YOHANA 15
15
Yesu niye omutsabibu kwatoto
1“Isie nisie omutsabibu kwatoto, naye Papa wanje niye omukholi womumukunda wakwo. 2Aremanga buli lisaka mwisie elilamanga ebiamo ta, ne akhalilanga buli lisaka eliamanga ebiamo kho mbu, libe lilayi nilimeeta okhwama ebiamo ebinji. 3Ne inywe bulano mumalile okhusiiywa khulwa amechesio ka ndamwechesiye. 4Mumenyenje mwisie, nasi ndalamenya mwinywe. Lisaka shilinyala okhwama ebiamo khubwalio lionyene tawe, habula liamanga nilishili khumutsabibu. Munjila ndala yene eyo, inywe shimunyala okhwama ebiamo nimulamenya mwisie tawe.
5“Isie nisie omutsabibu, nenywe ninywe amasaka. Omundu yesi yesi oumenya mwisie, nasi nimenya muye, alama ebiamo ebinji, shichila shimunyala okhukhola eshindu shiosi shiosi nimulamenya mwisie tawe. 6Omundu yesi yesi oulamenya mwisie ta, alasukunwa elwanyi shinga lisaka ne naniala. Amasaka shinga kano kakhung'asibwa nikasukunwa mumulilo nikasaambwa. 7Nimuba nimumenya mwisie, nako amakhuwa kanje nikamenya mwinywe, mulasaba eshindu shiosi shiosi ne mulahebwa. 8Oluyali lwa Papa wanje lulolesibungwa ninenywe khulwa inywe okhwama ebiamo ebinji, ne munjila yino mwikhola abeechi banje. 9Shinga olwa Papa yaaheela isie, nolwa siesi ndamuheela inywe, kho mumenye mubuheeli bwanje. 10Nimuba nimukhola kamalako kanje kenya, mulamenya mubuheeli bwanje, shinga olwa siesi ekholanga kamalako ka Papa yenya mana emenyanga mubuheelibwe.
11“Emubooleele amakhuwa ako kho mbu, omwikhoyo kwanje kube mwinywe khandi mbu, okhwikhoya khwenywe khube okhwitsuule. 12#Yoh. 13:34; 15:17; 1 Yoh. 3:23; 2 Yoh. 1:5Lilako lianje khwinywe ndielino mbu muheelanenje abeene khu beene, shinga olwa isie ndamuheela inywe. 13Obuheeli obukhongo bwomundu akhoyile okhuba ninabwo khubetsabe, nokhuhaana obulamubwe khulwa bo. 14Ne inywe muli abetsa banje nimuba nimukhola aka emulaka. 15Isie shiemulanga inywe khandi mbu abasumba ta, shichila omukhabani shiamanyanga akomwamiwe akholanga tawe. Habula emulanga inywe mbu abetsa, shichila ndamuboolela amakhuwa koosi akandahulila okhurula khu Papa wanje. 16Inywe shimwayanzahula ta, habula nisie owamwahula inywe ne nimuraho mbu, mutsie mwame ebiamo ebinji, ebimenya inziayo. Mana Papa alamuhelesia inywe liosi liosi elia mumusaba muliira lianje. 17Kho bulano emulaka inywe mbu, muheelanenje abeene khu beene.”
Isila eyomushialo
18“Abomushialo nibaba nibamusila, mwitsulile mbu, baranjilila okhuusila isie. 19Nimwakhabeele abomushialo, khane abomushialo bakhamuheelile shinga abashiabwe. Nebutswa ndamwahula okhurula mushialo shino, khulweshio, shimuli abomushialo shino ta, niko akachila abomushialo nibamusila inywe. 20#Mat. 10:24; Luka 6:40; Yoh. 13:16Mwitsulile amakhuwa kanje aka ndamuboolela endi, ‘Omusumba shiabetsanga omukhongo okhushila omwamiwe tawe.’ Abandu nibaba nibaasandia isie, mwesi khandi balamusandia. Nibaba nibahulila amechesio kanje, khandi balahulila amechesio kenywe. 21Nebutswa balamukholela ako koosi shichila muli abeechi banje, balamukholela bario okhuba shibamanyile owaruma isie tawe. 22Shibakhabeleekhwo neshikha shiobwonooni ta, nikakhabeele mbu, shindayetsa nimboola ninabo ta, nebutswa shinga olwa kali bulano, shibalikhwo nende eshia babeyela khulwa obwonooni bwabwe tawe. 23Omundu yesi yesi owaasila isie, yasila kata nende Papa wanje. 24Shibakhabeelekhwo neshikha shiobwonooni ta, nikakhabeele mbu, shindakhola emilimo mubo echia oundi yesi alaakholakhwo ta, nebutswa shinga olwa kali bulano, balola aka ndakhola, ne nibaasila isie halala nende Papa wanje. 25#Tsits. 35:19; 69:4Kata kario okhuula ako kekholeshe kho mbu, akahandikwa mumalako kabwe koosibwe mbu, ‘Baasila butswa ahalali eshifune shiosi shiosi tawe.’
26“Ne omuhabini oyo aletsa, naye niye Roho, oufwimbulilanga abandu obwatoto bwa Nyasaye, khandi arulanga khu Papa. Ndakhamurume okhwitsa khwinywe okhurula khu Papa, naye yakhakhole obuloli khwisie. 27Khandi mwesi muli abaloli khwisie, okhuba mwabelenje ninasi okhurula mukhuchaaka.”
Currently Selected:
YOHANA 15: OLUPR
Highlight
Share
Copy
Want to have your highlights saved across all your devices? Sign up or sign in
