Ạsuor 3
3
Ịiḅereghi ạḍiroor ịlo ọloghonaan ạḍighaagh
1Mị ạmoogh ḍita ạbumulogh-ḍien, Ọmoogh-we,
ịbadi ạbudi ụwa ịmi sighiton!
2Bịdi rọkaaph ghan ịlo ạmi kụ ọḅem mọ,
“Ẹnaan kẹ́loghonaan nyọdi ḍịghaagh.”
3Kụ ọlo nạ Ọmoogh-we kụ ọsuaram ạmi esi omuzaan aḍuugh.
Nạ kụ ụngo ịmi ọkpar opu kụ aaḅulemi ạkpo ologhi ạmi.
4Mị ụmagh ni Ọmoogh-we phọ mọ tue ụlhoghonaan ịmi ḍịghaagh
kụ kꞌẹpe eegbolom iigbia phọ ọdi, ọdi ụphagharanaan ịmi.
5Mị ạmina kụ ạnaani oomo ạḍidoony aḍughul;
mị ạsuma kụ Ọmoogh-we phọ odianaan rꞌạmi.
6Mị rákiilaan sịmuunir ạbumulogh-ḍien phọ
bụphe ukoom bọ ịmi ọlogh ogbo.
7Tue, Ọmoogh-we, ụphel ịmi; nạ Ẹnaan phọ ạmi.
Nạ ụlhiom oomo ạbuphe ụlogh bọ ịmi ḍien phọ
kụ ạwile bịdi esi dị ịikpo ílho mun oḍighi ạmi ịyaar.
8Ọkpar opu ạḍua ghan esi Ọmoogh-we phọ kụ ratu —
meera ọdi ạseph we ọdi!
Currently Selected:
Ạsuor 3: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
