2 KORINTH 4

Ka jingkynshew ha ki khiew khyndew

1Naba kumta, ba ngi don kane ka jingshakri 'tien Blei kat kumba ngi la ïoh isynei, ngim man thait shuh; 2hynrei, ngi la kyndiah eh na kiei kiei ruh kiba rieh jong ka jinglehrain, haba ngim ïaid ha ka buit sianti, lymne khleh phon ïa ka ktien U Blei; hynrei, da ka jingpynpaw ïa ka jingshisha ngi da ïaroh ïa lade ha ka jingïatiplem ki briew baroh ha khmat U Blei. 3Hynrei, lada ka long te ba la kah ïa ka gospel jong ngi, ka long ba la kah ha kita kiba jot; 4#Ïoan. 12:31; Kol. 1:15.ha kiba u blei jong kane ka pyrthei u la pynmatlah noh ïa ki jingmut kita ki bymngeit, khnang ba ka jingshai ka gospel ka burom U Khrist, uba long ka dur U Blei, kan ym tyngshaiñ ha ki. 5Namar ngim ïalap ïa lade, hynrei, ïa U Khrist Jisu kum U Trai keiñ, hynrei, ïa lade hi ki shakri jong phi na ka bynta U Jisu. 6#Jen. 1:3.Naba U Blei uba la hukum ïa ka jingshai ban shai noh na kaba dum, u la pynshai ha ki dohnud jong ngi, khnang ïa ka ban pynshai ïa ka jingtip ka burom U Blei ha ka khmat U Jisu Khrist.

7Hynrei, ngi don kane ka jingkynshew ha ki khiew khyndew, ba ka jingkhraw tam eh kata ka bor kan long na U Blei, bad ym na ngi. 8Ha kiei kiei baroh la pynjynjar sat ïa ngi, hynrei, ym shym la pynshipa ïa ngi; la tap baïong ïa ngi, hynrei, ym ha ban da kut lad; 9la behbeiñ ïa ngi, hynrei, ym shym la iehnoh noh ïa ngi; la pynkyllon kram ïa ngi, hynrei, ym shym la pynjot noh ïa ngi; 10da kaba bah kylleng ha kane ka met ha la ka sngi ïa ka jingïap U Jisu uba U Trai, khnang ban pynpaw ïa ka jingim U Jisu ruh ha ka met jong ngi. 11Namar ngi kiba dang im ngi long ba la aiti noh ha la ka sngi ïa ka ban ïap na ka bynta U Jisu, khnang ban pynpaw ïa kata ka jingim U Jisu ruh ha ka doh kaba ïap jong ngi. 12Kumta keiñ, ka jingïap ka trei ha ngi, hynrei, ka jingim ha phi.

13 # Salm. 116:10. Hynrei, ba ngi don kajuh ka mynsiem ka jingngeit, katba kum kata ba la thoh, “Nga la ngeit, namar kata, nga la kren”; ngi ruh ngi ngeit, namar kata, ngi kren, 14#1 Thes. 4:14.ba ngi tip skhem ba uta uba la pynmih pat ïa U Jisu uba U Trai, un pynmih pat ïa ngi ruh da U Jisu, bad un buh ïa ngi ha khmat lem bad phi. 15Namar kiei kiei baroh ki long na ka bynta jong phi khnang ba kata ka jingaiei ïa kaba la pynroi byllien, kan da roi kyrhai eh da ka jingainguh jong kiba bun ïa ka burom U Blei.

Kaba im da ka jingngeit

16Namar kata, ngim man thait shuh; hynrei, la ka long ruh ba u briew uba habar jong ngi u nang jot nang jot, pynban, uta u briew bashapoh u la nang shait ha la ka sngi. 17Namar ka jingjynjar basting jong ngi kaba tang shibit, ka nang pynlong na ka bynta jong ngi ka jingkhia ka burom kaba palat eh bad ka bymjukut, 18haba ngim khmih shuh ha kita kiei kiei ruh ïa kiba ïohi, hynrei, ïa kita kiei kiei ruh ki bymïohi; namar kita kiei kiei ruh ïa kiba ïohi ki long tang shibit, hynrei, kita kiei kiei ruh ki bymïohi ki long bymjukut keiñ.

Currently Selected:

2 KORINTH 4: KHB

Highlight

Copy