Ạsuor 58
58
Ịiḅereghi dị Ẹnaan kẹliom buḍighinom ịkaraph
1Nyina phọ ẹdaaghi bọ resoph ghan ni ogey ọoruen ḍụghum?
Nyina repoghom ghan ni oomo awe ḍiniin aḍien ḍụghum?
2Eeye. Nyina rẹetughian ghan ịkaraph dị nyina keḍighi bịn
kụ esereghi sighiton sịen ade phọ.
3Ịkaraph awe roḍighi ghan ịdi eeph oomo aghuḍum mọ ạbidi;
bịdi rọgba ghan ọkpe kꞌaḍio phọ ọmar bọ bịdi.
4Bịdi ọkigh ịkaraph ạraraar dị rụnhu ạbidi ịkaraph ịghor kụ imuza;
bịdi oḅulughian reḅeri ạbidi kụ ọḅaaghaph ịdipho ophugh,
5dị rạ́naghan ghan ẹḍogh opiliom ẹkaraph-ịyaar
rꞌạḍimagh oye ịiḍaany.
6Ḅonyon rạlhaal ilhom ạnam-dịka phọ ịphen, Ẹnaan.
7Ḍighi ịdi bịdi kọḍuaghu ịdipho ạmuum dị ramoopha kạḍuaghu.
Ḍighi ịdi kọogbighi mụdi ạroogho lọ odi eten lọ rotelhe ghan.
8Ḍighi ịdi bịdi kọkigh ịghoony dị ẹgbo eten mugidagida ạmuum.
Ḍighi ịdi bịdi kọtol mụdi ọony aḍipugh dị amugh kụ ụ́miin ḍịḅaal.
9Tụtu bịdi rolegheri, mọsam bịdi ịdipho ạtugbiir ạroogho;
esi ọokpara ophin-ologhi ọdi, Ẹnaan kepula bịdi ẹsighiogh
mem dị bịdi odi ni ropooghu.
10Awe aruukuan phọ kọmoogh ọḅaal ologhi mem dị bịdi ọmiin dị ọliom buḍighinom ịkaraph;
bịdi kootola ruwol ạbidi ịḅaal ạbuo ạsipioghom mọ.
11Awe kọḅem mọ, “Ọkar agey, roonmo ghan ni ruunmo weye aruukuan.
Ọkar agey, Ẹnaan edi ni dị resoph ghan ọoruen aḅirini phọ.”
Currently Selected:
Ạsuor 58: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
