynñiew balang, bad kita ki hynñiew ki dieng pynïeng sharak ki long ki hynñiew balang.

Currently Selected:

JINGPYNPAW 1: KHB

Highlight

Copy