2 THESSALONI 3
3
To phin duwai na ka bynta jong ngi
1 #
1 Thes. 5:25; 1:8. Ha kaba wai noh, ko parabangeit, to phin duwai na ka bynta jong ngi, ba ka ktien U Trai kan ïoh ïaid stet bad ba kan ïoh burom, kumba ka long ruh bad phi; 2#Rom. 15:31.bad ba yn ïoh pyllait ïa ngi na ki briew kiba kynriang bad basniew; namar ki briew baroh kim don ka jingngeit. 3#1 Kor. 1:9; 1 Thes. 5:24.Hynrei, U Trai u long uba ïaineh, u ban pynskhem ïa phi, bad u ban ri kyndong ïa phi na uta u bymman. 4Te ngi sngewshaniah ha U Trai shaphang jong phi, ba phi leh bad ba phin leh ruh ïa kita kiei kiei ruh ïa kiba ngi hukum. 5Te U Trai un ïalam ïa ki dohnud jong phi sha ka jingieit jong U Blei, bad sha ka jingïaishah jong U Khrist.
Ka jingkyntu ban trei minot
6 #
1 Kor. 5:4,5,11; 1 Thes. 5:14. Te ngi hukum ïa phi, ko parabangeit, ha ka kyrteng U Jisu Khrist uba U Trai jong ngi, ba phin kynriah noh na u parabangeit baroh uba ïaid kynriang, bad ym katba kum kata ka jinghikai ïa kaba ki la pdiang na ngi. 7#1 Thes. 1:6,9.Namar ma phi hi, phi ïatip kumno ka dei ïa phi ban pyrthuh bud ïa ngi; naba ngim shym la leh kynriang hapdeng jong phi; 8#1 Thes. 2:9; Ki Kam. 18:3; Eph. 4:28.lymne ngim shym la bam ei ïa u kpu na uno uno ruh; hynrei, da ka jingtrei minot bad ka jingtrei shitom ngi da trei mynmiet bad mynsngi, khnang ïa ka ban ym ban khia ïano ïano ruh na phi: 9#2 Thes. 3:7.ym naba ngim don hok, hynrei, ba ngin pynlong ïa lade ka rukom ha phi, ba phin ïapyrthuh bud ïa ngi. 10#1 Thes. 4:11.Naba mynba ngi la don ruh bad phi, ïa kane ngi la hukum ïa phi, “Lada uno uno ruh um mon ban trei, te wat ai ba un bam ruh.” 11#2 Thes. 3:6.Namar ngi ïohsngew ba don hapdeng jong phi kiba ïaid kynriang, ki bym ju trei satia, hynrei, kiba leh lorni. 12#1 Thes. 4:1,11.Hynrei, ïa kiba kum kita, ngi hukum bad ngi sneng da U Jisu Khrist uba U Trai jong ngi, ba kin da trei da kaba jar jar, bad bam la ka jong ka bam.
13 #
Gal. 6:9. Hynrei, ma phi, ko parabangeit, wat man thait ha kaba leh babha. 14Te lada uno uno u briew um kohnguh ïa ka ktien jong ngi da kane ka shithi, to phin khmih thuh ïa uta u briew; bad to wat ïalok bad u, ba yn ïoh pynsngewlehrain ïa u. 15Te pynban, wat ñiew ïa u kum u nongshun, hynrei, to phin maham ïa u kum u parabangeit.
Ka jingkyrkhu pynwai
16 #
Rut. 2:4. Te U Trai ka jingsuk, ma u hi, un ai ha phi kata ka jingsuk ha la ka sngi ha kiei kiei baroh. U Trai un long lem bad phi baroh.
17 #
1 Kor. 16:21. Ka jingkhublei ka jong nga, u Paul, da ka kti ka jong nga hi, kaba long ka dak ha ki shithi baroh: kumta keiñ nga thoh. 18#Rom. 16:20; 1 Thes. 5:28.Ka jingaiei ka jong U Jisu Khrist uba U Trai jong ngi to kan long lem bad phi baroh: Amen.
Currently Selected:
2 THESSALONI 3: KHB
Highlight
Share
Copy
Want to have your highlights saved across all your devices? Sign up or sign in
The Bible Society of India
