OBUCHACHILO 28
28
1Kho Isaka nalanga Yakobo ne namulaamila tsikhabi, khandi namukaania obutinyu ari, “Shiolateeshiakhwo omukhasi Omukanani tawe. 2Otsie Mesopotamia, munzu ya Betsweli kuukayo, samwana mamawo, mana obukuleyo omukhaana okhurula munzu mwa khotsayo Labani. 3Esaaya mbu, Nyasaye Owobunyali Bwosi akhuhelesie tsikhabi khandi okhukhole wibule abaana abanji mana babe amahanga amanji. 4#Obucha. 17:4-8Esaaya khandi mbu, Nyasaye akhuhelesie iwe nende abolwibulolwo tsikhabi shinga etsia yahelesia Aburahamu mbu, mana onyale okhubukula eshialo shia wamenyamwo shinga omucheni, eshialo eshia Nyasaye yahelesia Aburahamu!”
5Isaka yaseebula ario Yakobo. Ne Yakobo natsia Mesopotamia, ewa Labani, omusaatsa Omuaramu, omusiani wa Betsweli, omusiani wabwe Rebeka, nyinamwana Yakobo nende Esau.
Esau ateeshia omukhasi undi
6Esau yamanya mbu, Isaka alaamiile Yakobo ikhabi khandi mbu, amurumile okhutsia Mesopotamia mbu, abukuleyo omukhasi. Khandi namanya mbu, yamulaamila ikhabi nende okhumukaania obutinyu mbu, shialateshiakhwo omukhasi Omukanani tawe. 7Khandi yamanya mbu, Yakobo yali nahuliile aka samwana nende nyina bali nibamubooleele ne natsiile Mesopotamia. 8Kho olwa Esau yamanya mbu, abakhaana Abakanani shibaachamisia Isaka samwana ta, 9yatsia wa Ishimaeli, omusiani wa Aburahamu, nabukulayo omukhasi, owalangwa mbu, Mahalatsi omukhaana wabwe Nebayotsi, okhumeeta khubakhasi bandi, aba yali ninabo.
Lilooro lia Yakobo nali Betseli
10 #
Obuch. 10:10
Kho Yakobo narula Beerisheba natsia Harani. 11Ne niyoola habundu undi aha yeyalisia eshilo shieinyanga eyo, okhuba bwali nibwilile. Yamala nabukula elala khumachina, akali habundu yaho, niyeyichikha nakona tsindoolo. 12#Yoh. 1:51Nali mundoolo, yaloora mbu, aluutsi ingaasi niyisinjisiibwe khushialo, nakwo omurwe kwayo kwali nikuulile mwikulu, abamalaika ba Nyasaye bali nibaniinanga khandi nibekhanga khungaasi eyo. 13#Obucha. 13:14,15Khandi OMWAMI Nyasaye yali nasinjiile hekulu weingaasi eyo, naboolanga ari, “Nisie Nyasaye wa Aburahamu khandi Nyasaye wa papawo Isaka. Ndalakhuhelesia iwe nende abolwibulolwo eshialo shia wiyalisiiyemwo shino. 14#Obucha. 12:3; 22:18Ne olwibulolwo lwakhabe olunji shinga olufu lwokhushialo, khandi wakhalaandaale nosalaana okhuula mutsimbeka tsieshialo tsiosi. Mana okhubirira mwiwe nende mulwibulolwo, tsinzibulo tsiokhushialo tsiosi tsiakhanyoole tsikhabi. 15Isie endi halala ninawe, ne ndalakhulindanga hosi hosi aha otsia, nende okhukhukalusia mushialo shino, okhuba shindilikhulekha ta, okhuula olwa ndiliba nikhukholeele koosi aka ndakhakhusuubisia.” 16Mana Yakobo nabuukha ne naboola ari, “Toto mwene OMWAMI Nyasaye ali habundu hano, nasi shiemanyilenjekhwo ta.” 17Yakobo natiilwa noburi ne nareeba ari, “Habundu hano nahokhuriisia muno! Toto mwene hano shihachweya okhuba inzu eya OMWAMI Nyasaye ta, nishio eshiliibwa shiokhutsia mwikulu.”
18Kho Yakobo nabuukha mumabwibwi, nabukula lichina lia yali niyeyichiishe nalirechekha okhuba eshiitsulilo ne nalitsushililakhwo amafura. 19Yakobo nakulikha habundu tsana mbu, “Betseli,” nebutswa eliira lielitookho elo olwambeli lialangungwa mbu, “Luzi.” 20Mana Yakobo niyetsuba naboolela OMWAMI Nyasaye ari, “Noba ninasi halala, niuniinda khuluchendo lwenziakhwo luno, niumbelesia ebiokhulia nende tsingubo tsiokhwifwala, 21khandi noba niunjelesia ingo wa papa wanje mumulembe, kho, olaba noli Nyasaye wanje. 22Ne lichina lieshiitsulilo lierecheeshe okhuba isiilo lino, lilaba Ihekalu yokhukhwinamilamwo iwe, nasi ndalakhuhelesia eshitonye shielikhumi okhurula khubindu biosi ebia olambelesinjia.”
Currently Selected:
OBUCHACHILO 28: OLUPR
Highlight
Share
Copy
Want to have your highlights saved across all your devices? Sign up or sign in
