Lir. 33

Yakobo akaanana ne Esau

1Yakobo alola, abona Esau alikho echa ne babaandu chimia chine. Nio aukhasiamo babaana ba Lea, Raeli nende be bakholi babwe babili. 2Ara nasioobi ne babaana babwe ebweeni, Lea ne babaana bewe baloondakho, ne Raeli ne Yosefu baba bamaliilisi khu boosi. 3Niye omwene arangira ebweeni wabwe mala enama asi khukhwola saba nabwila nga ne embiya khu wandaaye. 4Ne kakhali Esau atima khumwakaanila, amukwa mwikosi amwikwayila mala boombi balila. 5Ne nga Esau abona bakhasi ne babaana, areeba ali, “Naanu bali ne nawe bano?”

Yakobo akobosia ali, “Babaana nibo Wele mu mwalaalo kwewe aelesia omukholi wowo.” 6Nasioobi ne babaana babwe becha siimbi mala benama ebweeni wa Esau. 7Lea yesi ne babaana bewe becha mala benama. Ne ekhumaliilikha Yosefu ne Raeli becha siimbi, benama asi.

8Esau areeba ali, “Ne bipupu bibiindi nibio nakaanane bili ne sifuno sina?”

Yakobo akobosia ali, “Bie khunyoola kumwalaalo mumoni mwo omwami wase.”

9Esau akobosia ali, “Wandaayase, ndi ne bibinjola. Ba busa nende nibio oli nabio.”

10Yakobo aloma ali, “Tawe, khusaba, naaba ne nyoolile kumwalaalo mumoni chowo, fukiilila siaanwa siase, sikila khubona bubweeni bwowo khuli nga khubona bubweeni bwa Wele, ne kumwalaalo nikwo unjakaanilemo kuno. 11Khusaba ofukiilile siaanwa siase nisio khurereere sikila Wele ayikholela ke kumwalaalo mala ndi nabio bibinjola.” Yakobo amwikoonjelela, abukula.

12Nio Esau aloma ali, “Lekha khuchiililile ne lukeendo lwefwe, mala ese ndarangira.”

13Ne kakhali Yakobo amukobosia ali, “omwami wase, omanyile oli babaana bali batekhele, ne bibiaayo binuunia bienya buliindi bwase, bialoondwa khangu khangu khulwe ndaalo ndala, binyala biafwa bioosi. 14Nosiima omwami rangira, omukholi wowo alakhuloondakho kalaa khuloondekhana ne likeenda lie bibiaayo ne lie babaana, nabwila nga nola wo mwami wase mu Seiri.”

15Nio Esau amukobosia ali, “Lekha ese khulekhele balala khu baandu nibo ndi nabo.”

Ne Yakobo akobosia ali, “Mbaao sifuno tawe. Nosiima lekha nyoole#33.15 lekha nyoole: lekha nyoole kumwalaalo, namwe koosi ne kali kamalayi ne nawe. kumwalaalo mumoni cho mwami wase.” 16Nio Esau ayuukha endaalo ng'eneyo akobola e Seiri. 17Ne kakhali Yakobo akeenda acha e Sukoti, mala ombakha enju yewe ne kamataala ke bibiaayo biewe, khwako lisina lia abuundu ao lialaangwa bali Sukoti#33.17 Sukoti: sifuno sie lisina lino mu Lueburania sili “Kamatala” namwe “chikambi.”.

18Khukhwama Padani-aramu, Yakobo ola mu muleembe mu lukoba lwa Shekemu, luuli mu sibala sia Kanaani, mala ombakha ekambi siimbi ne lukoba. 19#Yosh. 24.32; Yn. 4.5 Akula kamaloba khukhwama khu ba okhwa Hamori, raraawe owa Shekemu, khu bitonyi emia ndala bie efwesa. 20Abwenao ombakha alutare mala akitiuukha ali, El elohe Isiraeli (Wele owa Isiraeli).

Currently Selected:

Lir. 33: LUBUKUSU

Highlight

Copy