UGONDU WA ATUMWA TƐKAPƐSHƐNGA TI IYI NƐ ZWENI NU UTAKADA GA UGONDU WA ATUMWA
TƐKAPƐSHƐNGA TI IYI NƐ ZWENI NU UTAKADA GA UGONDU WA ATUMWA
Utakada ga Ugondu wa atumwa, ụ shɛ tusadɛrɛnga ta Anabarɛ Ebiye Luk. Iyi nɛ shɛ iyi tandụ na amɛ ubwa i shɛ, waa duma gana na tu Mpiala mi Tijilo mi 'yagajɛ la atwa na 'wa Jisus hiiŋ, keeni gana na to o mburusonu la Anabarɛ Ebiye ubwa nu Jɛrusalɛm, tu Judia tu Samaria hwɛɛ, keeni ofwo elele na unyizo teje (1:8). Waa duma gana na ta atwa Krast kwuni turungo na ashashɛ Eju, waa ta tuhwulo, waa shɛ ya iyi rishe-tɛtɛtana nu unyizo hwɛ hwɛɛ. Yaa tɛtajɛ sasana bi'nyeci bu utakada ga, maa mbiso atwa na a rɛta uŋ maa, atwa Krast shanɛ shɛ ugwominetu Rom gana maa e 'wericinji undwa wa aba o. Yaa shaananɛ tụ'ụrɛcɛnga te rishe-tɛtɛtana re Eju a na shɛ atwa Krast.
E eri o dwotwogonu utakada ga Ugondu wa atumwa apadụ atatụ, na tuhaŋsa tu na ti gembi gana na te e enenji Anabarɛ Ebiye, iwɛ Jisus, keeni gana na te e shikicinji Tụ'ụlwa-tụ-ụhiɛŋshɛ-Agwangwama: (1) Tukwuno tu urungo wa atwa Krast nu Jɛrusalɛm, na aba na ti ge Jisus hwuri na azuba. (2) Tubaburunga ta Anabarɛ Ebiye ata, na apadụ cɛnjɛ te Eju anya; (3) keeni ugombo u tumburusonu ta ata tutu ee teni unyizo ga ụ'wụtụ tutu ee ci Rom.
Iyi tandụ nɛ hwuri umbe nu Ugondu wa atumwa, i shɛ ugondu Mpiala mi Tijilo, mu na mu zhajɛ nu ukpahiŋ, maa patanɛ atɛtanɛ-rishe, a na namɛ la nu Jɛrusalɛm, nụ ụjita bu Pɛntɛkost, keeni tuhwulo tu na boo to na ti'yagaga ta atɛtanɛ-rishe, keeni ikɛnyi tụpana Tụ'ụlwa-tụ-ụhiɛŋshɛ-Agwangwama, keeni ehwurembe u tuba ni iyi elele nɛ ye tenenji, inɛɛ nɛ ee 'nyeci unabarɛ ibɛ nu utakada ga. O sotulonu utumwa na atwa Krast ehiiŋ jɛmɛ nu uhwaŋna tikpendere, tedure nu ufwugwo imbisegeni nɛ aa njɛ, keeni ti'nyeci ti iyi nɛ ndanjɛ nu Ugondu wa atumwa. I mbiseni ukpahiŋ utumwa na aa jɛmɛ tedure na araiŋ atɛtanɛ-rishe keeni ikpɛngwu-tutwa nɛ namɛ na amɛ Tụ'ụlwa-tụ-ụhiɛŋshɛ-Agwangwama.
Tudwotwogonu ti iyi nɛ zweni nu utakada ga na:
Tumama imanga iwɛ tiseyida tula 1:1-26
a. Unu-tupana keeni unu-tishilo Jisus umɛwɛɛ 1:1-14
b. Bụtụ na teni ụtarụtụ Judas 1:15-26
Tiseyida tula nu Jɛrusalɛm 2:1—8:3. Tiseyida tula nu Judia keeni Samaria 8:4—12:25. Ugondu Poul 13:1—28:31
a. Tahaŋnụ tu bwa tu tutumwa ti hiiŋ 13:1—14:28
b. Tu'ulwa tu na tɛ njɛ nu Jɛrusalɛm 15:1-35
c. Tahaŋnụ tu bwa tu tutumwa ti yebi 15:36—18:22
d. Tahaŋnụ tu bwa tu tutumwa tụ tatụ 18:23—21:16
e. Tukapa tu Poul nu umwono-tishi nu Jɛrusalɛm, nu Sɛsɛria keeni Rom 21:17—28:31
Rubassa Bible © Bible Society of Nigeria, 2008