Ạsuor 11
11
Oḍuom ologhi esi Ọmoogh-we phọ
1Mị aḍuom Ọmoogh-we phọ ologhi kụ aḍigh ḍibuo ọdi.
Nạ ụtuan ika kụ ụḅeni bọ ịmi mọ
“Pẹeph ạḍua ịdipho ẹnun ạghi ẹpe ạraaḅaraph phọ.
2Bụo ạsipioghom ọbooghian; mọkpamaghi sịkumugh phọ ạbidi
ogbonogh rịkpina phọ ạbidi ịlo ọraḅal aweye aruukuan.
3Mem lọ ogbonyon ephighiom otu phọ olereghi,
ịyaar dị oye katue aḍighi ílho mun.”
4Ọmoogh-we phọ odi sịphe otu iigbia phọ ọdi.
Ạgada ọdaam ẹmha phọ ọdi odi kꞌạke.
Ọdi rạnmanaghian ghan ni kạmiin we tọrobo tọrobo ekpisi,
alegheri kẹn ni ịpe bịdi roḍighi bọ.
5Ọmoogh-we phọ rạaḅeghion ghan ni bụo aruukuan rꞌạbuo ạsipioghom mọ kaphogh,
ạsighe oomo ologhi phọ ọdi akelom bụphe iilogh róoko bọ.
6Iiḅu ạnian ọdi keekuom ni bụo ạsipioghom mọ ịdipho ọlophia.
Ọkaraph ookuugh kapiemi ni bịdi.
7Ọmoogh-we phọ aseleman ni kụ ạpomoghian ruukuan.
Bụlo iloghi eseleman yogh kọmiin ni nyọdi.
Currently Selected:
Ạsuor 11: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
