Ạsuor 2
2
Ọdaam dị Ẹnaan kụ ẹma
1 #
Iiḍ 4.25, 26 Uḍighi ika nụun kụ oomo areelhe phọ ọḅoph bọ ọnhu omite ẹkaraph ezue,
kụ awe ịsien aḅirini phọ roopuruan ghan bọ ruupuruan dị ẹmhu ílho?
2Ạbudaam mọ ạbidi mọḅaar rụmhu ọḍua ịtooghi,
ạbuo ịtooghi ạbidi mookpomoghan oruphiom Ọmoogh-we phọ elephiri
rꞌọpo ọdi ạsaḅar bọ amitiom mọ ạda bụno kụ rọḅem ghan mọ,
3“Orunyi izime phọ ụghoroghiom bọ iyira oroph.”
4Ọmoogh-we phọ odi bọ kꞌạke phọ
rạmilogh ghan rẹer kạnmoghoghoom bịdi.
5Rꞌọghagh ologhi kụ rasiphe bịdi ruugu
kụ kạḅaam bịdi mọ,
6“Ẹpe Zạyon, eegbolom iigbia phọ ạmi,” ọdi ạḅem,
“mị mạrolomi ọdaam mọ ạmi loor ạgada ọdaam ẹmha phọ.”
7 #
Iiḍ 13.33; Hib 1.5; 5.5 Kụ ọdaam mọ ạḅem mọ, “Mị kạgba amitiom
ịpe Ọmoogh-we phọ uḍeenaan bọ ịmi mọ,
‘Nạ Ọony phọ ạmi. Rodon mị mạgba aḍeenaan loor ạmi mọ mị Ọde phọ ạna.
8Lọm bịn mị kạngo nyịna oomo areelhe phọ,
kụ oomo aḅirini phọ kaḍighi ọlo ạna.
9 #
Ogon 2.26, 27; 12.5; 19.15 Nạ kạpam ni ịkpara okuron kụ abunughiom bịdi;
nạ kaḅomoghi ni bịdi ịpherepe ịdipho ọnyoki.’”
10Ịmaar ẹnaghanan, nyina ạbudaam-ẹmha phọ.
Iler rụru oroma phọ ọphon, nyina ạbuo ịtooghi ịsien aḅirini phọ:
11Ịiḅereghiom Ọmoogh-we phọ rꞌoghiilaan.
12Ipiigha kụ ekpuḍughian ghisigh Ọony phọ,
ọbo ọdi kịliom ghan bọ inyina ghẹlhe phọ ekperenom
bịn nyina eegborion emugh.
Iboh edianaan bụphe oḍigh bọ ḍibuo ọdi.
Currently Selected:
Ạsuor 2: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
