YOHANA 17
17
Yesu asaayila Abeechibe
1Olwa Yesu yali namalile okhuboola amakhuwa ako, yahenga ikulu mwikulu ne naboola ari, “Papa, eshise shimalile okhuula. Helesia omwanawo oluyali, kho naye akhuhelesie iwe oluyali. 2Iwe wamuhelesia obunyali khubandu boosi, kho mbu naye ahaane obulamu obulahwaho ta khwabo aba wamuhelesia boosi. 3#Obuch. 15:3Ne obulamu obulahwaho ta obwo, nibwo okhukhumanya iwe, ouli Nyasaye watoto wenyene, nende okhuumanya isie, Yesu Kristo owa iwe waruma. 4Isie emalile okhumanyia eshialo oluyalilwo, ndamalile emilimo echia wambelesia okhukhola. 5Papa, bulano mbelesia oluyali imbeliwo, oluyali lwene olwa ndali ninalwo ninawe eshialo nishishili okhulongwa.
6“Isie ndakhukholile iwe okhumanyikha khwabo aba iwe wambelesia mushialo. Bali abobo ne niumbelesia isie. Bahulilanga likhuwalio, 7Khandi bulano bamanyile mbu, koosi akawambelesia karulanga khwiwe. 8Ndabahelesiye oburume obwa wambelesia, nabo nibabufuchilila. Bamanyiile elala mbu, toto isie ndarula khwiwe, khandi basuubiile mbu, niwe owaruma.
9“Isie ebasaayila, ne shiesaayilanga abomushialo ta, habula aba wambelesia shichila nabobo. 10Boosi aba endi ninabo nabobo, nabo boosi aba oli ninabo nabanje, nalwo oluyali lwanje lulolekhanga okhubirira mubo. 11Bulaano isie nditsanga khwiwe, shieshili mushialo ta, nebutswa bo bali mushialo. Papa Omutakatifu, khulwa obunyali bweliiralio, elia wambelesia obalide, mbu babe eshindu shilala shinga olwa isie ninawe khuli mulala. 12#Tsits. 41:9; Yoh. 13:18Olwa ndali neshili ninabo, ndabalinda obulayi khulwa obunyali bweliralio, elia wambelesia. Isie ndabalinda obulayi, ne abulaho kata mulala khubo owakora ta, habula omwana wobukori oyo, kho mbu Amahandiko koosibwe. 13Ne bulano nditsanga khwiwe, ne emboola amakhuwa kano mushialo kho mbu, babe nomwikhoyo kwanje okwitsuule mumioyo chiabwe. 14Isie ndabahelesia likhuwalio, nebutswa abomushialo babasila, okhuba shibali abomushialo ta, shinga olwa isie siesi ndalali owomushialo tawe. 15Shiesaayanga mbu, obarusie mushialo ta, habula mbu, obalinde obulayi okhurula khu Omubi oyo. 16Shinga olwa isie ndalali owomushialo ta, kho boosi khandi shibali abomushialo tawe. 17Obaahule, babe abobo mubwatoto. Likhuwalio, nobwatoto. 18Isie ebaruma mushialo shinga olwa iwe waaruma isie mushialo. 19Ne khulwabo, isie mwene ndihaananga khwiwe kho mbu, nabo khandi behaanile elala khwiwe mubwatoto.
20“Shiesaayila bano bonyene ta, habula esaayila khandi boosi abasuubila mwisie okhubirira muburume obwa barume bano. 21Esaaya mbu, boosi babe eshindu shilala. Papa, chama mbu, boosi babe mwifwe, shinga olwa iwe oli mwisie nasi mwiwe. Boosi babe mubulala kho mbu, abomushialo basuubile mbu toto waaruma isie. 22Oluyali olwa wambelesia, nilwo olwa siesi khandi ndabahelesia, kho mbu, babe eshindu shilala shinga olwa isie ninawe khuli mulala. 23Isie embe mubo nawe obe mwisie, kho mbu, babe toto eshindu shilala, kachile abomushialo bamanye mbu, niwe owaaruma khandi mbu, wabaheela shinga olwa waaheela isie.
24“Papa, enzenya mbu, aba wambelesia, babe ninasi ewa endi, kho mbu, balole oluyali lwanje, oluyali lwene olwa wambelesia. Okhuba waaheela isie eshialo nishishili okhulongwa. 25Papa omulunjishi, abomushialo shibakhumanyile iwe ta, nebutswa isie ndakhumanya, ne bano bamanyile mbu, niwe owaaruma. 26Isie ndakhukholile iwe okhumanyikha khubo, ne ndalatsiililila okhukhola endio kho mbu, obuheelibwo khwisie, bube mubo, nasi siesi khandi embe mubo.”
Currently Selected:
YOHANA 17: OLUPR
Highlight
Share
Copy
Want to have your highlights saved across all your devices? Sign up or sign in
