Ạsuor 5
5
Ịiḅereghi ịlo ookpereghian
1Ọmoogh-we, ler rụru ạnaghan ikpo ọnhu phọ ạmi
kụ ạatughian ịḅiphighu phọ ạmi.
2Zuumaam ạnaghan emoghi phọ ạmi.
Nạ kụ Ẹnaan ạmi, Ọdaam ạmi!
Nạ kụ ọdi mị rạaḅereghian, Ọmoogh-we;
3ḍịroor nạ ạnaghanan ghan ni ẹḍogh ạmi;
omite erumuḍio mị asomoriom nyịna ịiḅereghi phọ ạmi
kụ akoriom ọphagharanaan phọ ạna.
4Nạ kụ Ẹnaan dị ạsipioghom ị́ḅeeraan;
nạ rꞌịkaraph rétughan ghan.
5Ạbuo iituma phọ rọ́meera ghan egbodo ạna;
oomo abuḍighinom ịkaraph okia yogh ni nyịna.
6Nạ kapiemi ni oomo ạbugbaam ọkpe phọ.
Ọmoogh-we phọ kamutonaan ni we lọ rozu ghan ịḅaal rꞌạbuo iigbegheḍiom.
7Loor eboom ẹphomoghian phọ ạna rébi ghan bọ,
mị kaḍigh ni sịphe otu phọ ạna rꞌeepuph
kụ ạaḅereghi pạ Otu Iigbia phọ ạna
kụ azumeri ghisigh ạngo nyịna esi arughuenian.
8Ọmoogh-we, mị ạmoogh ni ịbadibadi ạbumulogh-ḍien.
Uromoghiom ịmi oḍighi ghan ịlo kẹnighenaan nyịna.
Gananami eten phọ ạna uḍeenaan ịmi.
9 #
Rom 3.13
Ịpe ạbumulogh-ḍien phọ ạmi ọḅem bọ kótue oḍuom ologhi;
ịitughian phọ ạbidi amuphe amuphe bịn.
Arokpooko phọ ạbidi ephoghogho yogh,
ịdipho iiḍi lọ ịyaar ologhi ílho kụ rọgba ghan
ịyaar lọ keḍigh ọnhu bịn.
10Ẹnaan, pume bịdi erugh
bịdi omeel oḍighanaan ịkaraph aruuzue phọ ạbidi.
Porogh bịdi amitiom loor ạsipioghom mọ ạbidi,
ịdi eḍighi bọ oḅom ẹmhu phọ ạbidi ạpughan.
11Oomo ạbuphe omeeraam bọ nyịna ọmoogh iboh,
ọmoor ghan sụor rꞌọḅaal ologhi.
Kpeekpereghi bịdi
pịdi oomo ạbuphe ọphomoghian bọ ḍien phọ ạna ọmoogh iboh.
12Nạ Ọmoogh-we kụ kạngo ḍịseph ạna bụo aruukuan,
ịdipho ẹphomoghian phọ ạna eghoonyom bọ bịdi ịdipho ọsuaram.
Currently Selected:
Ạsuor 5: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
