JINGPYNPAW 10

U angel bad ka kitab barit

1Bad nga la ïohi ïa uwei pat u angel bakhrawbor ba u wan hiar na bneng, uba la kup da u lyoh; bad u simpyllieng halor ka khlieh jong u, bad ka khmat jong u ka la kum ka sngi, bad ki kjat jong u, kum ki rijied ding; 2bad u don ha ka kti jong u ka kitab rit ba la plie. Bad u la buh ïa ka kjat kamon jong u halor ka duriaw, bad ïa kadiang halor ka khyndew; 3bad u la pyrta da ka ktien bajam, kumba kyrhuh u sing; te mynba u la pyrta, ki hynñiew ki pyrthat ki la ïalap ïa ki ktien sawa jong ki. 4Te mynba kita ki hynñiew ki pyrthat ki la ïalap, nga la sa ba ngan sa thoh; hynrei, nga la ïohsngew ïa ka ktien na bneng kaba ong ha nga, “To pyndait laha ïa kita kiei kiei ruh ïa kiba kita ki hynñiew ki pyrthat ki la ïalap, bad to wat thoh ïa kita kiei kiei ruh.” 5#Deu. 32:40; Dan. 12:7.Te uta u angel ïa uba nga la ïohi ba u da ïeng halor kata ka duriaw bad halor kata ka khyndew, u la rah ïa la ka kti kamon sha bneng, 6bad u la smai ha uta uba ïai-im sha ki bymjukut ki bymjukut, uba la thaw ïa ka bneng bad kiei kiei ruh kiba ha ka, bad ïa ka khyndew bad kiei kiei ruh kiba ha ka, bad ïa ka duriaw bad kiei kiei ruh kiba ha ka, ba kan ym long ka jingpyntud shuh: 7hynrei, ha kita ki sngi, kata ka ktien sawa ka jong uta u angel u bahynñiew, hamar ba un sa pynsawa, hangta la pyndep noh ïa kata ka jingmaïan ka jong U Blei, kumba u la ïathuhkhana babha ha kita ki shakri jong u ki nongïathuhlypa.

8 # Ese. 2:8—3:3. Te kata ka ktien ïa kaba nga la ïohsngew na bneng ka la kren pat bad nga, bad ka la ong, “To khie leit, to shim ïa kata ka kitab rit ba la plie ha ka kti uta u angel uba ïeng halor kata ka duriaw bad halor kata ka khyndew.” 9Te nga la leit sha uta u angel, nga da ong ha u, “To ai noh ha nga ïa kata ka kitab rit.” Te u la ong ha nga, “To shim bad to bam duh ïa ka; te kan pynkthang ïa ka kpoh jong me, hynrei, ha ka shyntur jong me kan long kaba thiang kum ka ngap;” 10Te nga la shim ïa kata ka kitab rit na ka kti uta u angel, bad nga la bam duh ïa ka; te ka la long ha ka shyntur jong nga kaba thiang kum ka ngap; te haba nga la bam ïa ka, la pynkthang noh ïa ka kpoh jong nga. 11#Jer. 1:10.Bad u la ong ha nga, “Ka dei ïa me ban ïathuhlypa pat shaphang shibun ki paidlang, bad ki kynja bynriew, bad ki thylliej, bad ki syiem.”

Currently Selected:

JINGPYNPAW 10: KHB

Highlight

Copy