ÏOANNIS 6

Kaba bsa ïa ki san hajar

(Mat. 14:13-21; Mrk. 6:30-44; Luk. 9:10-17)

1 # Mat. 14:13-21; Mrk. 6:32-44; Luk. 9:10-17. Hadien kine kiei kiei ruh, U Jisu u la leit noh sha shiliang ka duriaw Galilaïa, kaba long ka duriaw Tiberias ruh. 2Bad u paidbah babun u la bud ïa U, naba ki la ïohi ïa ki kambah kiba U la leh ha ki bapang. 3Te U Jisu u la leit kiew sha u lum, bad hangta u la shong lem bad ki synran jong u. 4Te Ka Niam Ka Jinglait, Ka Jingkhawai Niam jong ki Jiw, ka la jan. 5#Ïoan. 1:43; 12:21.Haba U Jisu te U la khmied ïa la ki khmat, bad ba U la ïohi ba u paidbah babun u wan ha U, U ong ha u Philip, “Nangno ngin ïathied kpu, ba kine kin ïabam?” 6Ïa kane te U la ong ban tynjuh ïa u, namar U la tip hi ïa kaei ba un sa leh. 7U Philip u la ïathuh ha U, “Arspah suka u kpu un ym dap ïa ki, ba kin ïaïoh wat mar mar khyndiat.” 8#Ïoan. 1:40; 12:22.Uwei na ki synran jong U, u Andriw, u para u Simon Petros, u ong ha U, 9#Ïoan. 21:9-13.“Don uwei u khynnah hangne, uba don san tylli ki kpu Barli, bad ar tylli ki dohkha; hynrei, kita ki long aïu hapdeng katne katne?” 10Te U Jisu u la ong, “To pynshong shaniah ïa ki briew.” Bad la don shibun u phlang ha kata ka jaka. Kumta, kita ki briew ki la ïashong shaniah, ha ka jingkheiñ kumba san hajar. 11Te U Jisu u la shim ïa kita ki kpu, bad ynda u la lah nguh, u la sam ha ki synran, kita ki synran de ha kita kiba shong: kumjuh ruh ïa kita ki dohkha, katba ki ïamon. 12Ynda ki la kdang, u ong ha ki synran jong u, “To ïakhar ïa kiba lwet kiba sah tam, ban ym lehnohei ei ei ruh.” 13Namar kata, ki la ïakhar, bad ki la ïa-pyndap khat-ar tukri kaba lwet na kita ki san tylli ki kpu Barli, kiba la sah tam ha kita kiba la lah ïabam. 14#Mat. 21:11.Ynda kita ki briew ki la ïohi ïa kata ka kambah ïa kaba U Jisu u la leh, ki la ïa-ong, “Une u long shisha uta u nongïathuhlypa u ban sa wan ha ka pyrthei.”

15 # Ïoan. 6:3; 18:36. Namar kata, haba U Jisu u la tip ba kin sa wan thung syiem ïa u da ka bor, u la kynriah noh pat sha uta u lum marwei hi.

U Jisu u ïaid halor ka duriaw

(Mat. 14:22-33; Mrk. 6:45-52)

16 # Mat. 14:22-27; Mrk. 6:45-51. Te haba la janmiet, ki synran jong u ki la ïaleit hiar sha ka duriaw. 17Haba ki la ïakiew ha ka lieng, ki ïaleit sha shiliang kata ka duriaw sha Kapernam. Te ka la lah dum, bad U Jisu um pat shym wan ha ki. 18Bad ïa kata ka duriaw la pynkhih, da kaba beh ka lyer bah. 19Ynda ki la ïaking kumba lai ne saw mail, ki ïohi ïa U Jisu ba u ïaid halor ka duriaw, bad ba u nang wan hajan kata ka lieng: te ki la ïasheptieng. 20Hynrei, u ong ha ki, “Dei ma nga; to wat sheptieng.” 21Te kumta, ki la ïapdiang sngewbha ïa u sha kata ka lieng; kumne kumne ruh, kata ka lieng ka la poi ha kata ka jaka sha kaba ki la ïathew leit.

Ki briew ki ïawad ïa U Jisu

22Ha kaba lashai, uta u paidbah uba la ïeng sha shiliang kata ka duriaw, haba u la ïohi bym shym don kawei pat ka lieng hangta, hynrei, tang kata kawei ha kaba ki synran jong U ki la ïaleit kiew, bad ba U Jisu um shym la leit lem bad ki synran jong U ha kata ka lieng, hynrei, ki synran jong U ki la leit noh kyrpang hi; 23hynrei, la poi kiwei pat ki lieng na Tiberias hajan kata ka jaka ha kaba ki la ïabam ïa uta u kpu, hadien ba U Trai u la lah nguh: 24namar kata, ynda uta u paidbah u la ïohi ba U Jisu um don hangta, lymne ki synran jong U, ki ruh ki la ïaleit kiew sha ki lieng, bad ki la poi sha Kapernam, ba ki da ïawad ïa U Jisu.

U Jisu u pyni ïa lade ba u long u Kpu ka jingim

25Te haba ki la shem ïa u sha shiliang kata ka duriaw, ki la ïakylli ïa u, “Ko Rabbi, mynno me la poi shane?” 26U Jisu u la ïathuh ha ki, bad u la ong, “Shisha, shisha nga ong ha phi, Phi wad ïa nga, ym naba phi la ïohi ïa ki kambah, hynrei, naba phi la ïabam na kita ki kpu, bad phi la kdang. 27#Isa. 55:2.Wat trei minot ban ïoh ïa kata ka jingbam ka ban jot noh, hynrei, ïa kata ka jingbam kaba ïaisah sha ka jingim bymjukut, ïa kaba U Khun u briew un ai ha phi: namar ïa une, uta U Kpa, U Blei hi, u la pynskhem.” 28Ynda kumta, ki la ïakylli ha u, “Kaei ngin leh, ba ngin ïoh minot ïa ki jingleh jong U Blei?” 29#1 Thes. 1:3; 1 Ïoan. 3:23.U Jisu u la ïathuh te u la ong ha ki, “Kane ka long kata ka jingleh jong U Blei, ba phin ngeit ha uta ïa uba u la phah.” 30#Mat. 12:38; Mrk. 8:11.Namar kata, ki la ïakylli ïa u, “Kaei ka dak phylla ba me leh te, ba ngin ïohi bad ba ngin ïoh ngeit ha me? Kaei kaba me leh? 31#Eks. 16:4,15; Jkñ. 11:8; Neh. 9:15; Salm. 78:24; 105:40.Ki kpa jong ngi ki la ïabam ïa kata ka manna ha ka ri khlaw; kumba la thoh: ‘U kpu na bneng u la ai ha ki ban bam.’ ” 32Ynda kumta, U Jisu u la ong ha ki, “Shisha, shisha nga ong ha phi, Ym dei u Moses uba la ai ha phi ïa uta u kpu na bneng; hynrei, U Kpa jong nga u ai ha phi ïa uta u kpu uba shisha na bneng: 33namar u kpu u jong U Blei u long uta uba wan hiar na bneng, bad uba ai ka jingim ha ka pyrthei.” 34#Ïoan. 4:15; Mat. 6:11.Namar kata, ki la ïa-ong ha u, “Ko Trai, to ai ïa ngi ha la ka sngi ïa une u kpu.”

35 # Ïoan. 6:48-50; 4:14. Te U Jisu u la ïathuh ha ki, “Nga, nga long uta u kpu jong ka jingim; jar uba wan ha nga, un ym thngan, bad jar uba ngeit ha nga, un ym sliang lano lano ruh. 36Hynrei, nga la ong ha phi, ba la phi la ïohi ïa nga, pynban, phim ngeit. 37#Ïoan. 17:2.Baroh ba uta U Kpa u ai ha nga, kin wan ha nga: uta te uba wan ha nga, da lei lei ngan ym kyntait noh shabar. 38#Ïoan. 4:34; 5:30.Naba nga la wan hiar na bneng, ym ba ngan ïoh leh ïa ka mon ka jong nga hi, hynrei, ïa ka mon ka jong uta uba la phah ïa nga. 39#Ïoan. 17:12; 18:9.Kane te ka long kata ka mon jong U Kpa uba la phah ïa nga, ba baroh ïa kaba u la ai ha nga, ngan ym ai ban duh noh ei ei ruh na ka, hynrei, ba ngan ïoh pynmih pat ïa ka ha ka sngi ka bakhatduh. 40#Ïoan. 5:29; 11:24; 6:54.Namar kane ka long ka mon U Kpa jong nga, ba u briew baroh uba ïohi ïa U Khun bad uba ngeit ha U, un ïoh ka jingim bymjukut, bad ba ngan pynmih pat ïa u ha ka sngi ka bakhatduh.”

41Ynda kumta, kita ki Jiw ki la ïakren khñium shaphang jong u, naba u la ong, “Nga long uta u kpu uba la wan hiar na bneng.” 42#Luk. 4:22; Ïoan. 7:27.Ki la ïa-ong te, “Ym long une U Jisu, u khun u Joseph, ïa u kpa bad ïa ka kmie jong u ngi ithuh? hato kumno te ba ong une, ‘Nga la wan hiar na bneng’?” 43Namar kata, U Jisu u la ïathuh bad u la ong ha ki, “Wat ïakren khñium paralok hi. 44#Jer. 31:3; Hos. 11:4; Ïoan. 12:32; 6:65.Ym don uba lah ban wan ha nga, lymda U Kpa uba la phah ïa nga un da pynwan ïa u: bad nga ngan pynmih pat ïa u ha ka sngi ka bakhatduh. 45#1 Thes. 4:9; 1 Ïoan. 2:27; Isa. 54:13.La thoh ha Ki Nongïathuhlypa: ‘Baroh ruh kin ïalong ïa kiba la ïoh hikai na U Blei.’ U briew baroh uba la ïohsngew na U Kpa, bad uba la ïoh nang, u wan ha nga. 46#Ïoan. 1:18.Ym namar ba uno uno ruh u la ïohi ïa U Kpa, hynrei, tang uta uba long na U Blei, uta keiñ u la ïohi ïa U Kpa. 47Shisha, shisha nga ong ha phi: Jar u bangeit ha nga, u don ka jingim bymjukut. 48Nga, nga long u kpu jong ka jingim. 49Ki kpa jong phi ki la ïabam ïa kata ka manna ha ka ri khlaw, bad ki la ïap noh; 50Une u long uta u kpu uba wan hiar na bneng, ba uno uno ruh un ïoh bam na u, bad un ym ïap noh keiñ. 51Nga, nga long uta u kpu uba pynim, uba la wan hiar na bneng; lada uno uno ruh un ïoh bam na une u kpu, un ïoh im bymjukut: bad uta u kpu de, ïa uba nga ngan ai, u long ka doh jong nga, ïa kaba nga ngan ai na ka bynta ka jingim jong ka pyrthei.”

52 # Ïoan. 3:4; 4:9. Namar kata, kita ki Jiw ki la ïasaid eh paralok hi, ki ïa-ong, “Kumno une u lah ban ai ha ngi ïa ka doh jong u ban bam?” 53Namar kata, U Jisu u la ïathuh ha ki, “Shisha, shisha nga ong ha phi, lymda phi bam ïa ka doh jong U Khun u briew, bad ba phi dih ïa ka snam jong u, phim don ka jingim ha lade. 54Uno uno ruh uba bam ïa ka doh jong nga, bad ba dih ïa ka snam jong nga, u don ka jingim bymjukut: bad nga ngan pynmih pat ïa u ha ka sngi ka bakhatduh. 55Naba ka doh jong nga, ka long da shisha ka jingbam, bad ka snam jong nga, ka long da shisha ka jingdih. 56#Ïoan. 15:4; 1 Ïoan. 3:24; 4:15.Jar uba bam ïa ka doh jong nga, bad ba dih ïa ka snam jong nga, u ïaisah ha nga, bad nga ha u. 57Kumba U Kpa u ba-im u la phah ïa nga, bad nga ruh nga im da uta U Kpa, kumta, uta uba bam ïa nga, un ïoh im keiñ da nga. 58#Ïoan. 6:41,51.Une u long uta u kpu uba la wan hiar na bneng: ym kumba ki kpa jong phi ki la ïabam bad ki la ïap noh: jar uba bam ïa une u kpu un ïoh im bymjukut.” 59#Ïoan. 6:25.Ïa kine kiei kiei ruh, u la ïathuh ha ka synagog, haba u dang hikai ha Kapernam.

Ki ktien ka jingim bymjukut

60Namar kata, shibun na ki synran jong u haba ki la ïohsngew, ki la ïa-ong, “Kane ka long ka ktien kaba eh than! uei ba lah ban sngap ïa u?” 61#Mat. 11:6.Haba U Jisu te u la tip ha lade ba kita ki synran jong u ki ïakren khñium shaphang kata, u la ong ha ki, “Shisha kane ka pynthut ïa phi? 62#Ïoan. 3:13; 17:5.Kumno te lada phin ïohi ïa uta U Khun u briew ba u leit kiew sha kaba u la don mynshuwa? 63#2 Kor. 3:6; Ïoan. 6:68.Ka long ka mynsiem kaba pynim: ka doh kam pynmyntoi ei ei ruh em. Kita ki ktien kiba nga la kren ha phi, ki long ka mynsiem, bad ki long ka jingim. 64#Ïoan. 2:25.Hynrei, don kiba na phi ki bymngeit.” (Namar U Jisu u la lah tip naduh kaba mynnyngkong, kino kita ki bymngeit, bad uno uta u ban die noh ïa u.) 65#Ïoan. 6:44; 3:27.U la ong te, “Namar kane, nga la ong ha phi, ba ym don uba lah ban wan ha nga, lymda ka long ba la ai ïa u na U Kpa jong nga.”

66Naduh kata, shibun na ki synran jong u ki la ïakylla dien noh, bad kim ïaleit lem shuh bad u. 67Namar kata, U Jisu u la kylli ïa kita ki khat-ar ngut, “Phi ruh, phi ïamon ne em ban leit noh?” 68#Mat. 16:16; Mrk. 8:27-30; Luk. 9:20.Ynda kumta, u Simon Petros u la ïathuh ha U, “Ko Trai, dei hano pat ngin ïaleit? me, me don ki ktien ka jingim bymjukut, 69bad ngi la ngeit, bad ngi tip skhem, ba me, me long uta U Khrist U Khun jong U Blei U Ba-im.” 70#Ïoan. 15:16,19.U Jisu u la ïathuh ha ki, “Nga ngam shym la jied ïa phi ki khat-ar ngut? Pynban, uwei na phi u long u ksuid.” 71#Ïoan. 13:2,27; 17:12.U la kren te shaphang u Judas Iskariot, u khun u Simon; namar dei une, u ban sa die noh ïa U, uba da long uwei na ki khat-ar ngut.

Currently Selected:

ÏOANNIS 6: KHB

Highlight

Copy