2 KORINTH 6
6
1Ngi te, kum ki para baïatrei lem bad U, ngi ïakyrpad ba phin ym pdiang lehnohei ïa ka jingaiei U Blei; 2#Isa. 49:8.(namar u ong, “Nga la shahshkor ïa me ha ka Ïa badiang hun, bad ha ka sngi ka jingpynim, nga la wan ïarap ïa me; ha khmih, mynta keiñ, kata ka Ïa badiang hun; ha khmih, mynta keiñ, kata ka sngi ka jingpynim:”) 3haba ngim ai ka daw ka jingjynthut ha kaei kaei ruh, khnang ba yn ym pynrem ïa ka kam ïathuhkhana jong ngi; 4#2 Kor. 4:8-11; 11:23-27.hynrei, da kaba ngi pyni shynna ïa lade ha kiei kiei baroh kum ki nongïalap ki jong U Blei, ha ka jingïaishah shikatdei, ha ki jingjynjar, ha ki jingkyrduh, ha ki jingshipa, 5#Ki Kam. 16:23.ha ki jingsympat, ha ki jingset byndi, ha ki jingkhihwin, ha ki jingtrei minot, ha ki jingbymïohthiah, ha ki jingshah jingit; 6ha ka jingsngur, ha ka jingtip, ha ka jingïaishah-slem, ha ka jinglehsbun, ha U Mynsiem Bakhuid, ha ka jingieit bakhlem arsap, 7#2 Kor. 10:4; Rom. 13:12; Eph. 6:11-12.ha ka ktien ka jingshisha, ha ka bor U Blei, da ka jingkieng atiar ka hok sha kamon bad sha kadiang; 8hapdeng ka burom bad kaba khlem burom, hapdeng kaba kren sniew bad kaba kren bha; kum kiba shukor, hynrei, pynban, kiba shisha; 9#Rom. 8:36.kum ïa ki bymithuh, hynrei, pynban, ïa kiba ithuh eh; kum ki ban sa ïap noh, hynrei, ha khmih, ngi im; kum ïa kiba la pynshitom, te khlem da pynïap ïa ngi; 10#Rom. 8:32; 1 Kor. 3:21.kum kiba sngewsih, hynrei, ha la ka sngi, kiba sngewkmen; kum ki baduk, hynrei, pynban, kiba pynriewspah ïa kiba bun; kum ki bymdon ei ei ruh em, hynrei, kiba don kiei kiei baroh.
11 #
Ese. 33:22; Isa. 60:5. Ka shyntur jong ngi ka la ang ha phi, A ki nong Korinth; ïa ka dohnud jong ngi la pynïar. 12Ym shym la pynkhim ïa phi ha ngi, hynrei, la pynkhim ïa phi ha la ka dohnud hi. 13Te da kaba ïasiew kylliang da kajuh ka rukom (nga kren kumba ha la ki khun), to long ma phi ruh ba la pynïar.
Ka ïing U Blei U Ba-im
14To wat long phi ki para bakit lyngkor lem bad ki bymngeit; namar ka hok ka don ka jingïalok aïu bad ka bymhok? bad ka jingshai ka don ka jingïasyllok aïu bad ka jingdum? 15Bad U Khrist u don ka jingïadei aïu bad u Belial? lane u bangeit u don bynta aïu bad u bymngeit? 16#Eks. 25:8; 29:45; Ese. 37:27; Leb. 26:12; Jer. 31:1; 1 Kor. 3:16; 6:19; 10:21.Bad ka ïing U Blei ka don ka jingïasoh aïu bad ki bleithaw? namar ngi long ka ïing U Blei u ba-im, kumba U Blei u la ong,
“Ngan shong sah hapoh jong ki,
bad ngan ïaid sngewbha
hapdeng jong ki;
ngan long U Blei jong ki ruh,
ki ruh kin long
u paidlang jong nga.
17 #
Isa. 52:11. Naba kumta,
to ïamih noh phi napdeng
jong ki,
bad to pynïakhlad noh
ïa lade phi,” ong U Trai,
“bad to wat ktah shuh
ïa ka bymkhuid;
te nga ngan pdiang ïa phi
ha lade,
18 #
2 Sam. 7:14; 1 Khrn. 17:13; Isa. 43:6; Hos. 1:10. bad ngan long U Kpa
ïa phi,
ma phi ruh, phin long
ki khun shynrang
bad ki khun kynthei ïa nga,”
ong U Trai u Badonbor Baroh.
Currently Selected:
2 KORINTH 6: KHB
Highlight
Share
Copy
Want to have your highlights saved across all your devices? Sign up or sign in
The Bible Society of India
