Mat. 6

Kamekisio khu buyeeti

1 # Mat. 23.5 “Mulole bulayi mukhakhola murio mwakholela bikholwa bienywe bilayi ebweeni we babaandu bali nio bamubone enywe tawe. Ne mukhola murio Raraawenywe oli mwikulu se alamuelesia enywe kumuruuru tawe.

2“Nono ne oana siianwa, okheyokesiana tawe, nga babacha mu masinakooki ne khu ngila, nio babaandu ba baelesie efuma. Ng'ali muboolela enywe ndi bamalile khunyoola biianwa biabwe. 3Ne kakhali ne oana buyeeti okhalekha kumukhono kwowo kumukhasi kwamanya nisio kumuseecha kulikho kukhola tawe, 4nono buyeeti bwowo bukhoya bube mu bwikisi; ne Raraao obona mu bwikisi niko okhola alakhuelesia siianwa.

Kamekisio khuloondekhana ne lisaba

(Lk. 11.2-4)

5 # Lk. 18.10-14 “Lundi ne osaba, okhaba nga ba bacha tawe! Sikila basiima khukhwima ne khusabila mu masinakooki, nende niio chingila chakaananila nio babaandu ba babone. Ng'ali ese muboolela enywe ndi, bamalile khunyoola siianwa siabwe. 6Ne kakhali ne osaba, cha mu lusiro lwowo, wikaleyo lulwiiki mala osabe Raraao oli mu bwikisi ne Raraao chana oyo obonela mu bwikisi alakhuelesia siianwa.

7“Ne muli mwisaba mukhechusia kamakhuwa ka busa nga babaandu bakhamanyile Wele tawe, sikila nibo bebaasia bali baulilwa sikila kamakhuwa kabwe kamakali. 8Mukhaba nga nibo tawe. Sikila Raraawenywe amanyile nibio mwenya ne musiili khumureeba tawe. Nono mukhoyela khusaba muli:

9‘Paapa wefwe oli mwikulu,

lisina liowo lifumisibwe.

10Bubwami bwowo bwiche,

lilienya liowo likholwe mu sibala nga mwikulu.

11Khuelesie luno siakhulia siefwe sia buli ndaalo.

12Khubeele kamabi kefwe nga fwesi

khubeelanga bakhukholela efwe kamabi.

13Okhakhura mu makhako tawe,

ne kakhali khureesie khukhwama khu Mumayaanu.’ #6.13 Chibibilia chindala chitasakho chili, sikila bubwami ne bunyali ne luyali bili bibiowo buli lwoosi.

14 # Mk. 11.25-26 “Sikila enywe ne mubeela babaandu kamabi kabwe, akhaba Raraawenywe owe Mwikulu yesi alamubeela enywe. 15Ne kakhali ne mukhabeela babaandu kamabi kabwe tawe, akhaba Raraawenywe yesi se amubeela enywe kamabi kenywe tawe.

Kamekisio khuloondekhana ne khusila khulia

16“Lundi nga ne musila khulia, mukhanyiisia mumoni nga ba bacha tawe, sikila nibo bakaluukhasianga mumoni mwabwe nio babaandu bamanye bali basilile khulia. Ng'ali ese muboolela enywe ndi, banyoolile siianwa siabwe mu bwichufu. 17Ne kakhali enywe ne musila khulia, kwalaasia kimirwe kienywe ne kamafura, lundi mwesaabe mumoni mwenywe, 18nio babaandi bakhamanya bali mwasilile khulia tawe, ne kakhali Raraawenywe chana oyo obonanga nibio mukholelanga mu bwikisi, alamuelesia biianwa.

Buyiinda bwe mwikulu

(Lk. 12.33-34)

19 # Yak. 5.2-3 “Mukhebikhila mwabene kamabiikhilo khu sibala tawe, nikhwo chiseseu ne ngekheni bilionakaka, lundi nikhwo babefwi banyala baatula beeba tawe. 20Ne kakhali yibiikhila mwibiikhilo lie mwikulu, nimwo eseseu namwe engekheni bikhanyala bionakaka tawe, namwe nimwo babefwi bakhanyala baatula mala beeba tawe. 21Sikila niio libiikhilo liowo lili abwenao niio kumwoyo kwowo kulaba.

Buwaanga bwe kumubili

(Lk. 11.34-36)

22“Emoni eli etaa eye kumubili. Nono, emoni yowo yaaba neli enamu, kumubili kwowo kwoosi kulechula buwaanga; 23ne emoni yowo yafwa, aba, kumubili kwowo kwoosi kulechula sisiilima. Kaaba bali buwaanga buuli mwiwe buli sisiilima, aba sisiilima sieneesio sili sikali lukali!

Wele ne kimiaandu

(Lk. 16.13; 12.22-31)

24“Se aliio onyala khukholela babaami babili tawe, ne sifuno mbo, ne akhola ario abiila mulala ne khusiima okundi, namwe aleboombia khu mulala ne aleke okundi. Se onyala khukholela Wele ne kimiaandu tawe.

25“Khwako ese muboolela enywe, mukheembeelela khulwe bulamu bwenywe tawe, nisio mukhalie namwe nisio mukhanywe, namwe kimibili kienywe, nisio mukhefware tawe. Bulamu se bukhila siakhulia, ne kumubili kukhila chingubo? 26Lola chinyuni che mu ngaaki, se chimiicha namwe ne khukesa, namwe se chibuunga mu siaki tawe, ne kakhaba kario Raraawenywe we mwikulu achilisia. Enywe se muli be bukhala bukali khuchikhila nicho? 27Naanu khwinywe onyala aatasa buleeyi bwe bulamu bwewe, khulwe khuuba ne lilieendekhelela?

28“Nono siina sikila ne mwiendekhelela sikila chingubo? Se mumanyila khu bimuli bie mundaa nga bichoanga; se bisiobelanga namwe se binabilanga chingubo tawe. 29#1 Bab. 10.4-7; 2 Ke Ch. 9.3-6 Ne kakhali ese muboolela enywe, akhaba omwami Solomoni mu luyali lwewe lwoosi, se efwara nga khamuli khalala khu bino tawe. 30Ne kaba bali Wele afwara ario bunyaasi bwe mu lusaambu, bunyaasi buliio luno, ne busia bumwaatwa mu mulilo, se alamufwara enywe lukali khukhila ta ku? Enywe babaandu be lisuubila likeekhe!

31“Khwako mukheendekhelela ne muloma muli, ‘Khulalia siina? Namwe, Khulanywa siina? Namwe, Khulefwara siina tawe?’ ” 32Sikila bibienebio bioosi nibio Be Chikholo bayimanga; ne Raraawenywe owe mwikulu amanyile ali mwenyekha mube nende ebio bioosi. 33Ne kakhali nyoa muyiime bubwami bwewe ne buluungi bwewe, ne mala bibiindu bino bioosi bilaba bibienywe. 34Khwako mukheendekhelela sikila ke busia tawe, sikila busia, busia nende ke ndaalo ng'ene eyo. Lekha siibi sie ndaalo siolaane ne ndaalo eng'ene.

Currently Selected:

Mat. 6: LUBUKUSU

Highlight

Copy