Bikh. 1

1 # Lk. 1.1-4 Khu mukoosi Teofilo:

Mu sitabu siase sitaayi, naandika bibiindu bioosi nibio Yesu aakhola ne khukhwikisia khukhwama nga ne arakikha kimilimo kiewe, 2khukhwola endaalo niyo abukulilwakho ayilwa mwikulu. Ne akhabukulwa khuyilwa mwikulu tawe, aana lilakiilisia khubirira mu maani ka Roho Omutakatifu khu baandu nibo aarobora khuba barumwa bewe. 3Mu ndaalo kamakhumi kane enyuma we lifwa liewe, aababonekhela barumwa bewe ne ekesia abuwaanga mu ngila choosi ali, aaba omulamu. Bamubona, mala alomaloma nabo ke bubwami bwa Wele. 4#Lk. 24.49 Nga ne becha alala, abalakiilisia ali, “Mukharura mu Yerusalemu tawe, ne kakhali khemulindiilile siianwa nisio namuboolela, siianwa nisio Paapa asuubisia khuaana. 5#Mat. 3.11; Mk. 1.8; Lk. 3.16; Yn. 1.33 Yoana abatiisia ne kameechi, ne mu ndaalo ndiiti chichiicha, mulabatiisibwa mu Roho Omutakatifu.”

Yesu abukulwa khucha mwikulu

(Mk. 16.19-20; Lk. 24.50-53)

6Nga barumwa bakaanana alala bareeba Yesu bali, “Omwami, mu siise sino olakoboselia Baisiraeli bubwami?”

7Yesu abakobosia ali, “Se kali kakenywe khumanya siise namwe chindaalo nicho Paapa omwene aarao mu bunyali bwewe tawe. 8#Mat. 28.19; Mk. 16.15; Lk. 24.47-48 Ne mulanyoola kamaani siise nisio Roho Omutakatifu akhamwichekho, mala mulaba baloli base mu Yerusalemu, mu Yuda mwoosi ne mu Samaria ne khukhwola khu siakamo sie sibala.” 9#Mk. 16.19; Lk. 24.50-51 Nga aamala khuloma ario, abukulwa aniina mwikulu ne bamuloleleele, mala lifuumbi liamutiimbia, nibo khumubona lundi tawe.

10Oli basiiunguusa mu ngaaki bario, nga aaba ne alikho acha, ao ne nao babaandu babili, ba baaba ne chingubo chiwaanga ba bemao. 11Ba baboolela bali, “Bakalilaya, sikila siina ne mwimile nekhuloleelela mu ngaaki? Yesu yuno, obukulwe khurura khwinywe engisibwa mwikulu, alikobola mu ngila ne ng'ene niyo mu mubonelemo nacha.”

Owela mu bweyaangu bwa Yuda

(Mat. 27.3-10)

12Mala barumwa bakobola Yerusalemu khukhwama khu sikulu sia Miseituni embi e kilomita ndala. 13#Mat. 10.2-4; Mk. 3.16-19; Lk. 6.14-16 Bengila mu lukoba mala baniina mu lusiro lwe angaki nimwo bamenyanga: Petero, Yoana, Yakobo ne Andereya, Filipo ne Tomasi, Baturimayo ne Matayo, Yakobo okhwa Alufayo, Simoni omusiloti ne Yuda okhwa Yakobo. 14Bano boosi bebuusianga alala khusaba buli busiele alala ne babaandu ne bakhasi, ne Maria maawe owa Yesu, ne bawandaaye ba Yesu.

15Mu ndaalo echo, Petero eema akari we basuubili (boosi baba babaandu emia ndala ne kamakhumi kabili) mala aloma ali, 16“Bawandaayase, liiandiko liaba khukhwola lichusibwe nilio Roho Omutakatifu alomalomela mu Daudi nga ne ang'oola ka Yuda, owarangirira abo ba babaamba Yesu. 17Yuda aaba owe kumukaanda kwefwe, sikila aaba aaroborwa khukhola ne nafwe kimilimo kino.”

18 # Mat. 27.3-8 (Yuda aakula kumukuunda ne chirupia nicho aanyoola mu bumayaanu bwewe, aakwa atikhamo, bie munda biarura. 19Babaandu boosi ba bamenya mu Yerusalemu baulila kakekholekha, nio kumukuunda okwo mu lulimi lwabwe bakulanga bali Akelitama, liboola lili, “Kumukuunda kwe sifuki.”)

20 # Chiny. 69.25; 109.8 “Sikila nga kaandikwa mu sitabu sie kimienya kali,

‘Enju yewe erame busa;

omundu yesi yesi akhakimenyamo tawe.’

Lundi kaandikwa kali,

‘Omundu okundi abukule bubweyaangu bwewe.’

21“Khwako, khukhwola omundu okundi aambaane nafwe nga omuloli khuloondekhana ne khulamukha khwo Mwami Yesu. Khukhwola abe mulala khu nibo khwabechanga nabo busiele nga ne khwakeendanga no Mwami Yesu 22#Mat. 3.16; Mk. 1.9; 16.19; Lk. 3.21; 24.51 khurakikhira mu siise sie libatiisia lia Yoana khukhwola khu ndaalo niyo Yesu abukulilwamo khukhwama khwifwe khuniina mwikulu. Mulala khu bano khukhwola abe omuloli alala ne nafwe khu lilamukha liewe.”

23Khwako bebaasia khu baandu babili: Yosefu, niye balanganga bali Barisaba (lundi amanyikhana bali Yusito), ne Matiasi. 24Mala basaba Omwami bali, “Omwami, ewe omanyile kamebaasio ka buli mundu, nono, khwekesie mulala khu babili bano niye ewe oroboore 25khukhwila mu bukholi nga omurumwa mu bweyaangu bwa Yuda owaukha akobola abuundu wewe.” 26Mala baapa chikura, khu babili, nio Matiasi aroborwa atasibwa khu barumwa ekhumi na mulala.

Currently Selected:

Bikh. 1: LUBUKUSU

Highlight

Copy