HEBRU 6

1Naba kumta, da kaba iehnoh ban kren shaphang ki jinghikai ki banyngkong shaphang U Khrist, ïa, ngin ïa nang ïaid shaduh ka jingpynjanai; khlem buh pat ka nongrim ka jingkylla-ka-bamut na ki jingleh baïap, bad ka jingngeit sha U Blei, 2ka jinghikai shaphang ki jingbaptis, bad kaba buh ki kti, ka jingmihpat ki baïap ruh, bad ka jingbishar bymjukut. 3Te ïa kane ngin leh keiñ, lada U Blei un shah. 4Namar shaphang kita ïa kiba la pynshai shi sien bad ba la ïoh mad ïa ka jingai kaba kynja bneng, bad ba la pynlong ki nongïoh bynta na U Mynsiem Bakhuid, 5bad ba la ïoh mad ïa ka ktien babha U Blei, bad ïa ki bor ka pyrthei ka ban sa wan, 6bad hadien kata, ba ki la hap noh, ka long ka bym lah ban pynthymmai pat ïa ki sha ka jingkylla-ka-bamut; haba la sahnarphna pat da ki hi, ïa U Khun U Blei, bad la pynlehrain pyrshah ïa u. 7Namar ka khyndew kaba la kjit noh ïa u slap bahap bunsien ha ka, bad kaba pynmih noh ïa ki jhur ba bit ïa kita na ka bynta kiba la rep ïa ka ruh, ka pdiang ka jingkyrkhu na U Blei; 8#Jen. 3:17-18.hynrei, lada ka pynmih noh ïa ki dieng shiah bad ïa ki shiah buid, ka long ba la kyntait noh, bad ka long hajan ka jingtim; kaba ka jingkut jong ka long ïa ka ban thang noh.

9Hynrei, shaphang jong phi, ko ba-ieit, la pynngeit ïa ngi ïa kiei kiei kiba kham bha, bad kiba dei ïa ka jingpynim, la ngi kren kumta ruh; 10namar U Blei um long u bymhok ba un klet ïa ka jingleh jong phi bad ïa kata ka jingieit kaba phi la ïa-pyni sha ka kyrteng jong u, ha kaba phi la shakri ïa ki riewkhuid, bad ba phi ïaishakri ruh. 11Bad ngi kwah ba uwei pa uwei na phi un pyni ïa kajuh ka jingminot sha ka jingdap ka jingkyrmen haduh ka bakut keiñ: 12ba phin ym long kiba alhia, hynrei, ki nongpyrthuh ïa kita kiba da ka jingngeit bad ka jingïaishah ki ïaïoh ïa ki jingkular.

Ka jingkular bathikna U Blei

13 # Jen. 22:16-17. Namar U Blei haba u la kular ha u Abraham, naba um lah ban smai dano dano ruh uba kham khraw, u la smai da lade hi, 14#Jen. 22:16,17.u da ong: “Da shisha da kaba kyrkhu ngan kyrkhu ïa me, bad da kaba pynroi ngan pynroi ïa me.” 15Te kumta, haba u la ïaishah slem, u la ïoh ïa kata ka jingkular. 16Namar ki briew ki ju smai da uta uba kham khraw: bad ha ka jingïania jong ki baroh ka jingsmai ka long ka bakut ïa ka ban pynskhem. 17Ha kaba U Blei, haba u sngewbha hi ban pyni kham shai shuh shuh ha kita ki nongïoh ïa kata ka jingkular, ïa ka jingbymkylla ka jingthmu jong u, u la pynskhem ïa ka da ka jingsmai: 18ba da ki ar tylli kiei kiei ki bymkylla, ha kiba ka long ka bym lah ïa U Blei ban lamler, ngi lah ban ïoh ka jingpynshlur badonbor, kiba la phet ban rieh ïa ka ban ïoh bat ïa kata ka jingkyrmen ba la buh ha khmat jong ngi; 19#Leb. 16:2.ïa kaba ngi don kum ka angkor ïa ka mynsiem ba-neh den ruh bad baskhem, bad kaba leit bsut sha kata kaba hapoh ka jingkah; 20#Salm. 110:4.sha kaba kum u nongbuhai na ka bynta jong ngi, U Jisu u la leit rung, haba u la jia long U Rangbah lyngdoh bymjukut ha kata ka rukom u Melkhisedek.

Currently Selected:

HEBRU 6: KHB

Highlight

Copy