Ạsuor 4
4
Ịiḅereghi adulhe ịlo ọloghonaan ạḍighaagh
1Ụphagharanaan ịmi mem lọ mị ạmagh nyịna.
Nạ Ẹnaan, ọsuaram ạmi.
Mem dị mị ạrol esi ịiḅaghami nạ ụlhoghonaan ni ịmi ḍịghaagh.
Ụnma ni ịmi ighirigiir nyịidipho, ạnaghan ịiḅereghi phọ ạmi.
2We phọ, pụr amem kụ ẹdi kịpher inyina osiphe ghan ạmi umugholoor?
Pụr amem kụ ẹdi kịpher inyina
ọphomoghian ghan oopho ạraraar rꞌọgbaaghi ghan ọkpe?
3Ilegheri mọ Ọmoogh-we phọ mạson ni we phọ ọdi ạloghoma loor.
Ọmoogh-we phọ rạnaghan ghan ni tọro amem lọ mị ạmagh nyọdi.
4 #
Ẹfe 4.26
Imiigh okpereghaan, kẹ́pioghom mun sịpioghom;
imitenom iloghi phọ anyina ezue
sịphe ẹmina phọ anyina bịn eḅoorian.
5Ịpinyon ghan rịkia ịpe eseleman bọ
kụ eḍuom ologhi Ọmoogh-we phọ.
6Ịbadi odi ni dị rọoḅereghi ghan mọ,
“Ạnhian kụ kụrolomi iyoor ḍigeny ạdol, Ọmoogh-we?
Poophe ḍịḅaal arisigh phọ ạna pịdi isoorom iyoor.”
7Nạ mụngo ịmi ọḅaal ologhi
apu nyọpo bịdi ọmoogh bọ
mem mọ nạ ạbughe bọ ịbiakpa phọ rꞌamiim ịghol phọ ạbidi.
8Mem lọ mị ạmina, mị ạnaani rꞌẹepho
ịdi eḍighi bọ nạ Ọmoogh-we phọ bịn kụ ọdi mị aḍuom ologhi.
Currently Selected:
Ạsuor 4: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
