JINGPYNPAW 11

Ki ar ngut ki nongïaphla

1 # Ese. 40:3. Bad la ai ha nga ïa u stew basyriem kum u dieng; bad don uba la ong, “To ïeng, bad to thew ïa ka templ U Blei, bad ïa ka duwan, bad ïa kita kiba ïamane ha ka; 2#Isa. 63:18; Sekh. 12:3; Luk. 21:24.hynrei, ïa ka phyllaw kaba shabar kata ka templ U Blei men iehnoh noh, men ym thew ïa ka; naba la ai noh ïa ka ha ki Jentil: bad ïa ka nongbah ka bakhuid kin ïaïuh top jin sawphew ar bnai. 3Bad ngan ai bor ha ki ar ngut ki nongïaphla jong nga, te kin ïathuhlypa shi hajar arspah hynriewphew sngi, kiba la kup ki jaiñ khain.”

4 # Sekh. 4:3,11-14. Kine ki long kita ki ar tylli ki dieng Olib bad kita ki ar tylli ki dieng pynïeng sharak, kiba ïeng ha khmat U Trai jong ka khyndew. 5#2 Syiem. 1:10; Jer. 5:14.Bad lada uno uno ruh u kwah ban pynsniew ïa ki ka ding ka mih noh na ka shyntur jong ki, bad ka bam duh ïa ki nongshun jong ki: te lada uno uno ruh u kwah ban pynsniew ïa ki, kumjuh ka dei ban pynïap noh ïa uta. 6#1 Syiem. 17:1; Eks. 7:17-19.Kine ki don ka bor ban khang khop ïa ka bneng, ba u slap un ym hap ha ki sngi kata ka jingïathuhlypa jong ki: bad ki don ka bor halor ki um ban pynkylla snam ïa ki, bad ban shoh ïa ka khyndew da ki jingïapthem baroh katno katno sien ruh katba ki ïakwah. 7#Dan. 7:3,7,21; Jpw. 13:5-7; 17:8.Te ynda ki la ïoh pyndep noh ïa kata ka jingphla jong ki, uta u mrad uba kiew noh na kata ka 'liewlong bakhlem trai, un pynlong ïa ka jingïaleh thma bad ki, bad un jop thiaw ïa ki, bad un pynïap noh ïa ki. 8#Isa. 1:9,10.Bad ki metïap jong ki kin shu sah ha ka lynti bah kata ka shnong ka bakhraw, ïa kaba la khot ha ka jingmut bakynja mynsiem, “ka Sodom” bad “ka Ijipt”; hangta ruh, la sahnarphna ïa U Trai jong ki. 9Te kiba na kita ki paidlang bad ki jaid bad ki thylliej bad ki kynja bynriew kin ïakhmih ïa kita ki metïap jong ki, lai sngi shiteng, bad kin ym shah ban buh ïa kita ki metïap jong ki ha ki jingtep. 10Bad kita kiba ïashong halor kata ka khyndew kin ïakmen halor jong ki, bad kin ïaleh biria, bad kin ïaphah lam ïa ki jingai sngewbha paralok hi; naba kine ki ar ngut ki nongïathuhlypa ki la ïapynkordit ïa kita kiba ïashong halor ka khyndew. 11#Ese. 37:5,10.Te hadien kita ki lai sngi shiteng, U Mynsiem ka jingim na U Blei u la leit bsut ha ki, bad ki la ïeng joit da ki kjat jong ki; te ka jingsheptieng bakhraw ka la ngat ha kita kiba la khmih ïa ki. 12#2 Syiem. 2:11.Bad ki la ïohsngew ïa ka ktien bajam na bneng kaba ong ha ki, “To wan kiew shane.” Te ki la ïaleit kiew noh sha bneng ha u lyoh; bad kita ki nongshun jong ki, ki la ïakhmih ïa ki. 13#Jpw. 6:12; 16:18.Bad ha kata kajuh ka por ka la long ka jingkhynñiuh jumai bakhraw, te kaba shiphew ka bynta na kata ka nongbah ka la kyllon khram; bad la pynïap noh ha kata ka jingkhynñiuh jumai hynñiew hajar ki briew: te kita kiba sah ki la ïasheptieng eh, bad ki la ïa-ai burom ha U Blei ka bneng.

14Kata ka jingpynkordit ka ba-ar ka la wai noh: ha khmih kata ka jingpynkordit ka balai ka wan kloi.

Ka turoi ka bahynñiew

15 # Salm. 22:28; Dan. 7:14,27. Bad u angel u bahynñiew u la pynsawa; bad ki la long ki ktien bajam ha bneng kiba ong, “Kata ka hima ka jong ka pyrthei ka la jia long ka jong U Trai jong ngi, bad U Khrist jong u: te un synshar keiñ sha ki bymjukut ki bymjukut.” 16Bad kita ki arphew saw ngut ki tymmen basan, kiba shong ha khmat U Blei halor ki khet jong ki, ki la dem da pyllup bad ki la ïamane dem ïa U Blei, 17ki da ong,

“Ngi ïanguh ïa me, ko Trai

uba U Blei Badonbor Baroh,

uba long bad uba la ju long;

naba me la shimti ïa la ka bor

kaba khraw,

bad me la synshar.

18 # Salm. 2:1; 115:13. Te ki la khih bitar lep

kita ki kynja bynriew,

bad kata ka jingbitar jong me

ka la jia,

bad kata ka Ïa

ban bishar ïa ki nongïap,

bad ban ai ïa ka nong

ha ki shakri jong me,

kita ki nongïathuhlypa,

bad ha kita ki riewkhuid,

bad ha kita kiba sheptieng

ïa ka kyrteng jong me,

ki barit baraiñ

bad ki bakhraw batri;

bad ban pynjot noh

ïa kita kiba pynjot noh

ïa ka pyrthei.”

19 # 1 Syiem. 8:1-6; Jpw. 8:5; 16:18; 16:21. Te la plie ïa ka templ U Blei ha bneng; bad la ïohi ïa ka synduk ka jutang jong u ha kata ka templ jong u; bad la don ki leilieh, bad ki jingsawa, bad ki pyrthat, bad ka jingkhynñiuh jumai, bad u phria bakhraw.

Currently Selected:

JINGPYNPAW 11: KHB

Highlight

Copy