Sak. 12
12
Bulekhuule buliicha khu Yerusalemu
1Buno nibwo burume bwa Wele Omunyali Owa Bioosi khu kholo eya Isiraeli. Ali Wele Omunyali Owa Bioosi niye owabuumba likulu, ne sibala mala aelesia omundu bulamu bumulimo. Wele Omunyali Owa Bioosi aloma ali, 2“Ndikhukhola lukoba lwa Yerusalemu lube nga sikoombe sie ndali, babaandu Be Chikholo babalubotookhelela balinywamo mala bataalitaale nga bameesi. Ne nga balibwaakala Yerusalemu akhaba chingoba chichiindi cha Yuda chosi chilibwaakalwa. 3Siise esio ndikhola Yerusalemu lusitoe nga libaale. Ekholo yosi yosi elikhaka khulisuta eliiumisibwa. Ne chikholo choosi che sibala chiliambaana khulwibwaakala. 4Ne mu siise esio ndiriikhirisia chifarasi chabwe choosi mala bachitimia balilalukha. Ndiloleelela babaandu ba Yuda, ne kakhali ndikhola chifarasi che basiku babwe chibofule. 5Nio be kholo eya Yuda balibolana babene bali, ‘Omwami Owe Banamae aelesianga kamaani babaandu bewe bamenyile Yerusalemu.’
6“Siise esio ndikhola chikholo cha Yuda chibe nga kumulilo mu musiru, namwe nga bumemu bwe kumulilo mu masakari mala baliosia buli baandu Be Chikholo chiili siimbi. Ne kakhali babaandu ba Yerusalemu bakhachiililile khumenya mu muleembe mu lukoba.
7“Ne ese Wele Omunyali Owa Bioosi ndinyoa mbelesie Yuda bukhili nio efuma eye babaandu be lisaaye lia Daudi ne bamenywa ba Yerusalemu balinyoola, ekhabi ekhila eye kholo eya Yuda yoosi tawe. 8Siise esio Wele Omunyali Owa Bioosi aliliinda bamenywa ba Yerusalemu, nio akhaba batekhele lukali mu nibo balinyoola kamaani nga Daudi ne aba. Ne be lisaaye lia Daudi bakhemeelele babaandu ba Yuda nga malaika owa Wele Omunyali Owa Bioosi namwe nga Wele omwene. 9Ne mu siise esio ndibunia chikholo choosi chikhaka khukhwibwaakala Yerusalemu.
10 #
Yn. 19.37; Lif. 1.7 #Mat. 24.30; Lif. 1.7 “Ne ndielesia be lisaaye lia Daudi ne bamenywa ba Yerusalemu kumwoyo kwe siisa ne lisaba. Ne balilola khuyo niye baunaake, balimulila oli omundu ne alila omwana wewe omuteelwa. Balilila lukali oli omundu ne alila omwana wewe omubele. 11Mu siise esio bililo mu Yerusalemu biliba bikali nga bibiaba khu Hatarimoni mu mweyeywe kwa Mekido. 12-14Buli nju mu sibala elilila. Lisaaye lia Daudi, lisaaye lia Nasani, lisaaye lia Lawi ne Simei ne babaandi boosi. Buli nju elilila babaandu bayo, ne baseecha ne bakhasi se bakhalilile alala babaandu babwe tawe.”
Currently Selected:
Sak. 12: LUBUKUSU
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
