Mak Avoan Vevsera
Avoan Vevsera
Roroi Tavuha gabe Mak nu ravae nu tau bwatuna nin vevuri mwa beveana be “Roroi Tavuha huri Jisas Kraes Nitun God.” Nu gitana na Jisas kun be kea atatun lalaḡova mai roron̄o. Mwa gitana na non roron̄o lol non silo vagahi mai non muramura ḡoro ira vui hantai, i gin binihi kaburai vuron sinombu. Jisas mwa bevea sibona be kea Nitun Atatu, nu mai be vi lin̄ rahuna be men ribwes sinombu nin vurora.
Mak mwa lol bisirai vevuri huri Jisas la hal vavtutu i hal wasi liuhage huri ginau gabe Jisas nu lolia dagai nin non avoana mai silo vagahi duluai. Atagun vevuri vwelvwele huri Jon Garuhisabuga mai kalkaliana i garuhisabuga non Jisas, wani gabe nu ravae mwa rav darihou vevuri huri lol barahu ira harova mai silo vagahi non Jisas. Lol mahavana mwa du mwa mai, ira roron̄tai non Jisas ram bavora ram ilo didininia take non ivwalu ram lol horoi maragainia. La tavaluna be nogonana, mwa bev lua ginau duluai be Jisas nu lolira la nogonan wik lol rahuna liuhage huri mateanana alun volovolo i non tomarean mulei.
Nogonana gairua huri Leo Tavuha, gabe ram dogo lol braket mwa gitana be atatu dolua nu ravae mwa hav vora te wani gabe nu rav Mak.
Ududun buka geki
Bwativun Leo Tavuha (1.1-13)
Lalagova non Jisas Kalili (1.14–9.50)
Nin Kalili vai Jerusalem (10.1-52)
Nogonan wik lol non lalaḡova lol vanua Jerusalem i dalisia (11.1–15.47)
Tomarean mulei non Jisas (16.1-8)
Visiraiana mai haean mulei non Ratahigi (16.9-20)
Currently Selected:
Mak Avoan Vevsera: HNB
Highlight
Share
Copy
Want to have your highlights saved across all your devices? Sign up or sign in
Bible Society of the South Pacific