MARIKO Okhumanyisia akalimwo
Okhumanyisia akalimwo
Injiili shinga olwa yahandikwa nende Mariko, yichakanga yiri nanwa, “Amakhuwa amalayi ka Yesu Kristo, Omwana wa Nyasaye.” Yesu alolesibungwa okhuba omundu webikhole khandi owobunyali. Obunyalibwe buloleshelanga mukhwechesiakhwe, mukhuloonda ebishieno nende okhuleshela abandu obwonooni bwabwe. Yesu yeeboolangakhwo omwene mbu ye nomwana womundu, owetsa okhuhaana obulamubwe okhulekhuula abandu okhurula mubwonooni.
Mariko yenoosinjia amakhuwa ka Yesu munjila ingololofu, yeitsioni nende okhuboola nariitsila aka Yesu yakhola, okhushilakhwo aka yaboola nende okhwechesia. Olunyuma lwokhwinoosia mubwimbichiti khu aka Yohana omubatiisi nende akokhuteemwa khwa Yesu, Mariko aloosinjiakhwo bwangu obukhalabani bwa Yesu bwokhuhonia nende okhwechesia abandu. Shinga olwa ebise biatsiililila, nolwa abalondi ba Yesu bamumanyilisia obulayi. Ne nilwo olwa abasukube nabo bameeta okhuba ababi muno khuye nende okhumeeta okhumufukula. Emiliango chiokhumalilikha, chiboolanga akekholekha mubulamu bwa Yesu mushialo khwichuma liokhumalilikha, nende okhutinyisia muno akokhubambwa nende okhulamukhakhwe okhurula mubafu.
Injiili shinga olwa yahandikwa nende Mariko, yili nende ebitonye bibili biokhumalilisia. Eshiambeli shili mumuliango kwa 16:9-10, eshiakhabili shili mukwa 16:9-20. Ebitonye bibili ebio biahandikwa nende omuhandichi undi, oulali Mariko mwene tawe.
Akalimwo mubwimbichiti
1. Obuchachilo obwa Injiili 1:1-13
2. Obukhalabani bwa Yesu Galilaya 1:14–9:50
3. Oluchendo lwokhurula Galilaya okhuula Yerusalemu 10:1-52
4. Lichuma liokhumalilikha mubulamu bwa Yesu nali Yerusalemu 11:1–15:47
5. Okhulamukha khwa Yesu okhurula mubafu 16:1-8
6. Okhulolekha nende okhukulukha khwa Omwami Yesu nalamushe 16:9-20
Currently Selected:
MARIKO Okhumanyisia akalimwo: OLUPR
Highlight
Share
Copy
Want to have your highlights saved across all your devices? Sign up or sign in