Emiighom 36
36
Bụo ẹemara Ịso
(1 Krọnikuls 1.34-37)
1Bụen kụ oghiil atum oghiil ẹmaria phọ Ịso (bịdi kụ Idom mọ). 2#Emi 26.34Ịso aphinogh nmạnyaan aKenan: Ada ọnyani Elon ọlo ạHitait, rꞌOholibama ọnyani Ana ọony ạZibion ọlo aHivait, 3#Emi 28.9rꞌaBasemat ọnyani Ịsmael, umarani aNebayot.
4Ada ạmaranaan Ịso Ẹlifaz; aBasemat ạmar Rewel; 5Oholibama ạmar Jeus rꞌạJalam rꞌaKora. Bụen kụ ạnmuny dị ọmaranaan Ịso ẹpe Kenan.
6Kụ Ịso ạsighe nmạriir phọ ọdi, nmụny phọ ọdi rꞌạnmanyaan phọ ọdi, rꞌawe phọ ọdi, ịnam mọ, rꞌoomo aruphua phọ ọdi ạmoogh bọ ẹpe Kenan, kụ ạgbatanaan Jẹkob ọony onhiin phọ ọdi agheel ẹnon ẹmha. 7Ẹelha phọ ạbidi mẹphughan dị bịdi kotughan egina esi; ade phọ kẹn ígeni dị ịnam mọ ạbidi kẹḅal ịḅal dị kẹkasian. 8Pọ kụ ịyaar phọ Ịso ạghi bọ roogbolom mọ Idom kụ arugh.
9Bụen kụ oghiil phọ Ịso, ọde ạbuo Idom bụphe orughogh bọ ẹpe aroogbolom mọ Idom.
10Ịphen kụ asiḍien ạnmuny phọ Ịso: Ẹlifaz ọony Ada ạnir phọ Ịso, aRewel ọony aBasemat ạnir phọ Ịso. 11Ạnmuny Ẹlifaz: aTeman, Ọmar, Zefo, Gatam rꞌaKenaz. 12ẠTimna ạgaany Ẹlifaz ọony phọ Ịso kụ ạmaranaan nyọdi Ạmalek. Bụen phọ ạnmuny Ada ạnir phọ Ịso.
13Bụen ạnmuny aRewel: Nahat, Zera, Sama rꞌaMiza. Bụen phọ ạnmuny aBasemat ạnir phọ Ịso.
14Bụen ạnmuny Oholibama ọnyani Ana ọony ạZibion ạnir phọ Ịso ạmaranaan Ịso: Jeus rꞌạJalam rꞌaKora.
15Bụen kụ ạraalha sịphe ọkuruḅaka phọ Ịso. Ạnmuny Ẹlifaz ọkpana ọony Ịso, ạbudaam mọ ạbuen: aTeman, Ọmar, Zefo, Kenaz, 16Kora, Gatam rꞌẠmalek; ạbudaam mọ ọḍua bọ ọkuruḅaka Ẹlifaz ẹpe Idom kụ omite; bụen phọ ạnmuny Ada. 17Bụen ạnmuny aRewel ọony phọ Ịso: Nahat, Zera, Sama rꞌaMiza; bụen ạraalha dị ọḍua ọkuruḅaka aRewel kụ omite ẹpe Idom: bụen phọ ạnmuny phọ ạnmuny aBasemat ạnir phọ Ịso. 18Bụen ạnmuny Oholibama ọnyani phọ Ana ạnir phọ Ịso kụ omite: Jeus, Jạlam rꞌaKora. 19Ạnmuny phọ Ịso kụ Idom mọ, bụen phọ ạbudaam mọ ạbidi.
Bụo ẹemara aSeir
(1 Krọnikuls 1.38-42)
20-21Ạbuḅel awe phọ orugh bọ Idom ạnmuny ạnmuny phọ aSeir ọlo aHorait dị orugh ghan ni sịphe ade phọ: Lotan, Sobal, Zịbion, Ana, Dison, Ezer rꞌaDisan.
22Lotan, ọpo aḍighi bọ ọde ọde aropolo aHori rꞌaHeman. (ALotan ạmoogh umarani dị oghol mọ ạTimna.)
23Sobal, ọpo aḍighi bọ ọde ọde aropolo Ạlvan, Mạnahat, Ebal, Sefo rꞌOnam.
24Zịbion ạmoogh ịyal ạnmuny, Aya rꞌAna (Ana phọ ọphon kụ ạmiin bọ ọodu ạmughologhol ạmuum ẹpe ẹdala phọ, mem dị ọdi aphogh ghan ịnam adool phọ ạZibion ọde phọ ọdi.) 25Bụen ạnmuny Ana: Dison rꞌOholibama ọnyani phọ Ana. 26Ạnmuny aDison: Hẹmdan, Esban, Itran rꞌaKeran.
27Ezer, ọpo aḍighi bọ ọde ọde aropolo aBilhan, Zaavan rꞌAkan.
28Dison, ọpo aḍighi bọ ọde ọde aropolo Ụz rꞌAran.
29-30Bụen kụ ạraalha ạbuo aHorait dị ọdaaghi de phọ Idom: Lotan, Sobal, Zịbion, Ana, Dison, Ezer, rꞌaDisan.
Ạbudaam mọ aIdom
(1 Krọnikuls 1.43-54)
31-39Bụen kụ ạbudaam dị ọdaaghi de phọ Idom oye ye mem mem kụ egbi ọteeny amem dị ạbudaam ọrol ghan Ịzirel:
ABela ọony aBior ọlo aDinhaba
AJobab ọony aZera ọlo aBozra
AHusam ọlo eelhe aTeman
AHadad ọony aBedad ọlo Avit, (ọdi ạkpar apu weye ạMidian ẹgham dị ee eelhe ạMoab)
ASamla ọlo aMasreka
ASaul ọlo aRehobot ẹpe Ọgbal Ọphiiny phọ
ABaal Hanan ọony Akbor
AHadad ọlo aPau (ạnir ọdi ạMehetabel, ọnyani ạMatred, ḅịle ọnyani ọnyani aMezahab)
40-43Ẹemara phọ Ịso udia ni eḍighi yogh rughunughun ịduon: ạTimna, Alva, Jẹtet, Oholibama, Ela, Pinon, Kenaz, Teman, Mibzar, Mạgdiel rꞌIram. Bụen phọ kụ ạraalha Idom; ẹmha kịrokiro, ẹpe arere phọ ạbidi; Ịso kụ ọde Idom.
Currently Selected:
Emiighom 36: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
