2 ÏOANNIS 1

Ka jingkhublei

1 # 3 Ïoan. 1:1. Uta u tymmen basan, ha ka bakhraw batri ba la jied bad ha ki khun jong ka, ïa kiba nga ieit ha ka jingshisha (bad ym tang ma nga hi, hynrei, kita baroh ruh kiba la ithuh ïa ka jingshisha) 2na ka bynta kata ka jingshisha kaba ïaisah ha ngi bad kan long lem bad ngi sha ka bymjukut:

3Kan long lem bad ngi ka jingaiei, ka jingisynei, bad ka jingsuk na U Blei uba U Kpa bad na U Jisu Khrist U Khun uta U Kpa, ha ka jingshisha bad ha ka jingieit.

Ka Jingshisha bad ka Jingieit

4Nga la kmen shibun eh naba nga la shem ba don na kita ki khun jong pha kiba ïaid ha ka jingshisha, kumba ngi la pdiang ruh ïa ka hukum na uta U Kpa. 5#Ïoan. 13:34; 15:12,17.Te mynta nga kyrpad ïa pha, ko ka Bakhraw batri, ym kumba nga thoh ha pha ïa ka hukum bathymmai, hynrei, ïa kata kaba ngi la ju don naduh kaba mynnyngkong, ba ngin ïa-ieit paralok hi. 6#1 Ïoan. 5:3.Bad kane ka long kata ka jingïa-ieit, ba ngin ïaïaid katba kum kita ki hukum jong u. Kane ka long kata ka hukum, kumba phi la ïohsngew naduh kaba mynnyngkong, ba phin ïa-ïaid ha ka. 7#1 Ïoan. 2:22.Naba shibun ki nongshukor ki la ïaleit mih sha ka pyrthei, ki bymïaphla ba U Jisu Khrist u wan ha ka doh. Une keiñ, u long uta u nongshukor bad u nongïaleh pyrshah ïa U Khrist. 8To phin ïasumar ïa lade hi, khnang ba phin ym duh noh ïa kita kiei kiei ruh ïa kiba ngi la lah leh minot, hynrei, ba phin pdiang ïa ka nong babiang. 9Uwei pa uwei baroh uba ïalam phrang bad u bymïaineh ha ka jinghikai U Khrist, um don U Blei; uta uba ïaineh ha kata ka jinghikai, uta keiñ, u don U Kpa ruh bad U Khun. 10Lada uno uno ruh u wan ha phi, bad um wallam ïa kane ka jinghikai, to wat pdiang ïa u sha ïing, bad to wat kren ban khublei ïa u; 11namar uta uba khublei ïa u, u don bynta lem ha kita ki jingleh ki basniew jong u.

Ka jingwai noh

12 # 1 Ïoan. 1:4; 3 Ïoan. 1:13. Haba nga don shibun kiei kiei ruh ban thoh ha phi, ngam shym la mon ban thoh da ka kot bad ka sia; hynrei, nga kyrmen ban wan ha phi, bad ban ïakren markhmat, ba kata ka jingkmen jong phi kan da ïoh long ba la dap.

13Kita ki khun ka para jong pha ïa kaba la jied ki ïakhublei ïa pha: Amen.

Currently Selected:

2 ÏOANNIS 1: KHB

Highlight

Copy