2 KORINTH 3

Ki shakri ka Jutang Bathymmai

1 # Ki Kam. 18:27; Rom. 16:1; 1 Kor. 16:3. Ngi sdang pat ban ïaroh ïa lade? ne ngi donkam kum kiwei, ïa ki shithi ïaroh sha phi, lane na phi? 2Ma phi keiñ, phi long kata ka shithi jong ngi, ïa kaba la thoh ha ki dohnud jong ngi, ïa kaba la ithuh bad la pule da ki briew baroh; 3#Eks. 24:12; 31:18; 32:15-16; Jer. 31:33.kiba paw shynna ba phi long ka shithi U Khrist ïa kaba la trei minot da ngi, ïa kaba la thoh ym da ka sia, hynrei, da U Mynsiem U Blei u ba-im, ym ha ki maw lyngkniap, hynrei, ha ki doh lyngkniap ka dohnud keiñ.

4Hynrei, ka jingshaniah skhem kat kane ngi don da U Khrist sha U Blei: 5ym naba ngi long kiba bit na lade hi ïa ka ban pyrkhat ïa kaei kaei ruh kumba napoh lade hi; hynrei, ka jingbit jong ngi ka long na U Blei, 6#Jer. 31:31-34.uba la pynbit ïa ngi ban long ki nongïalap ka jutang bathymmai, ym ki jong ka dak, hynrei, ki jong U Mynsiem; namar kata ka dak ka pynïap, hynrei, uta U Mynsiem u pynim keiñ.

7 # Eks. 34:29-35. Hynrei, lada kane ka jingpynïaid niam ka jingïap ba la thoh bad ba la mut ha ki maw, ka la long ha ka jingtyngshaiñ, katba kita ki khun Israel kim lah shuh ban khmih shaiñ ïa ka khmat u Moses namar kata ka jingtyngshaiñ ka khmat jong u ka ban dam noh; 8kumno te ba kata ka jingpynïaid niam ka jong U Mynsiem kan ym long kham tam ha ka burom? 9Namar lada kata ka jingpynïaid niam ka jingpynrem ka la long ka burom, da kham tam shibun kata ka jingpynïaid niam ka jingpynksan ka palat ha ka burom. 10Namar shisha ïa kata ba la pyndonburom ym shym la pyndonburom shuh ha kane, na ka bynta kata ka burom kaba kham kor. 11Namar lada kata ka ban dam noh ka la long ha ka burom, te kham tam shibun kata kaba ïaisah ka long ha ka burom.

12Namar kata, ba ngi don ka jingkyrmen kat kane, ngi kren shlur eh, 13#Eks. 34:33.bad ngim long kum u Moses, uba la buh ka jingkah ha ka khmat jong u, khnang ba kita ki khun Israel kin ym ïoh khmih shaiñ sha ka bakut kata ka ban dam noh; 14hynrei, la pyneh noh ïa ki jingmut jong ki; namar haduh kane ka sngi hi haba pule ïa ka jutang barim, kata kajuh ka jingkah khmat ka ïaisah khlem da loit noh; naba ha U Khrist la pyndam noh ïa ka. 15Shisha keiñ wat haduh kane ka sngi, haba pule ïa u Moses, ka jingkah ka dang neh ha ka dohnud jong ki. 16Hynrei, ynda kan da phai khmat ha U Trai, yn loit noh ïa kata ka jingkah khmat. 17#Isa. 61:1-2.Te U Trai u long uta U Mynsiem, bad ha kaba don U Mynsiem U Trai, hangta don ka jinglaitluid. 18Hynrei, ma ngi baroh da ka khmat khlem da kah noh, da kaba ngi khmih shai kumba ha ka ïit ïa ka burom U Trai, la nang pynkylla nang pynkylla dur ïa ngi sha kata kajuh hi ka dur na ka burom sha ka burom, kumba na U Trai uba U Mynsiem.

Currently Selected:

2 KORINTH 3: KHB

Highlight

Copy