1 ÏOANNIS 1

U Ktien ka Jingim

1 # Luk. 24:39; Ïoan. 1:1; 4:14; 15:27; 20:20,25; Ki Kam. 4:20; 1 Ïoan. 2:13. Kata kaba la long na kaba mynnyngkong, ïa kaba ngi la ïohsngew, ïa kaba ngi la ïohi da ki khmat jong ngi, ïa kaba ngi la ïoh khmih pyllaw, bad ki kti jong ngi ki la ïoh tba, shaphang uta U Ktien ka jingim 2#Ïoan. 1:14.(bad ïa uta u jingim la pynpaw, bad ngi la ïohi, bad ngi ïaphla, bad ngi ïathuh shai ha phi ïa uta u jingim bymjukut, uba la don bad U Kpa, bad la pynpaw ïa u ha ngi); 3ïa kata kaba ngi la ïohi bad ngi la ïohsngew, ngi ïathuh shai ha phi, ba ma phi ruh, phin ïoh ka jingïasyllok lem bad ngi: bad kata ka jingïasyllok de ka jong ngi ka long lem bad U Kpa bad U Khun jong u ruh U Jisu Khrist. 4#Ïoan. 15:11; 2 Ïoan. 1:12.Te ïa kine kiei kiei ruh ngi thoh ha phi, ba ka jingkmen jong ngi kan ïoh long kaba la dap.

U Blei u long ka Jingshai

5 # 1 Ïoan. 3:11. Te kane ka long kata ka khubor ïa kaba ngi la ïohsngew na u, bad ngi ïa-pynbna ha phi: U Blei u long ka jingshai, bad ha u, ka jingdum kam don satia. 6#Ïoan. 3:2; 1 Ïoan. 2:4,11.Lada ngi ong ba ngi don ka jingïasyllok lem bad u, bad ngi ïaid ha kata ka jingdum, ngi lamler, bad ngim leh ïa ka jingshisha; 7#Jpw. 1:5.hynrei, lada ngi ïaid ha kata ka jingshai kumba u long ma u ha kata ka jingshai, ngi don ka jingïasyllok lem paralok hi, bad ka snam U Jisu U Khun jong u ka pynkhuid ïa ngi na ka pop baroh. 8Lada ngi ong ba ngim don ka pop ngi shukor ïa lade, bad kata ka jingshisha kam don ha ngi. 9Lada ngi phla ïa ki pop jong ngi, u long uba ïaineh bad u bahok, ban map noh ïa kita ki pop jong ngi bad ban pynkhuid ïa ngi na ka bymhok baroh. 10#1 Ïoan. 5:10.Lada ngi ong ba ngim shym la leh pop, ngi pynlong ïa u uba lamler, bad kata ka ktien jong u kam don ha ngi.

Currently Selected:

1 ÏOANNIS 1: KHB

Highlight

Copy