HEBRU 5

1Namar ïa u rangbah lyngdoh baroh ba la shim napdeng ki briew, la thung na ka bynta ki briew ha kiei kiei kiba dei sha U Blei, ba un ïoh ainguh ïa ki jingai bad ki jingkñia namar ki pop: 2uba lah ban shah jem bad kita ki bymtip bad kiba bakla; naba ïa u hi ruh, la ker sawdong da ka jingtlot. 3#Leb. 9:7.Te namar kane, ka la dei ïa u, kumba na ka bynta u paidlang, kumta ruh na ka bynta ïa lade, ban ainguh namar ki pop. 4#Eks. 28:1.Bad ym don uno uno ruh uba shim ha lade ïa kane ka burom, hynrei, tang haba la khot da U Blei ïa u, kumba la long u Aaron.

5 # Salm. 2:7. Kumta, U Khrist ruh um shym la pyndonburom ïa lade ïa ka ban long Rangbah lyngdoh; hynrei, uta uba la ong ha u:

“Me, me long U Khun jong nga,

ha kane ka sngi,

nga la pynkha ïa me.”

6 # Salm. 110:4. Kumba u ong ruh ha kawei pat ka jaka:

“Me long ma me

U Lyngdoh bymjukut

ha ka rukom u Melkhisedek.”

7 # Mat. 26:36-46; Mrk. 14:32-42; Luk. 22:40-46. Uba ha ki sngi ka doh jong u, haba u la ainguh ïa ki jingduwai bad ki jingkyrpad, lem bad ka jingkyang kaba khraw bad ki ummat, ha uta uba lah ban pyllait ïa u na ka jingïap, bad haba la ïohsngew ïa u namar ka jingtieng riewblei jong u, 8la u la long U Khun ruh, u la nang ïa ka jingkohnguh na kiei kiei ruh ïa kiba u la shah; 9#Isa. 45:17.bad haba la pynbit janai ïa u, u la jia long u nongpynlong ka jingpynim bymjukut ïa kita baroh kiba kohnguh ïa u; 10#Salm. 110:4.ba la khot ïa u da U Blei, U Rangbah lyngdoh ha kata ka rukom u Melkhisedek.

Ka jingmaham ba kin ym hap noh na ka jingngeit

11Shaphang jong u, ngi don bun kiei kiei ban ong, bad kiba eh ban batai, naba phi la jia long kiba lam kyllut. 12#1 Kor. 3:2.Namar haba la dei ïa phi ban long ki nonghikai, haba khmih ïa ka por, phi donkam pynban ba uno uno un hikai pat ïa phi ïa ki jingsdang ki tynrai banyngkong ki orakl U Blei; bad phi la jia long kiba donkam ïa ka dud, te ym ïa ka jingbam kaba eh. 13Namar uno uno ba ju bam tang ka dud u long u bymshemphang ïa ka ktien ka hok; namar u long u khunlung. 14Hynrei, ka jingbam kaba eh ka long ïa ki rangbah, kiba namar ka jingmlien, ki don la ki jingsngewthuh ba la pynmlien ban bishar ïa ka babha ruh bad ïa ka basniew.

Currently Selected:

HEBRU 5: KHB

Highlight

Copy