Psalms 26
26
Ima nalitapash na rurashcatami villashca
David rurashca Salmomi.
1Mandaj Dioslla, ricuhuayari.
Ñucaca, ima nalitapash na rurashpami purijushcani.
Shinallata na pandashpallami,
Mandaj Diostalla yariashpa shuyajushcani.
2Mandaj Dioslla, ñuca imashna cajtaca
aligutapacha ricuhuayari.
Ali cajta, nali cajtapash ricuhuayari.
Ñuca tucui yuyaicunapash,
ñuca shungupash imashna cajta ricuhuayari.
3Can llaquinaca, ñuca ñaupajpi cajpimi,
cambaj na llullaj shimita catishpa purini.
4Mishqui shimi jayaj shungu
runacunahuanga, na tiarircanichu.
Ñavi ricuipilla ali tucushcacunahuambash,
na tandanajurcanichu.
5Nali runacunapaj tandanajuitaca millanayachircanimi.
Canda na manllajcunahuambash,
ima horallapash na tiarircanichu.
6Mandaj Dioslla, ñucaca ima nalitapash
na rurashca ricurishpami, ñuca maquita
maillashpa, cambaj altar muyundipi purijusha.
7Canda pashi nishpa candangapaj,
tucui ima juyaillacunata can rurashcata
villangapajmi, chashna causajusha.
8Mandaj Dioslla, can causajuj
huasigutaca juyapanimi.
Can punchapamba tiajuj pushtugutapash juyapanimi.
9Ñuca almataca, juchata rurajcunahuanga, ama apahuaichu.
Ñuca causaitapash, huañuchij
runacunahuanga ama apahuaichu.
10Paicunapaj maquipica, nalita ruranallami tian.
Paicunapaj ali lado maquipash,
pacalla cushca culquihuan jundami.
11Ashtahuangarin ñucaca, ima nalitapash
na rurashpami purisha.
Quishpichihuayari, ñucataca llaquihuayari.
12Ñuca chaquihuanga, ali ñambimi purishcani.
Jatun tandanajuicunapimi, Mandaj
Diostaca aligumari cangui nijusha.
Currently Selected:
Psalms 26: QUII
Highlight
Share
Copy
Want to have your highlights saved across all your devices? Sign up or sign in
Quichua Imbabura Bible © United Bible Societies, 1994.
