LOUKAS 12

Ka jingmaham pyrshah ïa ka jingarsap

(Mat. 10:26-27)

1 # Mat. 16:6; Mrk. 8:15. Mynkata haba la ïalum lang bun hajar u paidbah, kat ban ïaïuh paralok hi, U la sdang ban ong ha ki synran jong U nyngkong eh, “To kiar noh phi na u thiat ki Pharisi, uba long ka jingarsap. 2#Mat. 10:26-27; Mrk. 4:22; Luk. 8:17; Eph. 5:13.Hynrei, ym don ei ei ruh ba la tap, ïa kaba yn ym pynpaw, bad ba la buhrieh, ïa kaba yn ym pyntip. 3Namar kata, ïa kano kano ba phi la ong ha ka jingdum, yn pynsngew ha ka jingshai; bad ïa kaba phi la ïathuh ha ka shkor ha ki pulit#12:3 ha ki pulit: Ha ki kamra., yn ïalap halor ki ïing.”

Ïano ban kham sheptieng

(Mat. 10:28-31)

4 # Mat. 10:28-33; Ïoan. 15:14-15. “Nga ong ruh ha phi ki lok jong nga: wat sheptieng ïa kita kiba pynïap noh ïa ka met, bad ki bymdon ei ei nalor kata ba ki lah ban leh. 5#Heb. 10:31.Hynrei, ngan maham ïa phi ïano phin sheptieng: To sheptieng ïa uta uba hadien kaba u la pynïap, u don bor ban bred sha dujok; shisha nga ong ha phi: To sheptieng keiñ ïa uta. 6Hato ym ju die shi anna san tylli ki sim ïing? Pleng kawei ruh na ki, kam long kaba la klet ha khmat U Blei. 7#Luk. 21:18; Ki Kam. 27:34; Mat. 12:12.Hynrei, wat ïa u 'ñiuh khlieh jong phi baroh la ñiew. Namar kata, wat sheptieng; phi long kham kor ïa shibun ki sim ïing.”

Kaba phla ïa U Jisu ha khmat ki briew

(Mat. 10:32-33; 12:32; 10:19-20)

8 Nga ong ruh ha phi, “Uno uno baroh u ban phla ïa nga ha khmat ki briew, te ïa uta, U Khun u briew ruh un phla ha khmat ki angel U Blei. 9#Mrk. 8:38; Luk. 9:26; 2 Tim. 2:12.Hynrei, jar uba len ïa nga ha khmat ki briew, yn len noh ïa u ha khmat ki angel U Blei. 10#Mat. 12:31-32; Mrk. 3:28-29.Te uno uno baroh u ban kren ka ktien pyrshah ïa U Khun u briew, yn map ïa u, hynrei, ïa uta uba krenbeiñ ïa U Mynsiem Bakhuid, yn ym map. 11#Mat. 10:19-20; Mrk. 13:11; Luk. 21:14-15.Te ynda kin ïalam ïa phi ha khmat ki synagog bad ki nongbishar bad ki nongsynshar, wat sngewkhuslai phi, kumno lane kaei ba phin ïasaid-da, lane kaei ba phin ong: 12naba U Mynsiem Bakhuid un hikai ïa phi ha kata ka por, ïa kaei ba phi dei ban ong.”

Ka pharshi shaphang u riewspah u ba-bieit

13Te uwei na uta u paidbah u la ong ha U, “Ko Nonghikai, to ong ha u para jong nga ban ïabynta noh ïa ka bri bad nga.” 14U te U la ong ha u, “Ko briew, uei ba la pynlong ïa nga u nongbishar, lane u nongpynïabynta halor jong phi?” 15#1 Tim. 6:6-10.U la ong ruh ha ki, “To sumar, to kiar ruh na ka jingkwah lalot baroh: namar ka jingim u briew kam shong satia ha ka jingdap kyrhai jong kiei kiei kiba u don.” 16U la kren ruh ka pharshi ha ki, u da ong, “Ka bri uwei u briew u bariewspah ka la sei bha shibun. 17Te u la puson ha lade, u da ong, ‘Kumno ngan leh? naba ngam don jaka ha kaba ngan lum ïa ki soh jong nga.’ 18U la ong te, ‘Ïa kane ngan leh: ngan lied ïa ki thiar jong nga, bad ngan tei ïa kiba kham khraw; te hangta ngan lum ïa u Kew jong nga bad ïa ki mar jong nga baroh: 19bad ngan ong ha la ka mynsiem: Ko mynsiem, pha don shibun kiei kiei ba la buh lypa ïa bun snem; to shongsuk, to bam, to dih, to leh kmen.’ 20#Jer. 17:11; Job. 27:8; Salm. 39:6; Luk. 12:33-34.Hynrei, U Blei u la ong ha u, ‘A me u babieit, ha kane ka miet yn pan noh ïa ka mynsiem jong me na me; ki jongno te kin long kita kiei kiei ïa kiba me la khreh lypa?’ 21Kumta, u long uta uba kynshew lypa ïa lade, hynrei, u bymlong riewbha sha U Blei.”

Ka jingkhuslai shaphang ka jingim

(Mat. 6:25-34)

22 # Mat. 6:25-33. Bad u la ong ha ki synran jong u, “Namar kata, nga ong ha phi: Wat khuslai shaphang ka jingim jong phi, kaei ba phin bam, lymne shaphang ka met ruh, kaei ba phin kup. 23Namar ka jingim ka kham kor ïa ka jingbam, bad ka met ïa ka jaiñkup. 24#Luk. 12:6-7.To khmih thuh ïa ki tyngab! ba kim ïabet, lymne kim ïa-ot, ki bymdon ka ïing kynshew, lymne ka thiar, hynrei, U Blei u bsa ïa ki. Kaba katno tam phi kham kor ma phi ïa ki kynja sim? 25Uno na phi ruh, da kaba u khuslai, uba lah ban pyntam shi pruh ïa la ka rynïeng? 26Namar kata, lada phim lah wat ïa kaba rit tam eh, phi khuslai lei te shaphang kiwei kiwei ruh? 27#1 Syiem. 10:1-10; 2 Khrn. 9:3-6.Khmih thuh ïa ki 'tiew Lili kumno ba ki man; kim trei bri, lymne kim thir; pynban, nga ong ha phi, ba wat u Solomon ha ka burom jong u baroh, um shym la kup kat uwei na kine. 28Lada U Blei te u pynkup kumta ïa u phlang, uba mynta u long, lashai te la bred ha ka lawar ding, kaba katno tam un pynkup ïa phi, A phi kiba rit ka jingngeit? 29Phi te wat wad ïa kaei ba phin bam, lane ïa kaei ba phin dih, phi wat khuslai artatien ruh. 30#Mat. 6:8.Naba ïa kine kiei kiei baroh ki jaid bynriew jong ka pyrthei ki ïawad; hynrei, U Kpa jong phi u tip ba phi donkam ïa kine kiei kiei ruh. 31Hynrei, phi to ïawad ïa ka hima ka jong U Blei; te ïa kine kiei kiei baroh yn sa ai lang tam ha phi.

Ki spah ha bneng

(Mat. 6:19-21)

32 # Ïoan. 21:15-17. “To wat sheptieng, ko kynhun i barit; naba U Kpa jong phi u sngewbha eh ban ai ha phi ïa kata ka hima. 33#Mat. 6:19-21; Luk. 18:22.To die noh ïa kiei kiei ki jong phi, to ai jingai isynei ruh; to thaw ïa lade ki jingpan ki ban ym man rim, ka jingkynshew keiñ ha ki bneng ka ban ym lut noh, sha kaba u nongtuh um wan hajan, lymne ka khñiang kam pynjot. 34Naba ha kaba long ka jingkynshew jong phi, hangta kan long ruh ka dohnud jong phi.

Ki shakri kiba sharai

35 # Eph. 6:14; Mat. 25:1-13; Mrk. 13:33-37. “To long kiba la panpoh ïa la ki syngkai, bad ba la thang ïa ki sharak jong phi; 36#Mrk. 13:34-36.phi hi ruh kum ki briew kiba ïa-ap khmih ïa u kynrad jong ki, lano un wan phai na ka jingkhawai shongkurim; ba haba u la wan bad ba u la tied, kin plie ïa u kumne kumne ruh. 37#Ïoan. 13:3-5; Mat. 24:42; Luk. 21:36.Suk kita ki shakri, ïa kiba haba u wan u kynrad, un shem ba ki dang ïasharai; shisha nga ong ha phi, ba un panpoh ïa lade, bad un pynshong bam ïa ki, bad un wan bad un shakri ruh ïa ki. 38Bad lada un wan ha ka ba-ar jingap miet#12:38 ka ba-ar jingap miet: Ha ka jingkheiñ por ha kine ki sngi, kan long hapdeng ka khyndai bad khat-ar baje shiteng synñia., lane ha ka balai#12:38 ka balai: Kane ka dei ka jingap miet ka balai. Ha ka jingkheiñ por ha kine ki sngi, kan long hapdeng ka khat-ar baje shiteng synñia bad lai baje mynstep., bad un shem ruh ïa ki kumta, suk keiñ kita ki shakri. 39#Mat. 24:43-44; 1 Thes. 5:2; Jpw. 3:3; 16:15; 2 Pet. 3:10.Hynrei, ïa kane to tip, ba lada u trai ïing u la lah tip ha kano ka por ba wan u nongtuh, un da la ap, bad un ym da ieh ban prat ïa ka ïing jong u. 40Phi ruh to long kiba la kloi; naba ha ka por ba phim mut, ba u wan U Khun u briew.”

Ki shakri babha bad babymman

(Mat. 24:45-51)

41U Petros te u la ong, “Ko Trai, me kren ha ngi ïa kane ka pharshi, ne ha ki baroh de?” 42#Mat. 24:45-51; Luk. 7:13.Bad U Trai u la ong, “Uno te uba long u sordar uba lah ban shaniah bad u bastad, ïa uba u kynrad jong u un buh halor kiba ha ïing jong u, ïa ka ban ai ha ki, ïa la ka bynta ka jingbam ha ka por babiang? 43Suk uta u shakri, ïa uba u kynrad jong u haba u wan, un shem ba u leh kumta. 44Shisha nga ong ha phi, ba un buh ïa u halor kiei kiei baroh kiba u don. 45Hynrei, lada uta u shakri un ong ha la ka dohnud, ‘U Kynrad jong nga u tud ban wan’; bad un sdang ban shoh ïa ki shakri shynrang bad kynthei, bad ban bam ban dih, bad ban buaid de; 46u kynrad jong uta u shakri un wan ha ka sngi ha kaba um khmih lynti, bad ha ka por ha kaba um tip, te un sympat jur eh ïa u, bad un buh ïa ka bynta jong u bad ki bymngeit. 47#Deu. 25:2-3; Jkñ. 15:29-30; Luk. 8:18; 19:26.Uta u shakri te uba la tip ïa ka mon u kynrad jong u, bad u bym shym la pynkhreh, lymne leh katba kum ka mon jong u, yn sympat ïa u da ki bun thri. 48Hynrei, uta u bym shym tip, bad uba la leh ïa kaba dei ban ïoh sympat da ki thri, yn sympat ïa u khyndiat thri. Naba ha uno uno ha uba la ai shibun, na uta yn pan shibun; bad ha uba ki la aiti shibun, na uta kin pan kaba kham bun keiñ.

U Jisu ka daw jong ka jingïaleh makynti

(Mat. 10:34-36)

49 # Luk. 22:15. “Nga la wan ïa ka ban shat ding ha ka pyrthei; bad nga mon aïu, lada la pynmeh lypa noh ïa ka? 50#Mrk. 10:38-39; Ïoan. 12:27.Hynrei, nga don ka jingbaptis da kaba yn pynbaptis ïa nga; te katno nga sngewkhuslai tad ynda ba la pyndep ïa kata! 51#Mat. 10:34-36; Luk. 21:16; Mik. 7:6.Phi mut ba nga la wan ïa ka ban ai ka jingsuk ha ka pyrthei? Nga ong ïa phi, Em, hynrei, ka jingïaleh makynti pynban. 52Naba naduh mynta kin long san ngut ha kawei ka ïing kiba ïaleh makynti paralok, lai ngut ki ïaleh ïa ki ar ngut, ar ngut ruh ki ïaleh ïa ki lai ngut. 53#Mik. 7:6.Kin ïaleh makynti u kpa bad la u khun, u khun ruh bad la u kpa; ka kmie bad la ka khun, ka khun ruh bad la ka kmie; ka kiaw kurim bad la ka pyrsa kurim, ka pyrsa kurim ruh bad la ka kiaw kurim.”

Kaba bishar ïa ki dak ki aïom

(Mat. 16:2-3)

54 # Mat. 16:2-3. Te u la ong ha kita ki paidbah ruh, “Haba phi ïohi ïa u lyoh ba mih na sepngi, kumne kumne ruh phi ong, ‘U slap kyrthep un wan’; ka jia kumta ruh. 55Bad haba ka lyer na shathie ka beh, phi ong, ‘Kan sa shit kyr-ang’; ka long ruh. 56A phi kiba arsap, phi tip ban bishar thuh ïa ka khmat jong ka khyndew bad jong ka bneng; hynrei, kumno ba phim nang ban bishar ïa kane ka aïom?

Ïasuk bad u ba ïaleh bad me

(Mat. 5:25-26)

57 # Mat. 5:25-26. “Balei ruh wat na lade hi ba phim bishar kaei kaba dei? 58Naba katba me dang leit lem bad uba ïaleh bad me sha u nongsynshar, to pyrshang biang ha lynti ban ïohlait suk na u; ïoh ba un ring noh ïa me ha u nongbishar, bad uta u nongbishar un ai noh ïa me ha u nongap byndi, bad uta u nongap byndi un bred ïa me ha ka byndi. 59Nga ong ha me: men ym mih noh nangta, haba da lei lei ruh, tad ynda me la siew ïa ka damli ka bakhatduh eh.”

Currently Selected:

LOUKAS 12: KHB

Highlight

Copy