Mat. 23

Yesu akaambila babaandu khuloondekhana ne baandiki be Lilaka ne Bafarisayo

(Mk. 12.38-39; Lk. 11.43,46; 20.45-46)

1Mala Yesu aboolela babaandu ne babeeka bewe ali, 2“Baandiki ne Bafarisayo nibo babaebwa bunyali bwe khukhwinoosia Lilaka lia Musa. 3Khwako khukhwola murie ne khuloonda kosi kosi niko bamuboolela; ne kakhaba kario, mukhakhola nga nibo ne bakholanga tawe, sikila se bakholanga niko belwacha tawe. 4Bara bisiro lukali khu mikoongo kie babaandu ne nibo babene se benya khutiilakho akhaba ne lulwala lwong'ene tawe. 5#Mat. 6.1; Khub. 15.38; Likh. 6.8 Bakhola bikholwa biabwe bioosi bali nio babaandu bababone. Lola nga baandika chinyilili che liiandiko khu misiipi nikio beboa khu bweni ne khu makhono, lundi lola nga buyenje#23.5 buyenje: buyenje khu chikaanjo chabwe bwekesia khukhwerusia khwabwe khukholela Wele kimilimo. bwe chikaanjo chabwe ne bwalea! 6Lundi basiima khukhwikhala ebweeni mu naikara ne khu ndebe che ebweeni mu chisinakooki; 7lundi basiima khukhesebwa ne liria khu soko, ne khulaangwa ne babaandu bali ‘Rabii,’ 8Ne enywe mukhalaangwa muli, ‘Rabii’ tawe, sikila muli bo mwekisia mulala, ne enywe mweesi muli be nju ndala. 9Lundi mukhalangakho omundu yesi yesi khwiloba khuno muli, ‘Paapa’ tawe, sikila muli ne Paapa mulala yeng'ene oli mwikulu. 10Namwe enywe mukhalaangwakho bali, ‘Omwami’ tawe, sikila muli ne omwami mulala yeng'ene niye Kristo. 11#Mat. 20.26-27; Mk. 9.35; 10.43-44; Lk. 22.26 Oyo oli omukali khukhila boosi mwinywe alaba omukholi wenywe. 12#Lk. 14.11; 18.14 Yesi yesi oweniinia omwene kane ekhisibwe, ne oweboombia alaniinisibwa.

Yesu abiiyia bubacha bwabwe

(Mk. 12.40; Lk. 11.39-42,44,52; 20.47)

13“Ne kakhali enywe muli ne silaamo baandiki ne Bafarisayo, enywe babacha! Sikila mwikala kumuliango kwe bubwami bwe mwikulu khu baandu; ne enywe mwabene semwingilamo tawe, mala mukhiingilila abo bakhaka khu khwingilamo! [ 14Muli ne silaamo baandiki ne Bafarisayo, enywe babacha! Mwingila mu chinju che banamulekhwa ne mubanuula bibiindu biabwe mala mubafufwasia ne khusaba kamasaba kamaleeyi; khwako mulinyoola sinyaasio sikhilakho sie babaandi.]#23.14 Chibibilia chindala se chili ne lunyilili luno tawe.

15“Muli ne silaamo baandiki ne Bafarisayo, enywe babacha! Mwambukha enyanja ne bibala bioosi khukaluukhasia omundu mulala aambaane nanywe, ne mu munyoolile, mumukhola olaana khukhwola khabili khucha mu mulilo nga enywe mwabeene.

16“Muli ne silaamo muuli bakeleki babofu! Mwikisia muli, ‘Kaaba bali yesi yesi echubila khu Lukaangu, sesili siindu tawe; ne kaba bali yesi yesi echubila khu sahabu eye mu Lukaangu, aba omwene eboyile.’ 17Enywe babofu muli basilu! Siina sikhila sisiindi, esahabu namwe Lukaangu lukhola esahabu eyo yaba endakatifu? 18Lundi mwikisia muli, ‘Waaba bali yesi yesi aaba ne echubila khu alutare, se sili siindu tawe; ne aaba ne echubila khu siianwa sie khu alutare aba omwene eboyile.’ 19Enywe babofu muli basilu? Siina sikhila sisiindi, siianwa namwe alutare ekhola siianwa siaba sitakatifu? 20Khwako oyo owichubila khu alutare, echubila khu nisio biianwa bioosi bilikho; 21ne oyo owichuba khulwe Lukaangu echubila khu nilwo Wele amenyilemo, 22#Isa. 66.1; Mat. 5.34 ne oyo owichuba khulwe likulu, echubila khu ndebe eya Wele eye bubwami ne khuyo okikhalakho.

23 # Bal. 27.30 “Muli ne silaamo baandiki ne Bafarisayo, enywe babacha! Sikila muaana khu Wele sikelo silala khwi khumi sie bibiindu nga chinyenyi ne biiunya bulayi, ne binjari ne tania ne kakhali mulekelesia kamakhuwa ke lilaka kamasiro khukhilakho nga bung'ali ne siisa ne busuubilwa; mukhoya mukhole bino, ne mukhalekelesia kakaandi tawe. 24Bakeleki babofu enywe! Muli nga babaandu batiing'a eesi ne mala bamila engamia!

25“Muli ne silaamo enywe baandiki ne Bafarisayo, enywe babacha! Sikila musiinga sikoombe ne sahani enje, ne mukari biechulemo bunuuli ne bukhalukha. 26Enywe bafarisayo babofu! Nyoa musiinge sikoombe ne sahani bimiliie mukari, nio enje yosi ebe emiliiu.

27 # Bikh. 23.3 “Muli ne silaamo baandiki ne Bafarisayo, enywe babacha! Sikila muli nga biliindwa nibio baakha luloongo, bibonekha bulayi enje, ne mukari biechulamo bikuumba bie bafu ne bunyaalu bwosi. 28Akhaba enywe mwesi mulolekha khuba baluungi khu baandu enje, ne kakhali mukari mwenywe mwechulamo bubacha ne bubwoni.

Yesu ang'oola sinyaasio siabwe

(Lk. 11.47-51)

29“Muli ne silaamo enywe baandiki ne Bafarisayo, enywe babacha! Sikila mwombakha biliindwa bie bang'oosi ne khusaa biliindwa bie ba baaba baluungi; 30ne muloma muli, ‘Khubanga khukhwamenya mu ndaalo che bakuuka befwe, andi se khwaambaana nabo khuchukha sifuki sie bang'oosi tawe. 31Khwako muaana buloli bumuboa enywe mwabene, sikila enywe muli babaana be babaandu babeera bang'oosi.’ 32Nono, chiililila mutabusie niko bakuuka benywe barakikha. 33#Mat. 3.7; 12.34; Lk. 3.7 Enywe chindemu, baana ba nafwo mulaona murie khukhalakilwa khucha e makoombe? 34Khwako namurumira bang'oosi ne bakesi ne baandiki. Balala khu nibo mulibeera ne babaandi muli beerera khu misalaba, ne babaandi muli bapila mu chisinakooki chenywe, lundi mubatimanie khukhwama mu lukoba khucha mu lundi. 35#Lir. 4.8; 2 Ke Ch. 24.20-21 Nio kamafuki ke baluungi boosi kakachukhwa khu sibala keche khwinywe, khukhwama khu mafuki kakhaaba ne bubi ka Abili khukhwola khu ka Sakaria okhwa Barakia, niye mwereera akari we atakatifu ne alutare. 36Ng'ali muboolela enywe ndi, kano koosi kaliekholekha khu selukho yino.

Busiime bwa Yesu khu Yerusalemu

(Lk. 13.34-35)

37“Ee! Yerusalemu Yerusalemu! Enywe mumwiira bang'oosi ne khu khupa kamabaale nibo Wele aruma khwinywe. Khukhwola khenga ne nenya khubuusia alala babaana benywe nga engokho ne buusia binywinywi biayo mundaa chayo, ne kakhali se mwakana tawe! 38#Yer. 22.5 Khwako Lukaangu lwenywe lulanjuukhwa mala lube busa. 39#Chiny. 118.26 Sikila muboolela enywe ndi, khukhwama luno, se mulimbonakho ese lundi tawe, nabwila muliloma muli, ‘Ali ne khabi oyo owicha mu lisina lio Mwami.’ ”

Currently Selected:

Mat. 23: LUBUKUSU

Highlight

Copy