Lalaḡova Avoan Vevsera
Avoan Vevsera
Buka geki, gabe Lalaḡova, Luk nu ravae mwa bano lalai atatu vwate, ihana Tiovilas. Geki gairuan buka be Luk nu ravae, i mwa mai atagun muan non buka be ihana be, Roroi Tavuha non Jisas Kraes be Luk nu ravae. Buk geki be Rovoga non ira hala be mwa ihana vwelvwele be Lalaḡova, mwa avo huri ira muan rovoga non ira hala non Jisas, be Vui Sabuga nu tomuainira be rav vavatui non Roroi Tavuha Jerusalem, i lol ute duluai Judia i Samaria i mwa nogoi ute duluai lol ureure (Lalaḡova 1.8). Buka geki kea vevuri huri ira muan binihimwasigi be mwa dau bwatuna la tatan̄ana vwate la vara ata Israel, be ram binihimwasigi garagusi, i mwa mauri mwa mai gaivua, i mwa lon̄ahi ute duluai lol ureure.
Lol buka geki, Luk mwa doron be men seseraiana be kera be ram binihimwasigi garagusi, rasav hae tehe la silon ute Rom, be nu gitaḡoro lol taro gea, i mwa seserainia be ginau be ata Israel ram binihimwasigi aluna, rav mai sivi Roroi Tavuha gea be ira atat binihimwasigi ram binihimwasigi aluna.
Buka geki tatan̄an gaitolu, mwa seserainia be Roroi Tavuha mwa mauri vataha mahavana. Muana, mwa avo huri imwa tataro be mwa dau bwatuna Jerusalem, atagun taro gabe God mwa lai Jisas mwa hae vai amare. I gairuana mwa avo huria be rovoga mwa mauri mwa ḡaivuaga, mwa lon̄ahi ute duluai lol Vanua judia i Samaria. I nogonana mwa avo huri be rovoga mwa lon̄ahi ute duluai Mediterenian, mwa botui Rom.
Ginau gaivua vwate be buka mwa avo huria, kea rovoga non Vui Sabuga. Lol taro be ira hala ram dogo radu Jerusalem la gubwen̄ Pentikos, Vui mwa hivo alura, i mwa lai muramura lalainira. Ataguna gea, Vui Sabuga mwa lai muramura lalai rovoga non uloilua, i mwa bului ira tomuai gea lol nora rovoga.
Lol buka geki ira avoana be ira hala ran vevea, mwa seserainia be nora avoana nu muramuraga, mwa leahi rahura be ram binihimwasigi, i mwa lol ira binihimwasigi be rav bulu ute gaituvwa.
Ududun buka geki
Loldau huri veveanan mwasigi (1.1-26)
a. Jisas mwa lai doren avoana (1.1-14)
b. Ram ḡita lua hehein Judas (1.15-26)
Veveanan mwasigi Jerusalem (2.1–8.3)
Veveanan mwasigi Judia i Samaria (8.4–12.25)
Rovoga non Pol (13.1–28.31)
a. Muan rovoga non Pol (13.1–14.28)
b. Ram haḡo ḡoḡoana Jerusalem (15.1-35)
c. Gairuan lagoana non Pol (15.36–18.22)
d. Gaitolun lagoana non Pol (18.23–21.16)
e. Pol mwa do lol vauvauhi Jerusalem i sarisari, i Rom (21.17–28.31)
Currently Selected:
Lalaḡova Avoan Vevsera: HNB
Highlight
Share
Copy
Want to have your highlights saved across all your devices? Sign up or sign in
Bible Society of the South Pacific