MATAYO 28
28
Okhulamukha khwa Yesu okhurula mukhufwa
(Mrk. 16:1-10; Luka 24:1-12; Yoh. 20:1-10)
1Olwa Isabato yali niyihwele, nibushietsanga inyanga yambeli yomwihonga, Mariamu wa Magadalene nende Mariamu undi oyo, bakalukha okhulola ing'ani. 2Ne lola, eshialo shiarenga obutinyu, omumalaika wa Omwami niyekha okhurula Mwikulu, niyetsa naserenjesia lichina okhurulaho, ne naliikhalakhwo. 3Okhufwanakhwe khwali shinga oluhenu, natsio tsingubotsie nitsing'inang'ina shinga eliuba. 4Abelihe abo, nibatiilwa neindenga nibaba shinga abandu bafwile.
5Omumalaika naboolela abakhasi abo ari, “Mularie ta, shichila emanyile mbu mukhabanga Yesu, owabambilwe khumusalaba. 6Shiali hano ta, amalile okhulamukha shinga olwa yaboola. Yitse mulole aha babele nibamwalisiiye. 7Mana mutsie bwangu, muboolele abeechibe mbu, alamushe okhurula mubafu. Alamuranjilila okhutsia Galilaya, ne namumulolele ebweneyo. Isie, emalile okhumuboolela.”
8Mana nibarula bwangu hashilindwa nibali neindenga, nebutswa bali nokhwikhoya okhunji, nibatsia tsimbilo okhuboolela abeechibe. 9Ne lola, Yesu yabakanila nababoolela ari, “Omulembe kube ninenywe.” Nibatsia ahambi ninaye nibamukwa mumakuluke nibamwinamila. 10Mana Yesu nababoolela ari, “Mularie ta, tsie muboolele abaana befwe batsie Galilaya, ne balandola ebweneyo.”
Akabelihe bokhulinda ing'ani baboola khu akali nikekholeshe
11Ne olwa abakhasi abo bali nibatsitsanga, balala khubelihe abali nibalindile ing'ani, bakalukha mwitookho nibaboolela abesaaliisi abakhulundu koosi akali nikekholeshe. 12Ne olwa abesaaliisi abakhulundu abo bali nibakaanile nende abakofu, nibarecheresaniye khu akabakhoyile okhukhola, bahelesia abelihe abo amapesa amanji. 13Mana nibaboolela abelihe abo bari, “Muboolele abandu muri, ‘Abeechibe betsile eshilo nibeeba omubilikwe nikhuli mundoolo.’ 14Ne nikakhaba mbu, omukafuna alahulila ako, khulaboola ninaye afuchilile mbu, inywe mubula eshikha, kho shimulahenda omwoyo tawe.”
15Abelihe abo nibabukula amapesa ako, ne nibakhola shinga olwa bali nibabooleelwe. Mana amakhuwa ako katsiililila okhutsanibwa mu Abayahudi okhuula olwa leelo.
Yesu aloleshela abeechibe
(Mrk. 16:14-18; Luka 24:36-49; Yoh. 20:19-23; Ebikh. 1:6-8)
16 #
Mat. 26:32; Mrk. 14:28 Abeechi ekhumi namulala batsia khushikulu shia Galilaya, ewa Yesu yali nabalachilisiye okhutsia. 17Ne olwa bamulola, bamwinamila, nebutswa abandi khubo bakanakania mumioyo chiabwe. 18Yesu nasita ahambi khubo, ne nababoolela ari, “Nyasaye yambelesia obunyali bwosi mwikulu nende khushialo. 19#Ebikh. 1:8Kho mutsie mukhole abandu boosi okhuba abalondi banje. Mubabatiisie muliira lia Papa, Omwana nende Roho Omutakatifu. 20Khandi mubechesie okhulonda koosi akemulachilisia okhukhola. Nasi ndalabetsanga ninenywe buli lwosi, okhuula khushihesi shieshialo.”
Currently Selected:
MATAYO 28: OLUPR
Highlight
Share
Copy
Want to have your highlights saved across all your devices? Sign up or sign in
