1 ÏOANNIS 5

Ka jingjop noh thiaw ïa ka pyrthei

1 # Ïoan. 8:42. Uwei pa uwei baroh uba ngeit ba U Jisu u long uta U Khrist, la kha ïa u na U Blei: bad uwei pa uwei baroh uba ieit ïa uta uba la pynkha, u ieit ïa uta ruh ïa uba la kha na u. 2Da kane ngi tip ba ngi ieit ïa ki khun U Blei, haba ngi ieit ïa U Blei, bad ngi leh ïa ki hukum jong u. 3#Ïoan. 14:15; 1 Ïoan. 2:5; 2 Ïoan. 1:6.Namar kane ka long ka jingieit ïa U Blei, ba ngi da sumar ïa kita ki hukum jong u; bad kita ki hukum jong u kim long kiba khia. 4#Ïoan. 16:33.Naba kaei kaei baroh ïa kaba la kha na U Blei ka jop noh thiaw ïa ka pyrthei; te kane ka long kata ka jingjop#5:4 jingjop: Ha Ka Baibl, ka Edition 2015 la don da ka kyntien jingjot kaba la ïapher bak-ly-bak ha ka jingmut. La buh da ka kyntien jingjop kaba dei ban don ha kane ka bynta, kumba ka la ju don ha ki edition kiba mynshuwa. kaba la jop noh thiaw ïa kata ka pyrthei, ka jingngeit jong ngi keiñ. 5Uei uta uba jop noh thiaw ïa kata ka pyrthei, tang uta keiñ uba ngeit ba U Jisu u long U Khun U Blei.

Ka jingphla shaphang U Jisu Khrist

6 # Ïoan. 19:34; 4:23; 15:26. Une u long uta uba la wan da ka um bad ka snam, U Jisu Khrist keiñ; ym tang ha kata ka um, hynrei, ha kata ka um bad ha kata ka snam. 7Bad dei uta U Mynsiem uba phla, naba uta U Mynsiem u long ka jingshisha. 8Naba ki long lai kiba ïaphla: U Mynsiem, bad kata ka um, bad kata ka snam, bad kine lai ki ïakut lang ha kawei. 9#Ïoan. 5:32,36; 8:18.Lada ngi pdiang ïa ka jingphla jong ki briew, kata ka jingphla jong U Blei ka long kaba kham khraw; naba kata ka jingphla jong U Blei ka long kane, ba u la phla shaphang U Khun jong u. 10#1 Ïoan. 1:10.Uta uba ngeit ha uta U Khun U Blei, u don kata ka jingphla ha lade hi; uta u bymngeit ïa U Blei, u pynlong ïa u uba lamler, naba um shym la ngeit ha kata ka jingphla ïa kaba U Blei u la phla shaphang uta U Khun jong u. 11#Ïoan. 3:36.Te kane ka long kata ka jingphla, ba U Blei u la ai ha ngi ïa ka jingim bymjukut, bad kane ka jingim ka long ha U Khun jong u. 12#Ïoan. 3:36.Uta uba don uta U Khun, u don kata ka jingim; te uta u bymdon U Khun U Blei, um don kata ka jingim.

Ka jingim bymjukut

13 # Ïoan. 20:31. Ïa kine kiei kiei ruh nga la thoh ha phi, khnang ba phin da ïoh tip ba phi don ka jingim bymjukut, ha phi keiñ kiba ngeit ha ka kyrteng U Khun U Blei. 14#Mat. 7:7; 1 Ïoan. 3:21.Te kane ka long kata ka jingsngewshaniah kaba ngi don sha u, ba, lada ngi pan ïa kaei kaei ruh katba kum ka mon jong u, u sngew ïa ngi; 15te lada ngi tip skhem ba u sngew ïa ngi, ïa kaei kaei ruh ba ngi da pan, ngi tip skhem keiñ ba ngi ïoh ïa kita ki jingpan ïa kiba ngi la pan na u. 16Lada uno uno ruh u da ïohi ïa la u parabangeit ba u da leh pop ïa ka pop ym sha ka ban ïap, un pan, te U Blei un ai ha u ïa ka jingim, ïa kita keiñ kiba leh pop ym sha ka ban ïap. Don ka pop sha ka ban ïap; shaphang kata, ngam ong ba un kyrpad. 17Ka bymhok baroh ka long ka pop, bad don ka pop ym sha ka ban ïap.

18 # Ïoan. 17:15; 1 Ïoan. 3:9. Ngi tip ba uwei pa uwei baroh ïa uba la kha na U Blei, um leh pop shuh; hynrei, uta ïa uba la kha na U Blei, u ri noh ïa lade, te uta u basniew um ktah ïa u.

19Ngi tip ba ngi long na U Blei, bad ba ka pyrthei baroh kawei ka thiah khop hapoh uta u basniew.

20 # Ïoan. 17:3; Jpw. 3:7. Ngi tip ruh ba uta U Khun U Blei u la wan, bad u la ai ha ngi ka jingshemphang, khnang ba ngin ïoh ithuh ïa uta U Bashisha; bad ngi long ha uta U Bashisha, ha uta U Khun jong u, U Jisu Khrist. Une u long uta U Blei Bashisha, bad kata ka jingim bymjukut. 21Ko ki khun hep, to phin da sumar ïa lade na kita ki bleithaw: Amen.

Currently Selected:

1 ÏOANNIS 5: KHB

Highlight

Copy