1 ÏOANNIS 2

U Khrist u long ka kuna na ka bynta ki pop jong ngi

1 # Ïoan. 14:16. Ko ki khun hep jong nga, nga thoh ïa kine kiei kiei ruh ha phi, ba phin ym leh pop. Te lada uno uno ruh u leh pop, ngi don keiñ U Riewsaid bad U Kpa, U Jisu Khrist U Bahok; 2#Ïoan. 1:29; 3:14-16; 11:51-52; 1 Ïoan. 4:10.bad ma u hi ruh, u long ka kuna na ka bynta ki pop jong ngi, bad ym tang na ka bynta kita ki jong ngi hi, hynrei, na ka bynta ki jong ka pyrthei baroh ruh. 3#Ïoan. 15:10.Bad ha kane ngi tip ba ngi ithuh ïa u, lada ngi sumar ïa ki hukum jong u. 4#1 Ïoan. 1:6-8; 4:20.Uta uba ong, “Nga ithuh ïa u”, bad u bymsumar ïa ki hukum jong u, u long uba lamler, bad kata ka jingshisha kam don ha u. 5#Ïoan. 14:21,23; 1 Ïoan. 5:3.Hynrei, jar uba da sumar ïa kata ka ktien jong u, da shisha ha uta, la pynjanai noh ïa ka jingieit U Blei. Ha kane ngi tip ba ngi long ha u. 6#Ïoan. 13:15.Uta uba ong ba u ïaisah ha u, u la dei ban ïaid hi kumta kat kumba u la ïaid ma u.

Ka hukum ka bathymmai

7 # Ïoan. 13:34. Ko hep ba-ieit, ym ïa ka hukum bathymmai nga thoh ha phi, hynrei, ïa ka hukum barim, ïa kaba phi la ju don naduh kaba mynnyngkong; kata ka hukum ka barim ka long kata ka ktien ïa kaba phi la ïohsngew. 8#Ïoan. 8:12; 13:34.Pat, ïa ka hukum bathymmai nga thoh ha phi, kaba long kaba shisha ha u bad ha phi; naba kata ka jingdum ka ïaid jah noh, bad kata ka jingshai kaba shisha ka la tyngshaiñ hi mynta. 9Uta uba ong ba u don ha kata ka jingshai, bad uba shun pynban ïa u parabangeit jong u, u don ha kata ka jingdum haduh mynta. 10#Ïoan. 11:9-10; 1 Ïoan. 1:6.Jar uba ieit ïa la u parabangeit u ïaisah ha kata ka jingshai, bad ha u, ym don ka daw ka jingjynthut. 11Hynrei, jar uba shun ïa la u parabangeit u don ha kata ka jingdum, bad u ïaid ruh ha kata ka jingdum, bad um tip shuh shaei u leit, naba kata ka jingdum ka la pynmatlah noh ïa ki khmat jong u.

12Nga thoh ha phi,

ko khun hep,

naba la map noh ïa phi

ïa ki pop jong phi

na ka bynta ka kyrteng jong u.

13 # Ïoan. 1:1; 1 Ïoan. 1:1. Nga thoh ha phi, ko ki kpa,

naba phi la ithuh ïa uta

uba long naduh

kaba mynnyngkong.

Nga thoh ha phi, ko ki samla,

naba phi la jop noh thiaw

ïa uta u basniew.

Nga la thoh ha phi,

ko khun khynnah,

naba phi ithuh ïa U Kpa.

14Nga la thoh ha phi,

ko ki kpa,

naba phi ithuh ïa uta

uba long naduh

kaba mynnyngkong.

Nga la thoh ha phi, ko ki samla,

naba phi long ki bakhlaiñ,

bad kata ka ktien U Blei

ka ïaisah ha phi,

bad phi la jop noh thiaw ïa uta

u basniew.

15Phi wat ieit ïa ka pyrthei, lymne ïa kita kiei kiei ruh kiba ha kata ka pyrthei. Lada uno uno ruh u ieit ïa ka pyrthei, kata ka jingieit U Kpa kam don shuh ha u. 16Naba baroh kaba ha kata ka pyrthei, ka jingkwah brai jong ka doh, bad ka jingkwah brai jong ki khmat, bad ka jingsarong thala shaphang ka jingim, kam long na U Kpa, hynrei, na kata ka pyrthei ka long. 17Bad kata ka pyrthei ka ïaid jah noh, bad kata ka jingkwah brai jong ka; hynrei, uta uba leh ïa ka mon U Blei u ïaisah bymjukut.

U nongïaleh pyrshah ïa U Khrist

18 # 1 Ïoan. 4:3. Ko khun hep, ka long ka por bakhatduh: bad kumba phi la ïohsngew ba uta uba ïaleh pyrshah ïa U Khrist u wan, wat mynta ruh la mih noh shibun kiba ïaleh pyrshah ïa U Khrist; nangta keiñ ngi tip ba ka long ka por bakhatduh. 19Ki la leit mih noh napdeng jong ngi, hynrei, kim shym la long na ngi; namar lada ki la long na ngi, kin da la sah lem bad ngi: hynrei, ki la leit mih noh khnang ban ïoh pynpaw ïa ki, ba baroh kim long na ngi. 20Hynrei, ma phi, phi don ka jingpynsleh na uta U Bakhuid, bad phi tip ïa kiei kiei baroh. 21Ngam shym la thoh ha phi naba phim tip ïa ka jingshisha, hynrei, naba phi tip ïa ka, bad ba kawei ruh kaba lamler kam long na ka jingshisha. 22#2 Ïoan. 1:7.Uei long uta uba lamler, lymda dei uta uba len noh ba U Jisu u long uta U Khrist? Une u long uta u nongïaleh pyrshah ïa U Khrist, uta uba len noh ïa U Kpa bad ïa U Khun. 23#1 Ïoan. 4:15; 2 Ïoan. 1:9.Uwei pa uwei baroh uba len noh ïa U Khun, um don ruh ïa uta U Kpa: uta uba phla ïa U Khun, u don uta U Kpa ruh. 24Ma phi, namar kata, to kan ïaisah ha phi kata kaba phi la ïohsngew naduh kaba mynnyngkong. Lada kata kaba phi la ïohsngew naduh kaba mynnyngkong ka ïoh ïaisah ha phi, ma phi ruh, phin ïoh ïaisah ha U Khun bad ha U Kpa. 25Te kane ka long kata ka jingkular ïa kaba u la kular ha ngi, ka jingim bymjukut keiñ.

26Ïa kine kiei kiei ruh nga la thoh ha phi shaphang kita kiba ïalam bakla ïa phi. 27#Ïoan. 14:26.Te shaphang jong phi, kata ka jingpynsleh ïa kaba phi la pdiang na u ka ïaisah ha phi, te phim donkam shuh ba uno uno ruh un da hikai ïa phi; hynrei, kumba kata ka jingpynsleh jong u ka hikai ïa phi shaphang kiei kiei baroh, bad ka long kaba shisha, bad kam long kaba lamler, te kumta kumba la hikai ïa phi, phin ïaisah ha u.

28 # 1 Ïoan. 4:17. Te mynta, ko ki khun hep, to ïaisah ha u; khnang ba lada yn pynpaw ïa u, ngin ïoh ka jingsngewshlur, bad ba ngin ym lehrain ha khmat jong u ha kata ka jingwan jong u. 29#1 Ïoan. 3:7-10; 4:7.Lada phi tip ba u long u bahok, phi tip ba uwei pa uwei baroh uba ïai-leh ïa ka hok, la kha ïa u na u.

Currently Selected:

1 ÏOANNIS 2: KHB

Highlight

Copy