2 KORINTH 1

1 # Eph. 1:1; Kol. 1:1; 2 Kor. 1:19; Ki Kam. 16:1; 18:1. U Paul u apostol U Jisu Khrist da ka mon U Blei, bad u Timothi u parabangeit,

Ha ka balang U Blei kaba don ha Korinth, lem bad ki riewkhuid baroh kiba don ha Akhaïa baroh:

2 # Rom. 1:7. Long ka jingaiei ha phi bad ka jingsuk na U Blei uba U Kpa jong ngi bad na U Jisu Khrist uba U Trai.

U Paul u duwai ainguh ïa U Blei

3 # Eph. 1:3; 1 Pet. 1:3; Rom. 15:5. Long ba la kyrkhu ïa U Blei bad ïa U Kpa U Jisu Khrist uba U Trai jong ngi, U Kpa ki jingisynei bad U Blei ka jingpyntngen baroh, 4#2 Kor. 7:6-7,13.uba pyntngen ïa ngi ha ka jingjynjar jong ngi baroh, khnang ïa ka ban ai bor ïa ngi ban pyntngen ïa kita kiba ha kano kano ka jingjynjar, da kata ka jingpyntngen da kaba la pyntngen ïa ngi hi da U Blei. 5Naba kat kumba kita ki jingshah U Khrist ki ïaroi kyrhai ha ngi, kumta keiñ, kata ka jingpyntngen ïa ngi ka roi kyrhai ruh da U Khrist. 6Te la ka long ba la pynjynjar ïa ngi, ka long na ka bynta ka jingpyntngen bad ka jingpynim ïa phi; lane la ka long ba la pyntngen ïa ngi, ka long na ka bynta ka jingpyntngen bad ka jingpynim ïa phi keiñ, kaba trei ha kaba ïaishah ïa kijuh ki jingshah ïa kiba ngi ruh ngi shah. 7Te ka jingkyrmen jong ngi ka skhem shaphang jong phi, da kaba ngi tip ba kat kumba phi long kiba ïoh bynta na ka jong kita ki jingshahshitom, kumta ruh, phi long na kata ka jingpyntngen.

8 # 1 Kor. 15:32. Namar ngim mon ba phin ym tip, ko parabangeit, shaphang kata ka jingjynjar jong ngi kaba la jia ha ngi ha Asia, ba la ban khia ïa ngi shikatdei eh, palat ïa ka bor jong ngi, haduh ba ngi la duh jingkyrmen ban im; 9shisha, ngi la don ha lade hi ka jingrai ban ïap, khnang ba ngin ym shaniah satia ha lade hi, hynrei, ha U Blei uba pynmih pat ïa ki baïap; 10uba la knieh kynthet ïa ngi na ka jingïap kaba khraw katta katta, bad uba ïaiknieh kynthet ïa ngi, ha uba ngi kyrmen ba un dang knieh kynthet shuh ruh; 11da kaba ïarap lem ma phi ruh da ka jingduwai na ka bynta jong ngi, khnang ba namar kata ka jingisynei ïa kaba la ai ha ngi na kaba leh kiba bun, yn ainguh da kiba bun na ka bynta jong ngi.

Ki jingkylla ha ka jingleit lynti u Paul

12Namar ka jingkmen jong ngi ka long kane keiñ, ka jingphla ka jingïatiplem jong ngi, ba ha ka jingkhuid bad ha ka jingsngur bariewblei, ym ha ka jingstad bakynja doh, hynrei, ha ka jingaiei U Blei, ngi la pynïaid ïa lade ha ka pyrthei, bad kham bun eh sha phi. 13Namar ngim thoh ha phi da kumwei kumwei nalor kita ïa kiba phi pule, ne kiba phi kohnguh, bad nga kyrmen ba phin ïaikohnguh haduh ka bakut: 14kumba phi la kohnguh ïa ngi katto katne, ba ngi long ka jingkmen jong phi, kumba, phi ruh, phi long ka jong ngi ha ka sngi U Jisu uba U Trai.

15Te ha kane ka jingshaniah nga la mon ban wan ha phi mynshuwa, khnang ba phin ïoh kmen ar sien; 16#Ki Kam. 19:21.ban leit artad na phi sha Makedonia, bad ban wan pat ha phi na Makedonia, bad ban ïoh leit on lynti ïa nga da phi sha Judia. 17Namar kata, haba nga la thmu kumta, nga shu leh thala? ne ïa kita kiei kiei ruh ïa kiba nga thmu, nga thmu katba kum ka kynja doh, khnang ba kan ïoh long bad nga kaba “Ho-oid, ho-oid” bad kaba “Em, em”? 18Hynrei, kumba U Blei u long uba lah ban shaniah, kumta keiñ, ka jingïalap jong ngi ha phi kam long “Ho-oid” bad “Em”; 19#Ki Kam. 18:5; 15:22; 1 Thes. 1:1.namar U Jisu Khrist U Khun U Blei, ïa uba la ïalap hapdeng jong phi da ngi, da nga bad da u Silbanos bad da u Timothi keiñ, um shym long “Ho-oid” bad “Em”, hynrei, ha u ka long kaba ho-oid. 20#1 Kor. 14:16; Jpw. 3:14.Namar ki jingkular U Blei katba don, ki long ha u kaba ho-oid, bad ha u kaba Amen, ïa ka ban pyndonburom ïa U Blei da ngi. 21Te uta uba pynneh ïa ngi lem bad phi ha U Khrist, bad uba la pynsleh ïa ngi, long U Blei keiñ, 22uba la shon shab ruh ïa ngi, bad uba la ai ïa ka synjat jong U Mynsiem ha ki dohnud jong ngi.

23Hynrei, nga khot ïa U Blei ban sakhi ha ka mynsiem jong nga, ba khnang ban isynei ïa phi nga la pep ban wan sha Korinth. 24Ym ba ngi leh trai khlieh ïa ka jingngeit jong phi, hynrei, ngi ïalong ki lok baïatrei lem ïa ka jingkmen jong phi: namar da ka jingngeit phi ïai-ïeng.

Currently Selected:

2 KORINTH 1: KHB

Highlight

Copy