1 KORINTH 16

Ka jingïasynñiang sbai na ka bynta ki parabangeit

1 # Ki Kam. 24:17; Rom. 15:25,26. Hynrei, shaphang kata ka jingsynñiang sbai kaba na ka bynta ki riewkhuid, kumba nga la buh beit biang ruh ha ki balang ka Galatia, kumjuh ruh, to leh ma phi. 2#Ki Kam. 20:7; 2 Kor. 9:4-5.Ha ka sngi nyngkong ka taïew, to uwei pa uwei na phi un buh noh ha lade, da kaba kynshew kat kum ka jingïoh jong u, ba yn ym long ki jingïasynñiang sbai ynda nga la wan. 3#2 Kor. 8:18-19.Te ynda nga la poi, ïa kino kino kiba phin ibit, ïa kita ngin phah lem bad ki shithi ban leit lam noh ïa kata ka jingai isynei jong phi sha Jerusalem; 4bad lada long ba-idei ïa nga ruh ban leit, kita kin leit ryngkat bad nga.

Ka jingthmu u Paul ban wan jngoh ïa ki

5 # Rom. 15:26; Ki Kam. 19:21. Hynrei, ngan wan ha phi ynda nga la ïoh leit lyngba ka Makedonia, namar nga thew ban leit lyngba ka Makedonia. 6Hynrei, lehse ngan sah bad phi, ne ngan shong tlang ruh, khnang ba phi phin ïoh leit on lynti ïa nga kat shaba nga leit. 7#Ki Kam. 18:21.Namar ngam mon ban ïohi ïa phi mynta tang ha kaba shu ïaid artad, hynrei, nga kyrmen ban sah bad phi katto katne, lada U Trai un shah. 8#Leb. 23:15-21; Deu. 16:9-11; Ki Kam. 18:19.Hynrei, ngan sah ha Ephesos haduh ka Pentekost, 9#Ki Kam. 19:9-10.namar ïa ka jingkhang kaba khraw bad kaba don bor la plie wang ïa nga, te don shibun ki nongkhang.

10 # Ki Kam. 16:1; 1 Kor. 4:17. Te lada u Timothi un wan ha phi, to sumar biang phi ba un don hapdeng jong phi khlem jingsheptieng; namar u trei ïa ka kam U Trai keiñ, kumba leh ma nga ruh. 11Namar kata, to wat ai ba uno uno ruh un ñiewbeiñ ïa u. Hynrei, to da ïaleit on lynti ïa u ha kaba suk, ba un ïoh wan ha nga, namar nga khmih lynti ïa u lem bad ki parabangeit.

12 # Ki Kam. 18:24. Shaphang u Apollos ruh u parabangeit, nga la kyrpad shibun ïa u, ban wan ha phi ryngkat bad kita ki parabangeit; hynrei, um don mon satia ban wan mynta, hynrei, un wan keiñ ynda u la kloi bha.

Ka jingpynwai ryngkat bad ka jingkhublei

13 # Salm. 31:24; Eph. 6:10. To da sharai phi, to da ïeng skhem phi ha ka jingngeit, to da leh shlur ïa lade phi kum ki rangbah, to da pynkhlaiñ ïa lade phi. 14To ai ba baroh kaba phi leh, phin leh ha ka jingïa-ieit.

15 # 1 Kor. 1:16. Hynrei, nga kyrpad ïa phi, ko parabangeit, namar phi tip shaphang ka ïing u Stephanas, ba ka long u soh nyngkong ka Akhaïa, bad ba ki la ïa-aiti noh ïa lade ïa ka ban shakri ïa ki riewkhuid, 16ba phi ruh phin kohnguh ïa kiba kum kita, bad ïa uwei pa uwei uba ïarap lem bad ba trei minot. 17Kumta, nga sngewkmen ha ka jingwan u Stephanas bad u Phortunatos bad u Akhaikos, namar ïa kata kaba duna na sha phi, ki la ïa-pyndap noh ma ki. 18Naba kumta keiñ, ki la ïa-pynpyngngad ïa ka mynsiem jong nga bad ïa ka jong phi ruh; namar kata, to da ñiew burom phi ïa kiba kum kita.

19 # Ki Kam. 18:2; Rom. 16:5. Ki balang ka Asia ki ïakhublei ïa phi. U Akwila bad ka Priskila ki ïakhublei ïa phi shibun ha U Trai, lem bad kata ka balang kaba ha ïing jong ki. 20#Rom. 16:16.Ki parabangeit baroh ki ïakhublei ïa phi. To phin da ïakhublei paralok hi da ka jingïadoh bakhuid.

21 # Kol. 4:18; Gal. 6:11; 2 Thes. 3:17. Ka jingkhublei jong nga u Paul da ka kti jong nga hi. 22#Rom. 9:3.Lada uno uno ruh u bymieit ïa U Jisu Khrist uba U Trai, to un long anathema! Maranatha! 23#Rom. 16:20.Ka jingaiei U Jisu Khrist uba U Trai to kan long lem bad phi. 24Ka jingieit jong nga kan long lem bad phi baroh ha U Khrist Jisu. Amen.

Currently Selected:

1 KORINTH 16: KHB

Highlight

Copy