Mk. LIMANYISIA
LIMANYISIA
Elomo Endayi nga yaandikwa ne Mariko erakikha ne kamakhuwa kaloma kali, “Elomo Endayi eya Yesu Kristo Omwana owa Wele.” Yesu ekesebwa khuba omundu we bikholwa ne bunyali. Bunyali bwewe bubonekhela mu liekisia liewe, mu maani kewe ke khuoona bisieeno, ne mu khubeela babaandu bubwoni bwabwe. Yesu omwene elaanga khuuba Omwana wo Mundu, owecha khuaana bulamu bwewe nio akhole babaandu babe balekhuule khukhwama mu bwoni.
Mariko aboola ke limenya lia Yesu nga ne aakholanga bibiindu khukhwama khu silala khucha khu siindi ne sinani. Aandalasia niko Yesu aakhola khukhila kamakhuwa kewe ne kamekisio kewe. Mariko arakikha ne khumanyisia Yoana Omubatiisi ne kimilimo kiewe. Achiililila khuandika khu libatiisia lia Yesu ne khukhakwa khwewe ne Sietani. Omuandiki arakikha khuandika khu milimo kia Yesu kie khuonia ne khukhwekisia. Nga biise ne bichiililila, babeeka ba Yesu barakikha khu mumanya bulayi, ne kakhali babaandu bakhafukiilila kakewe tawe batasa khuuba barafu. Kimiliango kimimaliilisi kiboola bikholwa bie lichuuma limaliilisi lie bulamu bwa Yesu khu sibala, lukali libaambwa ne lilamukha liewe.
Sitabu sino simaliilisibwa mu ngila chibili, chombi chibukulwa nga chikhaandikwa ne Mariko omwene tawe.
Kaalimo mu bwimbi
Lirakikha lie Lomo Endayi 1.1-13
Kimilimo kia Yesu mu baandu mu Kalilaya 1.14—9.50
Khukhwama Kalilaya khukhwola Yerusalemu 10.1-52
Lichuuma limaliilisi mu Yerusalemu ne mu birekere biili siimbi 11.1—15.47
Lilamukha lia Yesu 16.1-8
Khulamukha khwo Mwami, ne khucha khwewe mwikulu 16.9-20
Currently Selected:
Mk. LIMANYISIA: LUBUKUSU
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019