2 KORINTH 10

U Paul u da ïa lade na ki jingkynnohbeiñ

1 # 2 Kor. 10:10. Te nga hi, u Paul, nga kyrpad ïa phi da ka jingjemnud bad ka jingshahjem U Khrist, ma nga keiñ, uba haba don ha khmat, nga long uba rit hapdeng jong phi, hynrei, ha bymdon ha khmat nga leh shlur sha phi. 2#2 Kor. 13:2,10; 1 Kor. 4:21.Hynrei, nga kyrpad ïa phi, ba haba nga don ha khmat ngan ym ïoh leh shlur da kata ka jingshaniah da kaba nga thew ban leh shlur ïa kita kiwei, kiba ñiew ïa ngi kumba ngi ïaid katba kum ka doh. 3Namar la ngi ïaid ha ka doh, ngim ïaleh thma katba kum ka doh; 4namar ki atiar kata ka jingïaleh thma jong ngi kim long kiba kynja doh, hynrei, kiba don bor da U Blei ïa ka ban pynkyllon ïa ki kut baskhem, 5da kaba pynkyllon noh keiñ ïa ki jingmut thala, bad ïa ka jingleh khraw baroh kaba kyntiew ïa lade ïa ka ban ïaleh ïa kata ka jingtip shaphang U Blei, bad da kaba pyndem ïa ka jingpyrkhat baroh ha ka jingkohnguh ïa U Khrist, 6#2 Kor. 2:9.haba ngi long kiba la kloi ban pynhiar kput ïa ka jingbymkohnguh baroh, ynda la pyndep ïa ka jingkohnguh jong phi.

7 # 1 Kor. 1:12. Hato phi ïakhmih ïa kita kiei kiei ruh kumba ki paw habar? Lada uno uno ruh u shaniah ha lade hi ba u long u jong U Khrist, to un pyrkhat na lade hi ïa kane pat, ba kumba ma u, u long u jong U Khrist, kumta ruh, ma ngi ki jong U Khrist. 8Namar la ngan kham leh thaw burom katto katne shaphang ka bor jong ngi (ïa kata, U Trai u la ai ha ngi ïa ka ban tei ïa phi, ym te ïa ka ban pynjot), yn ym pynlehrain ïa nga: 9ba ngan ym i kum u ban pynsheptieng ïa phi da ki shithi. 10#1 Kor. 2:3.“Naba, ki shithi jong u”, ki ong, “kiba khia bad kiba jur, hynrei, kata ka jingdon jong u ha khmat ka long ka batlot, bad ka jingkren jong u kaba la ñiewbeiñ.” 11Uba kat uta to un pyrkhat ïa kane ba katba ngi long ha ka ktien da ki shithi haba ngim don ha khmat, kumta hi ngin long ruh ha ka jingleh haba ngi don ha khmat. 12Namar ngim nud ban pynïaryngkat lane ban ïanujor ïa lade bad kiwei kiba shait ïaroh ïa lade; hynrei, ma ki, haba ki ïathew ïa lade bad ma lade hi, bad haba ki ïapyrshang ïa lade bad ma lade, kim sngewthuh.

13Hynrei, ngi ngin ym leh thaw burom shaphang kita kiei kiei ruh kiba sha lyndet ka jingthew jong ngi, hynrei, katba kum ka jingthew jong kata ka pud kaba U Blei u la ai ha ngi, ka jingthew keiñ ban kot wat haduh jong phi ruh. 14Namar ngim shym la kynjoh ïa lade palat, kumba ngim shym kot haduh jong phi; namar ngi la lah poi haduh jong phi ruh ha ka gospel U Khrist: 15#Rom. 15:20.ym ba ngi leh thaw burom shaphang kita kiei kiei ruh kiba sha lyndet ka jingthew jong ngi, kata, ha ki jingtrei minot jong kiwei pat; hynrei, ngi kyrmen, ynda la pynman ïa ka jingngeit jong phi, ba yn pynkhraw ïa ngi da phi, katba kum kata ka pud jong ngi sha ka jingkynrei eh, 16kat ban ïathuhkhana haduh kita ki ri kiba sha lyndet jong phi, bad ban ym leh thaw burom ha ka pud jong uwei pat shaphang kita kiei kiei ruh ba la khreh lypa. 17#Jer. 9:24.Hynrei, “Uta uba leh thaw burom, to un leh thaw burom ha U Trai keiñ.” 18Namar ym uta uba shait ïaroh ïa lade uba long ba la pdiang hun, hynrei, uta ïa uba U Trai u ïaroh keiñ.

Currently Selected:

2 KORINTH 10: KHB

Highlight

Copy