2 KORINTH 9

Ka jingïarap kylluid parabangeit

1 # 2 Kor. 8:4. Namar shaphang kane ka jingsynñiang sbai kaba na ka bynta kita ki riewkhuid ym donkam ïa nga ban thoh ha phi; 2#Rom. 15:26; 2 Kor. 8:10.namar nga tip ïa kata ka jingsngew-la-kloi jong phi, ïa kaba nga ïaroh na ka bynta jong phi ha ki Makedonia, ba ka Akhaïa ka la nang khreh lypa la mynnymwei keiñ; bad kata ka jingshitrhem jong phi ka la pynkhih ïa shibun na ki. 3#1 Kor. 16:2.Hynrei, pynban, nga la phah ïa kine ki parabangeit, ïoh ba kata ka jingïaroh jong ngi kaba na ka bynta jong phi kan long lehnohei shaphang kane; khnang ba kumba nga la ong, phin long kiba la khreh lypa: 4ïoh ba kumno kumno, lada ki Makedonia kin ïawan ryngkat bad nga bad kin shem ïa phi ki bym shym khreh, yn pynlehrain ïa ngi (ngim ong, “ïa phi”), ha kane ka jingshaniah. 5Namar kata, nga la mut ba donkam ban kyntu ïa kita ki parabangeit, ba kin ïoh wan shuwa sha phi, bad ba kin ïoh khreh lypa ïa ka jingai jong phi ïa kaba la lah kular lypa, ba kumta, kata kan long ba la khreh, kum ka jingai sngewbha, te ym kum kaba leh bor.

6Hynrei, lei lei ïa kane nga ong: uta uba bet khyndiat un ïoh ot ruh khyndiat, bad uta uba bet shibun un ïoh ot ruh shibun. 7#Pro. 22:8.Uwei pa uwei na phi katba u thmu ha la ka dohnud, kumta un ai: ym na kaba sngewsih lane na kaba pynbor, namar U Blei u ieit ïa uba ai da kaba kmen keiñ. 8#Eph. 3:20.Bad U Blei u lah ban pynroi kyrhai ïa ka jingaiei baroh sha phi, khnang ba, haba phi don ha la ka sngi ka jingdap baroh ha kiei kiei baroh, phin ïoh nang roi kyrhai sha ka jinglehbha baroh; 9#Salm. 112:9.kumba la thoh:

“U la bet kyrhai,

u la ai ha ki baduk;

ka hok jong u

ka ïaisah bymjukut.”

10 # Isa. 55:10; Hos. 10:12. Te uta uba ai symbai ha uta uba bet, bad kpu ïa ka ban bam, un ai bad un pynroi ïa u symbai jong phi ban bet, bad un pynroi ki soh ka hok jong phi; 11da kaba pynriewspah ïa phi ha kiei kiei baroh sha ka jingleh kylluid baroh, kaba pynlong da ngi ka jingainguh ïa U Blei. 12Naba kata ka jingïasam ïa kane ka jinglehsbun kam long tang ban shu pyndap ïa ki jingkyrduh kita ki riewkhuid, hynrei, ka long kaba roi kyrhai ruh da ki jingainguh shibun ïa U Blei; 13#2 Kor. 8:4; Rom. 15:31.namar da ka jingtynjuh ïa phi da kane ka jingïasam ki da pyndonburom ïa U Blei, namar kata ka jingkohnguh ka jingphla jong phi ïa ka gospel U Khrist, bad namar ka jingkylluid ka jingïasynñiang sbai jong phi sha ki bad sha ki briew baroh; 14da ka jingduwai jong ki na ka bynta jong phi, haba ki hi ruh ki sngewkynmaw hir hir ïa phi, namar kata ka jingaiei kaba kor tam ka jong U Blei kaba ha phi. 15#Rom. 5:15-16.To long noh ka jingnguh ïa U Blei, namar kata ka jingai jong u ka bym lah ong shuh!

Currently Selected:

2 KORINTH 9: KHB

Highlight

Copy