Gha ta Wəshi 10

Mbeli nyi te hɛɗi

(1 WMKM 1.5-23)

1Kwetere wəmbəa yɛmə nya wəba ne, pa ŋwalea Nowɛ, Sɛm, Sham ba'a Zhafɛt yake ŋwale tezhili. Wa nyi sləa hwelefefi nyi kesawa mbe hɛ nyi: 2Ŋwalea Zhafɛt: Gomɛr, Magog, Maday, Yavan, Təwbal, Mɛshɛk ba'a Tiras. 3Ŋwalea Gomɛr: Ashekɛnaz, Rifat ba'a Togarma. 4Ŋwalea Yavan: Ɛlisha, Tarsis, Kitim ba'a Rodanim. 5Shave mbe hɛ shavenji mbeli nyi dzeyi mɛa hələ, kehɛɗi kehɛɗi nehemte geva hɛ kala ghena ta nci ba'a yita ta nci kehwelefe kehwelefe.

6Ŋwalea Sham: Kəwsh, Misrayim, Pəwt ba'a Kanan. 7Ŋwalea Kəwsh: Sɛba, Havila, Sabta, Ragma ba'a Sabtɛka. Ŋwalea Ragma: yɛ Saba le Dɛdan. 8Kəwsh ya kayiteyɛa Nɛmrod nya keghate kase kakatsala te hɛɗi. 9Kande zlɛaŋezlɛa nya kwele se Nɛmrod kwa kema ta Mahwətə. Vatse gɛ, ma ke mbeli gezete: «Nde zlɛaŋezlɛa nya kwele kwa kema ta Mahwətə kala Nɛmrod.» 10Ma meleme nyi jama jama te hɛɗia ŋkɛ ne, Babɛl, Ɛrɛk, Akad ba'a Kalnɛ nyi te hɛɗia Shinɛyar. 11Pa Nɛmrod slənyɛ te hɛɗia shɛ kadzembe Asiri, pa ŋkɛ ŋate meleme ta yɛ Ninive, Rehobot-Ir, Kɛla 12ba'a Rɛsɛn kwelɛ yɛ Ninive le Kɛla nya kameleme nya wəba.

13Misrayim ya kashia ka Ləwd, ka Anɛm, ka Lehab, ka Naftəw, 14ka Patros, ka Kasləw nyi kaka shihɛnyɛa ka Filisti ba'a ka Kaftor.

15Kanan ya kayitenyɛa Sidon nya katezhɛa wəzege ta ŋkɛ ba'a Hɛt 16nya kashia ka Zhɛbəs, ka Amor, ka Girgash, 17ka Hava, ka Ark, ka Sin, 18ka Arvad, ka Semar ba'a ka Hamat. Kwetere wəmbəa ŋkɛ ne, kwetɛ kwetɛŋe ka yitehɛ ta ka Kanan peslenji, 19ma hɛɗia nci ne, se mbe Sidon kadzawa laka Gɛrar hwa'a mbe Gaza, laka yɛ Sodome, Gomore, Adma le Seboyim hwa'a mbe Lɛsha. 20Tsetse se ŋwalea Sham nyi kenehemte geva mbe kwambelə kala ghena ta nci te hɛɗia nci kehwelefe kehwelefe.

21Nahe Sɛm, wəza meghekɛa Zhafɛt nya kwele keyake ŋwale tezhili perə. Gheŋkɛ ya kashia yɛ Ɛbɛr le ŋwale nyi yake ŋkɛ. 22Ŋwalea Sɛm: Ɛlam, Asəwr, Arpaksad, Ləwd ba'a Aram. 23Ŋwalea Aram: Əws, Həwl, Gɛtɛr ba'a Mash. 24Arpaksad ya kayiteyɛa Shɛla, Shɛla ya kayiteyɛa Ɛbɛr. 25Ŋwale tezhili bake yake Ɛbɛr: Pɛlɛg sləa nde ghate, gezete ta ŋkɛ “Nehe geva mbe” kwa nza ŋkɛ ma mbe vəa ŋkɛ ne, nahe mbeli nyi te hɛɗi kenehemte geva mbe. Nahe slə wəza meghekɛ kenza kaYoktan. 26Yoktan ya kayiteyɛa Almodad, Shɛlɛf, Hasarmavɛt, Yɛra, 27Hadoram, Əwzal, Dikla, 28Obal, Abimayɛl, Saba, 29Ofir, Havila ba'a Yobab. Nahe hɛ kenza pɛtɛa nci kaŋwalea Yoktan. 30Pa hɛ nzanji kwelɛ yɛ Mɛsha le ŋkwa nya hwa ghweme ta Sefar, laka ŋkwa kesame ta veci. 31Tsetse se ŋwalea Sɛm nyi kenehemte geva mbe keyita keyita ba'a kala ghena ta nci te hɛɗia nci, kehwelefe kehwelefe.

32Tsetse se ka yitehɛ nyi yake ŋwalea Nowɛ kala sləa sebe ta nci kehwelefe kehwelefe. Shave mbe hɛ shave mbeli nyi kepesleyi geva kwetɛ kwetɛŋe te hɛɗi kwa sebe ta yɛmə nya wəba.

Currently Selected:

Gha ta Wəshi 10: BEKDC12

Highlight

Copy