KOLOSSAI 4

1 # Leb. 25:43,53; Eph. 6:9. Ko ki kynrad, to leh ha la ki shakri ïa kata ka bahok bad ïa kaba biang; haba phi tip ba phi ruh phi don U Kynrad ha bneng.

Ki jingkyntu

2 # Rom. 12:12. To ïaineh skhem ha ka jingduwai, da kaba ap sharai ha kata da ka jingainguh; 3da kaba duwai lem na ka bynta jong ngi ruh, ba U Blei un plie ha ngi ka jingkhang ïa kata ka ktien, ban kren ïa ka jingmaïan ka jong U Khrist, na ka bynta jong ka, ba la khum ruh ïa nga; 4ba ngan ïoh pynpaw ïa ka, kumba ka dei keiñ ïa nga ban kren.

5 # Eph. 5:16. To ïaid ha ka jingstad sha kita kiba long shabar, da kaba siewspah noh ïa ka por. 6Ai ba ka jingkren jong phi ha la ka sngi kan long da kaba jali ja-um, ba la pynthiang da ka mluh, ba phin ïoh tip kumno phi dei ban ïa-pynphai ktien ha uwei pa uwei baroh.

Ki jingkhublei ïawai

7 # Ki Kam. 20:4; Eph. 6:21-22; 2 Tim. 4:12. Ïa kiei kiei baroh shaphang jong nga, u Tukhikos un pyntip ha phi, u parabangeit ba-ieit bad u nongïathuhkhana baïaineh, bad u para shakri ha U Trai: 8uba nga la phah khnang sha phi na ka bynta kane hi, ba phin ïoh tip ïa ka jinglong jong ngi, bad ba un pyntngen ïa ki dohnud jong phi; 9#Phlm. 1:10-12.lem bad u Onesimos u parabangeit baïaineh bad ba-ieit, uba long uwei na phi. Kin ïa-pyntip keiñ ha phi ïa kiei kiei baroh kiba hangne.

10 # Ki Kam. 12:12,25; 13:13; 15:37-39; 19:29; 27:2; Phlm. 1:24. U Aristarkhos u para basah byndi lem bad nga, u ai khublei ïa phi, bad u Markos, u pyrsa u Barnabas (shaphang jong u, phi la pdiang ïa ki hukum; lada un wan ha phi, to pdiang ïa u), 11bad ïa u Jisu ïa uba la khot “u Justos”, kiba long na ka jingotsher. Tang kine hi ki lok baïatrei lem ha ka hima U Blei, ki briew kiba long ka jingtngen ïa nga. 12#Kol. 1:7; Phlm. 1:23.U Epaphras, uba long uwei na phi, u shakri U Khrist Jisu, u ai khublei ïa phi, u da ïaleh ha la ka sngi na ka bynta jong phi ha ki jingduwai jong u, ba phin ïoh ïeng janai bad ba la pynskhem bha ha ka mon U Blei baroh. 13Namar nga phla ïa u, ba u don shibun kaba trei shitrhem na ka bynta jong phi, bad na ka bynta kita kiba ha Laodikaïa, bad na ka bynta kita kiba ha Hierapolis. 14#2 Tim. 4:10-11; Phlm. 1:24.U Loukas, u nongpynkhiah ba-ieit, bad u Demas, ki ïakhublei ïa phi. 15To phin ïa-ai khublei ïa ki parabangeit kiba ha Laodikaïa, bad ïa ka Numpha, bad ïa ka balang kaba ha ïing jong ka. 16Te ynda la lah pule ïa kane ka shithi hapdeng jong phi, to ai ba yn pule ïa ka ha kata ka balang ki Laodikaïa ruh, bad ba phi ruh phin ïoh pule ïa kata ka shithi na Laodikaïa. 17#Phlm. 1:2.Bad to ong ha u Arkhippos, “To men sumar ïa kata ka kam ïathuhkhana ïa kaba me la pdiang ha U Trai, ba men pyndep ïa ka.”

18 # 1 Kor. 16:21. Ka jingkhublei ka jong nga u Paul da ka kti jong nga hi. Kynmaw ïa ki kynjri jong nga. Ka jingaiei kan long lem bad phi: Amen.

Currently Selected:

KOLOSSAI 4: KHB

Highlight

Copy