Mat. 28
28
Lilamukha lia Yesu
(Mk. 16.1-10; Lk. 24.1-12; Yn. 20.1-10)
1Oli endaalo eya Sabato yabira, busia bwe endaalo eye mwichuuma, Maria Makatalena ne Maria okundi oyo bacha khulola siliindwa. 2Nio literema likali lie sibala liabao, sikila malaika wo Mwami ekha khukhwama mwikulu apiringisia libaale enyosiayo, mala aalikhalakho. 3Aafwaana nga lueni, ne chingubo chewe chaba chiwaanga chwe nga enyaange. 4Baliindi be siliindwa baba ne buuri bukali baterema baba nga bafu.
5Ne kakhali Malaika aboolela bakhasi abo ali, “Mukharia tawe; sikila manyile ndi mulikho muenja Yesu owa baambwa. 6Se ali ano tawe; sikila alamukhe, nga aaloma yiicha mubone niio bamurere. 7Khe muche khangu muboolele babeeka bewe muli alamukhe khukhwama mu bafu, lundi arangiire ebweeni wenywe alikho acha Kalilaya; mulamubonela ebweeneyo! Khebulila niko ese mubooleele enywe.”
8Khwako barekukha khangu ne buuri ne liliekhoya likali, batimaka khuboolela babeeka bewe.
9Nio Yesu aabakaanana aababoolela ali, “Kumuleembe kube nanywe!” Becha bamukwa mu bikele bamusaaya. 10Yesu ababoolela ali, “Mukharia tawe; khemuche muboolele bawandaayase bache e Kalilaya, balambonela ebweeneyo.”
Niko baliindi baloma
11Nga bakhasi abo ne barekukha, balala khu baliindi ba baliinda siliindwa bacha mu lukoba luboofu mala baboolela basaayi bakhulu koosi kakakholeekhe. 12Nio basaayi bakhulu ne babemeelesi nga bamala etoloondo yabwe; baana sikelo siboofu sie chirupia khu baliindi abo. 13Baloma bali, “Boolela babaandu muli, ‘Babeeka bewe bechile siilo bamwiba efwe ne khukona.’ 14Ne aaba bali likhuwa lino liolela omuruki, efwe khulamwikusia ne enywe se mulaba mu butinyu tawe.”
15Khwako baliindi babukula chirupia echo mala bakhola nga baboolelwe. Likhuwa elio liamanyikhana mu Bayaudi khukhwola endaalo eya luno.
Yesu abonekhela babeeka bewe
(Mk. 16.14-18; Lk. 24.36-49; Yn. 20.19-23; Bikh. 1.6-8)
16 #
Mat. 26.32; Mk. 14.28 Babeeka ekhumi na mulala abo bacha Kalilaya, khu sikulu nisio Yesu abalaka bachekho. 17Nga bamubona bamusaaya, ne kakhaba kario balala baayaaya. 18Yesu echa siimbi ababoolela ali, “Bunyali bwe mwikulu ne bwe khu sibala bwoosi bwamalile khuebwa khwise. 19#Bikh. 1.8 Khwako enywe khemuche mukhole be chikholo choosi babe babeeka base, mubabatiisie mu Lisina lia Paapa nende lio Mwana nende lia Roho Omutakatifu, 20ne mubekisia khutiila bioosi nibio malile khumulaka enywe. Khebulila muli, ndi nanywe chindaalo choosi, khukhwola khu siakamo sie chiselukho.”
Currently Selected:
Mat. 28: LUBUKUSU
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
