Matiu 28
28
Jisas mwa Domare Mulei nin Mateana
(Mak 16.1-10; Luk 24.1-12; Jon 20.1-10)
1Haḡe atagun gubwen̄ mambuharai, mabon̄ gaituvwa la Sande, muan gubwen̄ ata lol wik, Mere ata Makdala mai Mere vwate mulei ramuru bano be raru men gita bwaru. 2Haḡe gita, mwa sogai gaivua maragai, bwatuna be enjel non God Ratahigi mwa himai nin ute atamare, mwa datui dagai vatu nin bwan̄on malan̄a i mwa do mahuri aluna. 3Gitanana nu ḡun vilehi i gaisagana nu abwaga kun tenlan̄ maita. 4Ira matmatai ḡoro ram mataguinia i ram birururu maragai, ram du kun atatmate.
5Haḡe enjel mwa avo maira vavine, mwa bevea be, “Giru si hav matagu tehe. Nam iloe be gumuru hiḡe Jisas gabe ran vohae alun volovolo. 6Kea sigai teti. Take nu tomare mulei, kun nu vevea huba. Giru mai teti ba ḡita tanona gabe nu en aia. 7Giru van vilvilehi ba seserainia lalai non roron̄tai be, ‘Kea nu tomare mulei nin mateana, i kadogaha mwa bano dotomua vai Kalili, i giv gitae aia.’ Kea haḡea noḡu avoana.”
8Haḡe ramuru romaragai vilehi nin malan̄a, ramuru matagu, take lolora mwa masiri gin samsamwara, i ramuru rovo be raru vi vev serae lalai non roron̄tai.
9Haḡe gita, Jisas mwa bisogari maira, mwa bevea be, “Tamwata abemiu.” Haḡe ramuru la sosoria, ramuru sisiabwau ḡoroe, ramuru haḡo bwalagena. 10Jisas mwa bevea lalainira be, “Giru si hav matagu tehe. Take giru van ba bevea lalai ira tuaku be rai van vai Kalili, i rav gitau aia.”
Avoana non Ira Mataiḡoro
11Lol mahavana be vavine gairua ramuru ban la hala, atatu rituai nin vatugi mataiḡoro ram ban lol bwatutun vanua, ram seserai lalai ira muai tataroi ginau duluai be ran loli. 12Ira muai tataroi mai ira bwatmetua ram ḡoḡo utegaituvwa, ram daritari huria, i ram hara homu ivusi lalai ira matmatai ḡoro, 13ram bevea be, “Giv vevea be, non roron̄tai ran mai bon̄i, ram lai surai rebehina mahavana be gim maturu. 14Take be Tomuai Vevev si ron̄oe, kamai gav lol bavtutui ginau gea maia, huri be kimiu gisav lai te silo vevegi huria.”
15Haḡe ira matmatai ḡoro ram lai homu gea i ram lol hano kun gabe ran vevea lalainira. I avoana gea mwa bavatuiana abera Jius vai votu garigi.
Jisas mwa Bisirai Abera Non Roron̄tai
(Mak 16.14-18; Luk 24.36-49; Jon 20.19-23; Lala 1.6-8)
16Ira roron̄tai non Jisas han̄vul domwan gaituvwa ram bano vai Kalili, la vusi be Jisas nu horara huria. 17Batena ram ḡita Jisas, ram sisiabwau ḡoroe, take rituai ram binihi lalan̄aga. 18Jisas mwa mai sosorira, mwa bevea be, “God mwa lai roron̄o lalaiau ḡoro ute atamare i ataa lol ureure. 19Bwatuna gea, giv van vai lol sinombu duluai vataha ute, i giv lolira gi noḡu roron̄tai. Giv garuhisabugainira vai lol ihan Tata i Nitui i Vui Sabuga. 20I giv vagahira be rav ḡoḡoi ḡoro ginau duluai gabe nan vevea lalai kimiu. Haḡe gita, inau mai kimiu vataha gubwen̄, vai votu nogonan ureure.”
Currently Selected:
Matiu 28: HNB
Highlight
Share
Copy
Want to have your highlights saved across all your devices? Sign up or sign in
Bible Society of the South Pacific
